{الحب الاعمى} الجزء الاول منقولة

{ الحب الأعمي } الحلقه 34

لحقتني رحاب ميتا ضحك
رحاب: حيوتا
انا: برمت عليها نعم
رحاب: ههههههه
قدمت عليا وحطت شعري ع كتفي
غطي غطي ياحنه فضايحك انت ولد سيدي 😂
انا: كذابه حي عليا
رحاب: لا كان مش باين غير لما حاولتي شعرك بانن ياحنه شفتيش اميره وجها كيف قعد
انا: حسيتا وجها تغير حتي انا
رحاب: يالا ياحنه ماتعدليش ديما اتصير ياما شفنا من اروي وغطينها وتو انتي ومازال السيد منذر
انا: هههههههه الله غالب اعيال سيدك صياعا
رحاب: مش مغير
بس انتي نجك ليا طالعا عسل وكيوت اتقول ابنيا اصغيره مش مرأ متزوجا
انا: ههههه وليا نجك عقبالك ياحنه حتي انتي
باهي مش باين شي هكي
رحاب: لالا خلي شعرك هكي مش حيبان شي لان مغطي عليه شعرك
انا: باهي
خليني نمشي نقعمز يالا جديده عزيزه واروي ماعلي نزلت العروس وجو هلها
رحاب: عدي ياحنه

وعديت قعمزت جنب اروي وكانت حليمه وجدت يوسف ومرات سيدا جمال وبنات خوات اميره واحلام
مقعمزين يهدوزو

اروي: كنها طولت هند وماتزلت
انا: اكيييد تلبس العربي هذا قصتا قصه
اروي: ننقنا بكل بصراحه انا في يوم اسبوعي بعد لبستا سلحتا وحلفت الفيصل قتلا معش لبستا
انا: ههههه صدقتي فيه هو متعب بصراحه بس في اوقات تحتاجي انك تلبسيه
اروي: ننقنا بسلامتا
حي عيد زواجي بعد يومين
انا: والله
اروي: والله مش عارفا شن اندير وشن نلبس وشن نهدي للفيصل
انا: لكي كم انتي يا اروي
اروي: ليا 3 سنوات
انا: باهي مبروك ان شاء الله
اروي: الله يبارك فيك

~~~~~~~~~~~~~~~

معتصم: تي ها وينك
صاحب معتصم: قاعد عند كافي متاعنا الي ديما
معتصم: اوكي شفتا راسك لمسخط
صاحب معتصم:ههههه اوكي ياتافه

ونزل معتصم من سياره وعدا للكافي وسلم ع شباب وطلب قهوتا
وجا يالا صاحبا

معتصم: شن جو يابو راس
صاحب معتصم: تمام ياطيري شن جوك انت
.معتصم: مت...... جوي
صاحب معتصم: كنك باهي شن صار
معتصم: كلمني جدي امبدري
يحكيلي ع فرخ هذك قالي جاني باتا وقالي قول لحفيدك يتبعد ع ولدي اصلا راه نويها له ولقيتا يلم في روحا وجماعتا
وراني المره هذي مسكتا المره جايا دخلنيش بيه
المهم جدي قالي شن في بينك وبينا وفكني من مشاكل وعرم كلام قالا ليا
المهم قتلا ياجدي خلاص انا حكيت امعاه مره وحده وع اساس عدا الموضوع في حالا بس هو حطني في راسا شكلا
صاحب معتصم: شن جو لفروخ الي يدير فيه هذا وباتا جاي من كل جدا لهلك تي قتلك عيل وفرخ
معتصم: مش عارف يارا حسا رقها ليا
المشكله خايفا انسافر المغرب يجي لهلي في فيلا يهجم عليهم وانا مش قاعد
مش عارف شكلي تو انعديلا توا بس مشكله جدي حلفني ازح
صاحب معتصم: ترقالكش ياطيري نحنا معاك اي شي تلفون بس انكون عندك
معتصم: عارفك يابور راس ماتقصرش بس انا مش خايف منا انا خايفا ايجي لهلي وجدي يبي يعرف سبب المشكله شنو وانا مابيتش انجيب اسم البنت
صاحب معتصم: حتي انتي يابورفيق مش عارف عليش ادخلت فيها كنت اتفوتها
معتصم: عيب ياراجل مش حركات راجلا البنت استنجدت بيا وتعد فيا زي خوها وقالتلي يامعتصم احكيلا وفكني منا تو يفضح بيا قدام هلي
وقعد يديرلها في حركات معيلاويجيها قدام حوشهم سكران يمتع في سياره ويعيط
قالتلي كان يفطنولا خوتي شوري يقتلوني
صاحب معتصم: ماهو حتي هيا بعد خايفا من الاول عليش ادير امعاه علاقه ومع واخد شلتوت كيف هذا
معتصم: الله غالب كانت تحسابا راجل بس طلع شلتوت ومتاع حشيش وسكير ويدير في جو معيلا
الي راجل يحشس ويسكر بعيد مايمعيلش بروحا
يااسكر بأحترام ياسيبا لهلا
صاحب معتصم: مش عارف شلتت خاطري انعدي نعجنا رقها ليا
معتصم: وهذا انا الي صارلي حتي انا طلع فرخ بكل جيتا بأحترام وقتلا خليها البنت شوري قعد يقولي انا اتسيبني ويعيط يحساب روحا جايب الدوره قتلا انا دويتلك راجل لراجل وماتخليش بنت اتخش بينا وقتلك البنت هذي شوري خلاص خليها في حالها عدا قالي قوللها اتردلي افلوسي كلهن وكل حاجه عطيتها لها
عديت كلمتها قتلها انتي واخذ فلوس وهكي منا قالتلي 250  وفي دبب وعطور بس
قتلها وتيلي لدبب والعطور
وسكرت منها وقتلا تو يجنك ادببك وعطورك وعطيتا 250 امتاعا
وقتلا خلاص تم هكي معش في شي تبيه منها وانسها خلاص
وع اساس اتفقنا وقلت خلاص انتهت القصه وعديت جبتلا حاجاتا وعزقتهن له ع وجها وروحت والجو تمام
انا مش عارف تو شن خطر عليه
صاحب معتصم: شكلا سكر والسكرا امتاعا جت عليك
معتصم: والله شكلا
صاحب معتصم: باهي تو انت شن الحل
معتصم: انا بنفوتا خلاص توا لان جدي حلفني بس كيف ماقتلك خايف يجي هو ويهد هو وشلتت امتاعا ع فيلا وانا مش قاعد
صاحب معتصم: ماعليك فيه انا تو نمشي ونتم الموضوع امعاه
معتصم: لالا تدخلش انت خليه بيني وبينا
صاحب معتصم: تي كيف يافندام انت مصبيلي في كم موضوع هذا وقتك
خلاص اعتبرا تم وموضوع شوري
معتصم: هههههه مازالت مذكر انت
صاحب معتصم: وكيف ننسا العركه هذكي الي لعند توا  بسببها سموك فندام
معتصم: هههههه تي وينهم الشباب
صاحب معتصم: والله قاعدين معش التمينا كل واحد فيهم لهي في روحا الي يشتغل والي يقرأ والي خطب
معتصم: والله مفروض انديرولنا زردا ونلتمو فيها مع بعضنا
صاحب معتصم: ان شاء الله تو نكلمهم ونقولها لهما ونديروها بعد اتروح من المغرب انت امتا ماشي
معتصم: احتمال الاسبوع الجاي ان شاء الله
صاحب معتصم: باهي تمشي طيب ياطيري
معتصم: ان شاء الله
تبيش مني شي يا رأس
صاحب معتصم: لا يافندام تسلم
معتصم: خلاص ياحبيب سلام
صاحب معتصم : اوكي
معتصم: صبا معتصم اوكي ياشباب
شباب: اوكي
وطلع معتصم من كافي ركب في سياره وروح