نسمعو صوت عالي
موسي: انتي يافرخا الي اسمك حياااااه
انا: لما سمعت اسمي قلبي تما يدلف وركبتني ليا من خوف
صبيت وكانن فاطمه وهدي امصبيات جنبي
ويخش موسي يفتح باب الدار بكل قوتا
موسي: فيش كنتي اديري امس مع عبد الله ياحقيره يامسخا
انا: والله مادرت حاجه كان يبي طريق بس شفتها له وخش
موسي: يبي طريق صار وانتي مراتا بيش تعطيه الطريق ولا ناسيا روحك انك اطلقتي منا
وقرب مني وكرني من عند شعري ونزل فيا ضرب
وانا طلقتها اعياط
وهدي وفاطمه يحزنْ عليا ويدف فيهن
وجن أمي ومبروكه وتمن يحزن بس ماحد قدر يفكني ما
انا: والله مادرت حاجه غلط والله ياموسي ماغلطت
موسي: يامسخا ياحيوانه من اول قتلهم مايطلقوكيش منا بس عاندوني باتي وعيسي
اصلا انت بنات تبنش الا العين الحمرا
اتفووووه عليك وع شكلك ياوسخا
وطلقني وجا كف لهدي بدون ماتحس
هدي: اييي شن درتلك انا شن درت
موسي: وانتي ياجالطه ياحيوانه طلقا لسانك ع أمل قدام البنات واحرجتيها
هدي: تبكي وعالت صوتها ع موسي
اصلا هيا الي مش تمام وعابات فينا تحسبنا صايعات كيفها
وانا في عز ابكاي فتحت اعيوني وانصدمت من كلمة هدي
وكلنا فنصنا 😳
موسي: شن قالتي ماسمعتش
اها شن قالتي وبدأ في هدي ضرب كرشوات ع كفوف
اجديده: حيد من علي بنت قتلتها حول هكي
مبروك: واااو علينا ووااو قتلت البنت حول الله لايسامحك الله لايسامحك
تبعد موسي من ع هدي الي كان شعرها متنتش وجها منحمر
اتفووووه وسخات اقسم بربي ماعد في اطلوع من حوش لاي مكان خلنكن هنا عند ماتربن يامسخات
وانتي يافرخا حياه قعدتك في حوش مش حطول
انجوزوك قبل ماتركبينا العار وفضايح مع طليقك ياحقيره
وطلع وانهرت فاطمه بكا
وجت اجديده قعمزت وضبطتنا
اجديده: ودموع في عيونها
يانا عليا انا من بختكن وحظكن العطيب
رعشكن يأخذ سوكن ان شاء الله عطا مايطقا هو والعقرب الي عندا
خزي علي بوك تربايا سودا
مبروكه: كلب يكلبا كلبتا هالمرأ بتجننا والله ماهو صافي العيل مسحور
وكنت انا وهدي وفاطمه انتباكو وكل وحده تبكي ع عيشتنا الي عيشينها ومش وخذين فيها حق من حقوقنا
مبروكه: خلاص يابنات نوضن اغسلن وجوهكن وماتعدلنش عليه تو يجي باتكن ونحرشا فيه
انا: بدون مانحس ع روحي تميت نضحك
وركبت فيا هستيرية ضحك استغربو فيا
اجديده: بسم الله كانك يابنيتي
مبروكه: كنها تضحك هكي
وانا كنت خلاص من ضحك عند حسيت بطني
وتبحت فيا هدي الي كانن اعيونها حمر وشعرها مرايش وفيها تخبيش ع خدها
وتبحت فيا وتطربق ضحك امعايا
وفاطمه تمت مبتسمه امعانا وتسأل فينا كنكن
أنت تقرأ
{الحب الاعمى} الجزء الاول منقولة
Mystery / Thrillerقصة ليبية تتكلم عن الحب الوفاء الصداقة الاخوة الخيانة الكذب قصة طويلة جميلة مأخودة من أحدات حقيقة لم تكتب عبثا او لتسلية فقط بل كتبتها الكاتبة بكل احساس ومن واقعنا فالنقراها ونتمعن في أحداثها ونأخد ماه رائع وجميل منها وأنا أنقلها كما كتبتها الكاتب...
