موسي:هيا البسن وعدن لجيرانا عيت سيدي مختار عبد الله دار حادث وماتت مراتا ووليدا
انا: انصدمت لاحول ولاقوة الا بالله
بنات: هيييييي عليك كارثه
اجديده: يانا عليا ايش يصبرا ان الله وان اليه راجعون
موسي: هيا خلاص الجيران كلهم بدو يجو وتن اروحكن واطلعن قدامي نرجا فيكن
أمل مرات موسي: بالنسبه ليا ماحتي مشيت وقت الخبارا عياط صبايا ونديب فكني منا تو نمشي بكره
موسي: باهي براحتك وانتن هيا
خشيت انا والبنات للدار بيش نلبسو وكنت مصدومه لان وجعني واااجد كارثه كبيره له ماتت مراتا و وليدا
فاطمه: يانا عليا يوجع عبد الله عليك مصيبه مصيبتا
هدي: استغفر الله هي ننقنها كارثه بس ربك يمهل ولا يهمل
انا: هدي مش وقتا كلام هذا والموت والمرض فيهنش شماتا بدل ماتدعي ربك يصبرا كيانتا كبيره مسكين
هدي: ماقلت شي واللهم لا شماتا بس هذا الي دارا فيك ولا انسيت كل سجده لكي تبكي و اتحسبني عليه
وهذي كلمه حسبي الله ونعم الوكيل الي اتقولي فيها عليه ربك ردها له وفي اهم حاجه عندا كبدا ومراتا
انا: ياريتني لا تحسبنت عليه لاشي كان نحسابا هكي راني فتا بكل
هدي: حتي كان انتي فتيه وسمحتيه ربك حيأخذ حقك بدون ماتدعي لان ربك ع كرسي عدل
فاطمه: فنصت في هدي لان كانت اتشوف فيا بديت انلوم في روحي
فاطمه: تو ندز مسج لمفتاح انقولا ماشيا انعزي جيرانا
هدي: يانا عليا ماقهرتني الا الفرخا الي اسمها امل النبي شفتنها كيف اتفصع حسها سحنت اكبيدتي
فاطمه: خزيه الحيوانه هذي عندهش اي نوع من مسؤليه ولا تعدل ع شي
هدي: ماهو خوك ماشاطر غير فينا بس مش قادر عليها
فاطمه: عدا حتي هيا مراتا كان مالبالها طلباتها ودار الي تبيه تحرما من كل حاجه
هدي: ههههه عطك الخير يا افطوما
اسملا علينا امتا نمشو حيشان رجلتنا وندلعو فيهن ونفتكو من ظلم خوتك لنا
اجديده: قطعت كلام ..ها يابنات لبستن
فاطمه: اها خلاص يا أمي لبسنا غير نرجا مفتاح يرد عليا برساله
اجديده: وانتي ياهويدا قلتي راجلك راك تقعدي طالعا من وراه عرفتك جالطه ومعانديا
هدي: ههههه لا مقتلش بس تو ندزلا مسج توا
اجديده: وين حياة
فاطمه: انظني خشت لحمام
اجديده: تنهدت . استغفر الله
مبروكه: هيا يابنات هذا كلا لبس راه عزاء مش عرس هيا عبايا وشاح اتحطنا ع روسكن وتطلعن
اجديده: استر يابتي كنك ركبتي عليهن ساع يطلعن واتحقي فيهن لبسن فيلوات اهن لبسات عبايتهن غير يرجن في رجلتهن يردو عليهن ولا يمشن من وراهم تبيهن
أنت تقرأ
{الحب الاعمى} الجزء الاول منقولة
Misterio / Suspensoقصة ليبية تتكلم عن الحب الوفاء الصداقة الاخوة الخيانة الكذب قصة طويلة جميلة مأخودة من أحدات حقيقة لم تكتب عبثا او لتسلية فقط بل كتبتها الكاتبة بكل احساس ومن واقعنا فالنقراها ونتمعن في أحداثها ونأخد ماه رائع وجميل منها وأنا أنقلها كما كتبتها الكاتب...
