يوسف: صبيلي عصير
انا: باهي
وصبيت عصير ومديتلا كبايه ومسكها يوسف وجت يدا ع يدي
جاني شعور غريب واحساس حلو مايوتصفش
كريت يدي
ورديت ناكل
انا: الحمد الله وصبيت
يوسف: استغرب فيا وبحت
كنك
انا: نمشي ومانبحتش فيه. شبعت الحمد الله
يوسف: رقالا من طريقتي وتجاهلي له
خشيت الحمام غسلت ايديا وحكيت اسنوني وتوضيت وصليت قيام الليل وخذيت المصحف تميت نقرأ في قرآن
حسيت روحي مضايقه ومغموما فاكان اكثر شي يريح فيا وخفف عليا ويقوي فيا لما انصلي وندعي لربي ع صلايا ونبكي ونشكي انحس في روحي قريبه من ربي و أول ما نسلم ونكمل الصلاه انحس كأن هم وانزاح ع قلبي ونتريح وربي يشرحلي في صدري
الحمد الله ع نعمة الاسلام
~~~~~~~~~~~
منذر : مازال مشيت امبدري قالولي بعد 15 يوم توصل
هند: باهي ان شاء الله
منذر: انا مش عارف ليش ماجبتش اثاث من هنا عليش لشورخ وجيبتا من برا بنفهم انا
هند: خلاص ياعمري كنك اهدأ عليش مزعل روحك انت بس
منذر: والله كان درت كيف يوسف وجبتا من معرض يبيع في اثاث تركي من هنا
هند: سكتت
منذر: كنك سكتي
هند: لان كل يوم تحكي في نفس الموضوع وتلوم فيا وداير قصه عليه
منذر: وانتي زعلتي
هند: لا عادي مازعلتش ماتشغلش بالك انت
منذر: هند كنك تحكي هكي
هند: منذر ماشيا قتلك فوت خلاص انا نعست بنرقد
منذر: بترقدي
هند: اها
منذر: ماشي عدي ارقد ياهند تو ينفعك النوم
هند: باهي هيا باي
منذر: سكر في وجها . اوووووف
وعزقا الموبايل ع ارض وكسر شاشتا
~~~~~~~~~~~~~
كمل يوسف وكال وسمعتا خش للحمام
طلعت من دار ضميت حوست العشاء من علبار وبرمت ع مطبخ
وحطيت التباسي في حوض وبديت نغسل فيهن
طلع يوسف وخش للمطبخ فتح تلاجه ويشرب في اميه ويبحت فيا وانا نغسل في مواعين
يوسف: حط كاس قزاز امتاع لميا في تلاجه
وجا قدم عليا وطفا عليا الشيشمه
انا: بحتت فيه منصدمه. كنك
يوسف: مدلي منشف . امسحي يديك
والتفت لورا وجا عند غساله كان لونها ابيض
وخذا تباسي وتما يستف فيهن وكبابي والكواشيك
وانا كنت انبحت فيه شفتها بس ماكنتش عارفا كيف تستعمل وكنت عرفتها غسالات اموعين لان أمل وكريمه عندهن منها
يوسف: تعالي قدمي كنك خايفا
انا: كشخت عليه لا مش خايفا 😒
وقدمت وصبيت جنبا وحطيت ايديا في خصري ونبحت بلامبالاه ورافعا حاجبي
يوسف: شوفي اتحطي صابون وتسكري وبعدها اتزري هذي وهذي وتختاري اميه ساخنه ولا مصقعه واتزري هذي
وها تو شعلت
حتقعد اشويه ويعد تكمل حدير صوت بروحه
امتاع الي كملت غسل
اتجي تفتحيها وطلعي مواعين وترديهن في دولاب
وبحت فيا ابتسم ورفعلي حاجبه
وانا كنت انبحت فيه زين ورافعا حاجبي وحطا ايديا في خصري وكان قفطان قصير فوق من ركبه بشويه ولونا احمر وعاكس ع بياضا امتاعي وشكل الحنا في كرعيا منظر حلو
أنت تقرأ
{الحب الاعمى} الجزء الاول منقولة
Mystery / Thrillerقصة ليبية تتكلم عن الحب الوفاء الصداقة الاخوة الخيانة الكذب قصة طويلة جميلة مأخودة من أحدات حقيقة لم تكتب عبثا او لتسلية فقط بل كتبتها الكاتبة بكل احساس ومن واقعنا فالنقراها ونتمعن في أحداثها ونأخد ماه رائع وجميل منها وأنا أنقلها كما كتبتها الكاتب...
