{الحب الاعمى} الجزء الاول منقولة

{ الحب الأعمي } الحلقه 32

انا: هييييييي😱😳

وكانت احلام مسكا في يدها صونيا فيها حنه
ورها رحاب ورحمة لبسات بجاماتهن ورحمة مسكا لصقه ومقص في يدها
رحمه ورحاب: سبرايس
احلام: اششش ناس مرقدا
انا: هههههه شن مفجأه هذي وشنو هذا خشن خشن
رحمه: وهيا اتخش ومسكا في يدها لصقة ومقص وفونها
ياحنه عميمه كلمتنا وقالت في عروس فوق تبي اتحنيها اليوم هيا اركبن امعايا
انا: ههههه درتيها من جدك يا أحلام
احلام: انا نوعيتي مانبصرش ياحنه
رحاب: يانا عليا المرأ عابيا تبي ترقد مظلما الحوش وخذا وضعها
انا: هههههه لا والله ع اساس احلام جايا بتبات امعايا قالي يوسف

احلام : وهيا اتقعمز وتحط صونية الحنه ع طاوله
اها كلمني قالي انا ماشي مزرعه وبايت وحياه فوق بروحها اركبي باتي معها لانها تخاف وحدها
قتلا في عقلي اساساً انا كنت بنركبلها اليوم في الحالتين سوا كلمتني ولا ماكلمتنيش
انا: ههههههه
رحاب: ونحنا طبعاً مساعدات جيات
انا: نجكن ليا بالي جيتن انكسدو مع بعضنا ع اقل
رحمه: الله ياعوين رجالا انظر شن دييرين توا في حفله عليك جو
رحاب: يانا عليا خاطري نمشيلهن حفلات شباب هذينا
احلام: تو حتي انتن عندكن حفله هنا
هيا ياحيوتا ياحنه
وتي روحك انحنوك ساعه  1
انا: باهي ارجي بس انديرلكن حاجه تاكلنها
رحاب: تعالي هنا
نحنا مش برانيات خلينا انحنوك وكان جعنا تو تصبي وحده منا ادير حاجه
احلام: اها هيا تعالي
انا: باهي وين نحني هنا
احلام: يااااي صاح عندكش فرشات انتي صاح
انا: اها
احلام: عدن يابنات جبن فراش من لوطه وتعالن
انا:وجبن فرشات لروحكن تباتن عليهن
رحمه: لا مش بيتات انحنوك ونكسدو اشويه ونروحو
انا: في عيونكن
والله يتباتن يا اتروحن توا عنجد اتكسدن وتروحن
احلام: وعليش بيتين كلنا ياحياه سامطا
انا: فكني من سماطا لا سامطا لاشي ديرليش جو الحشم
رحاب: لا ياحنه مش ديراتا جو الحشم بالنسبه ليا تو نبات هههههه
انا: ههههه انبصر راه كنك مسرع ماصدقتي انتي
بنات: ههههههههه
رحمه: باهي هيا انتي نوضي ننزلو انجيبو فراشات
وامخاد وفوط امتاعتنا ونجو
انا: لا امخاد وفوط عندي بس فرشات معنديش
رحاب: تم انجبوهن ونجو

ونزلن البنات وانا خشيت انغير في دبشي ونلبس حاجه مريحا بيش يحنني البنات ولميت شعري وخشيت للحمام وتيت روحي

انا: احلام تعطيني فونك انرن ع يوسف انشوفا
احلام: اها هاكي
انا: اطلبيه ليا
احلام: رنتلي ع يوسف ومداتا ليا

انا: خذيت فون وقعد يرن
احلام: اتوشوشلي
ماتقوليلاش انك بتحني خليها مفجأه له
انا: هزيب براسي باهي

انا: الو
يوسف: كان يالاه هرجت شباب  
ايوااا
انا: خيير
يوسف: اها حياه شن جو
انا: كويسا . انت شن جوك
يوسف: تمام
انا: وصلت
يوسف: اها امبدري اشويه
انا: اها
يوسف: انتي شن صار فيك احلام جاتك
انا: اها جتني وجن امعاها البنات رحمة ورحاب وحتي هنا بيتات امعنا
يوسف: باهي تمام كويس
بيش متكسديش وتغيري جوك امعاهن
انا: اها
يوسف: باهي شنو جو شقه بلايا
انا: قعدت نبي نقهرا
يهبل عارف خذيت راحتي
يوسف: اممم باهي كويس انبسطي بروحك
انا: حتي انا مبسوطا
باهي انت شن جو عندك
يوسف: عليك جو مش عادي
اغاني ورقيص وهياجا ماصارت بكل خير من نكد الي في شقه بعدك جيبين دراقات
انا: شنو دراقات
يوسف: حاجات اسماح معناها
انا: زي شنو يعني
يوسف: زيك هكي بس يضحكن مايكشخنش
انا: انقهرت وعرفتا يحكي ع بنات 😳
قصدك جيبين بنات 😳😱
يوسف: اكييييد يعني 
انا: شنو هذا
يوسف: شن اسمها هيا حفلة توديع عزوبيه للعريس لازم اتكون هكي
انا: كيف هذي
يوسف: كيف في قهوه
انا: رقالي يووووسف مانبصرش انا نحكي جد
يوسف:وانا من قالك انبصر
انا: كيف هكي حرام راه
يوسف: والله شباب يبو هكي انا شن دخلني بيهم
انا: باهي وانت كنك ماتروحش
يوسف: وعليش بنروح وانتي حتي كلام تبيش تحكي معايا
خليني قعد هنا خيرلي
انا: اممم باهي بجوك
هيا باي