{الحب الاعمى} الجزء الاول منقولة
جدول المحتويات

    أنت تقرأ

    {الحب الاعمى} الجزء الاول منقولة

    Mystery / Thriller

    قصة ليبية تتكلم عن الحب الوفاء الصداقة الاخوة الخيانة الكذب قصة طويلة جميلة مأخودة من أحدات حقيقة لم تكتب عبثا او لتسلية فقط بل كتبتها الكاتبة بكل احساس ومن واقعنا فالنقراها ونتمعن في أحداثها ونأخد ماه رائع وجميل منها وأنا أنقلها كما كتبتها الكاتب...

    #😍خ

    { ﺍﻟﺤﺐ ﺍﻷﻋﻤﻲ } ﺍﻟﺤﻠﻘﻪ 33

    3.3K 18 0 
                                        
    
                                              

    ﻣﻨﺬﺭ : ﺣﺒﻴﺒﻲ ﻧﻄﻠﺐ ﻣﻨﻚ ﻃﻠﺐ
    ﻫﻨﺪ : ﺷﻨﻮ ﻳﺎﺭﻭﺣﻲ
    ﻣﻨﺬﺭ : ﺩﻳﺮﻳﻠﻲ ﻣﻜﺮﻭﻧﻪ
    ﻫﻨﺪ : ﺗﻮﺍ
    ﻣﻨﺬﺭ : ﺍﻫﺎ
    ﻫﻨﺪ : ﺍﺗﻔﻜﺮ ﺑﻴﻨﻬﺎ ﺑﻴﻦ ﻋﻘﻠﻬﺎ
    ﺗﻲ ﻛﻨﺎ ﻫﺬﺍ ﺍﻧﻜﻠﺐ ﻭﻻ ﺷﻨﻮ
    ﻣﻨﺬﺭ : ﻫﻴﺎ ﻳﺎﺭﻭﺣﻲ ﻣﺎﺯﺍﻟﺘﻲ ﺍﺗﻔﻜﺮﻱ
    ﻫﻨﺪ : ﺑﺎﻫﻲ ﺣﺎﻇﺮ
    ﻣﻨﺬﺭ : ﻗﺮﺏ ﻣﻦ ﻫﻨﺪ ﻭﺑﺎﺱ ﻉ ﺭﺍﺳﻬﺎ
    ﻧﺠﻚ ﻟﻴﺎ
    ﺩﻳﺮﻳﻬﺎ ﺳﺮﻳﻊ ﺳﺮﻳﻊ ﻭﺍﻧﺎ ﺗﻮ ﻧﻨﺰﻝ ﻟﻮﻃﺎ ﻟﻠﺸﺒﺎﺏ ﻭﺑﻌﺪ ﺗﻮﺗﺎ ﺭﻧﻲ ﻋﻠﻴﺎ
    ﻫﻨﺪ : ﺑﺎﻫﻲ
    ﻃﻠﻊ ﻣﻨﺬﺭ ﻭﺧﺸﺖ ﻫﻨﺪ ﻟﻠﺪﺍﺭ ﺍﺗﻐﻴﺮ ﺭﻭﺏ ﺍﻣﺘﺎﻋﻬﺎ ﻭﻟﺒﺴﺖ ﺍﺳﺘﺮﺗﺶ ﻭﺗﻴﺸﺮﺕ
    ﻫﻨﺪ : ﺷﻦ ﻓﻴﻬﺎ ﻛﺎﻥ ﺩﺭﺗﻼ ﻣﻜﺮﻭﻧﻪ ﻭﻛﺎﻥ ﻋﺮﻭﺱ ﻳﻌﻨﻲ ﺧﻼﺹ ﻣﻌﻨﺎﻫﺎ ﻣﺎﻧﺪﻳﺮ ﺷﻲ
    ﺑﻌﺪﻳﻦ ﻣﺶ ﺍﻧﺤﺒﺎ ﻭﺗﻬﻤﻨﻲ ﺭﺍﺣﺘﺎ ﺍﻛﻴﺪ ﺍﻟﻲ ﻳﺒﻴﻪ ﺍﻧﺪﻳﺮﻫﺎ ﻟﻪ ﺍﻟﻤﻬﻢ ﺍﻧﻲ ﺍﻧﺎ ﺗﻮ ﺍﻣﻌﺎﻩ
    ﻭﺷﻦ ﻫﻴﺎ ﻣﻜﺮﻭﻧﻪ ﻉ ﺳﺮﻳﻊ ﺗﻨﺪﺍﺭ ﻭﺑﻌﺪﻳﻦ ﻣﺶ ﻻﺯﻡ ﺗﻜﻮﻥ ﺍﻭﻝ ﻟﻴﻠﻪ ﻟﻴﺎ ﺗﻘﻠﻴﺪﻳﻪ ﻛﻴﻒ ﻛﻞ ﺍﻟﻌﺮﺳﺎﻥ ﻉ ﺍﻗﻞ ﻓﻴﻬﺎ ﺟﻮ ﻭﻧﻄﻴﺐ ﻣﻜﺮﻭﻧﻪ ﻫﻬﻬﻪ
    ﺗﻮﺍ ﺍﻟﻤﻬﻢ ﺍﻧﻲ ﻣﻊ ﺣﺒﻴﺒﻲ ﻭﺧﻼﺹ ﻭﺧﻠﻴﻨﻲ ﺍﻧﺬﻭﻗﺎ ﻭﻛﺎﻟﻲ
    ﻭﻛﺎﻧﺖ ﻫﻨﺪ ﺗﺤﻜﻲ ﻓﻲ ﻋﻘﻠﻬﺎ ﻭﺧﺸﺖ ﻟﻠﻤﻄﺒﺦ ﻭﻟﻘﺖ ﺩﺟﺎﺟﻪ ﻉ ﻃﺎﻭﻟﻪ ﺣﻄﻬﺎ ﻟﻬﺎ ﻣﻨﺬﺭ ﻓﻲ ﺷﻜﺎﺭﻩ
    ﺧﺬﺗﻬﺎ ﻭﺑﺪﺃﺕ ﺍﻃﻴﺐ ﻓﻲ ﻣﻜﺮﻭﻧﻪ
    ﻭﻗﻌﺪﺕ ﺍﺷﻮﻳﻪ ﻭﺗﺖ ﺍﻟﺴﻔﺮﻩ ﻭﺩﺍﺭﺕ ﺳﻼﻃﻪ ﺍﻟﻌﺎﺩﻳﻪ
    ﻭﺣﻄﺖ ﻣﻜﺮﻭﻧﺔ ﻓﻲ ﻗﺼﻌﺎ ﻭﺣﻄﺖ ﻛﻮﺍﺷﻴﻚ ﻭﺗﺖ ﺍﻟﺴﻔﺮﻩ ﻭﺭﻧﺖ ﻉ ﻣﻨﺬﺭ
    ﻣﻨﺬﺭ : ﺍﻳﻮﺍ
    ﻫﻨﺪ : ﺍﺭﻧﻮﺑﺘﻲ ﺍﻟﻤﻜﺮﻭﻧﺔ ﻭﺗﺖ
    ﻣﻨﺬﺭ : ﺗﻢ ﺍﻧﻲ ﺭﺍﻛﺐ
    ﺭﻛﺐ ﻣﻨﺬﺭ ﻭﺭﻛﺐ ﺍﻣﻌﺎﻩ ﺍﻟﺸﺒﺎﺏ ﻭﺧﺸﺸﻬﻢ ﻟﻠﻤﺮﺑﻮﻋﺎ ﻭﻛﺎﻧﻮ ﺳﺖ ﻭﺣﺪﻳﻦ
    ﺧﺶ ﻣﻨﺬﺭ ﻉ ﻫﻨﺪ
    ﻫﻨﺪ : ﺍﺗﻮﺷﻮﺵ ﺍﻃﺮﺡ ﺍﻟﻤﻔﺮﺵ ﻭﺗﻌﺎﻝ ﺧﻮﺫ ﺍﻟﺴﻔﺮﻩ ﺑﻌﺪﻫﺎ
    ﻣﻨﺬﺭ : ﺣﻄﻴﻪ ﻟﻴﺎ ﻉ ﻛﺘﻔﻲ ﺍﻟﻤﻔﺮﺵ
    ﻭﺭﻓﻊ ﻣﻨﺬﺭﺍﻟﺴﻔﺮﻩ
    ﻭﻃﻠﻊ ﻣﻦ ﺍﻟﻤﻄﺒﺦ ﻭﺧﺶ ﻟﻠﻤﺮﺑﻮﻋﺎ
    ﺷﺒﺎﺏ : ﺍﻭﻭﻭﻭﻭﻭ ﻋﺸﺎﺀ ﺭﺳﻤﻲ ﻫﺬﺍ
    ﻣﻨﺬﺭ : ﺍﻣﺎﻻ ﻧﻠﻌﺒﻮ ﻧﺤﻨﺎ
    ﺻﺒﻲ ﻳﺎ ﺗﻴﺲ ﺍﻧﺖ ﺍﻃﺮﺡ ﺍﻟﻤﻔﺮﺵ
    ﻭﺻﺒﺎ ﺻﺎﺣﺐ ﻣﻨﺬﺭ ﺧﺬﺍ ﻣﻔﺮﺵ ﻭﻃﺮﺣﺎ
    ﻭﺣﻂ ﻣﻨﺬﺭ ﺍﻟﺴﻔﺮﻩ ﻭﻗﻌﻤﺰﻭ ﺷﺒﺎﺏ ﻳﺄﻛﻠﻮ ﻓﻲ ﻣﻜﺮﻭﻧﻪ
    ﺧﺸﺖ ﻫﻨﺪ ﻟﻠﺤﻤﺎﻡ ﺑﺮﻣﺖ ﻉ ﺭﻭﺣﻬﺎ
    ﻭﻏﻴﺮﺕ ﺩﺑﺸﻬﺎ ﻭﻟﺒﺴﺖ ﺭﻭﺏ ﻣﺘﺎﻋﻬﺎ
    ﻭﻗﻌﻤﺰﺕ ﺗﺮﺟﺎ ﻋﻨﺪ ﻣﻨﺬﺭ ﻳﺠﻴﺐ ﺍﻟﺴﻔﺮﻩ
    ~~~~~~~~~~~~~~~
    ﻛﻨﺖ ﺭﺍﻗﺪﻩ ﻉ ﺻﺪﺭ ﻳﻮﺳﻒ
    ﻳﻮﺳﻒ : ﺣﻴﻮ
    ﺍﻧﺎ : ﻫﻤﻤﻤﻢ
    ﻳﻮﺳﻒ : ﺭﻗﺪﺗﻲ ﻳﺎﻋﻴﻮﻧﻲ
    ﺍﻧﺎ : ﺗﺆ ﺗﺆ
    ﻳﻮﺳﻒ : ﻛﻨﻚ ﺳﻜﺘﺎ
    ﺍﻧﺎ : ﺷﻲ ﻗﺎﻋﺪﺍ ﻧﺒﻲ ﺍﻧﺼﺪﻕ ﺍﻥ ﺍﻟﻲ ﺍﻧﺎ ﻓﻴﻪ ﻫﺬﺍ ﺣﻠﻢ ﻭﻻ ﻋﻠﻢ
    ﻳﻮﺳﻒ : ﻫﻬﻬﻬﻬﻪ ﻫﺬﺍ ﻛﻼ ﻣﺶ ﻣﺼﺪﻗﺎ
    ﺍﻧﺎ : ﺍﻫﺎ
    ﻳﻮﺳﻒ : ﻧﻌﺎﻭﺩ ﺍﻟﻲ ﺻﺎﺭ ﺑﻴﺶ ﺍﺗﺼﺪﻗﻲ ﻳﻌﻨﻲ
    ﺍﻧﺎ : ﻫﻬﻬﻬﻪ ﻻﻻ ﻧﺒﺼﺮ
    ﻳﻮﺳﻒ : ﻏﻴﺮ ﻗﻮﻟﻲ ﻣﺎﺗﺤﺸﻤﻴﺶ
    ﺍﻧﺎ : ﻋﻤﺮﻱ ﺑﻄﻞ
    ﻳﻮﺳﻒ : ﻗﻠﺒﻨﻲ ﻭﺟﺎ ﻓﻮﻗﻲ
    ﺗﻲ ﺍﻧﺒﻄﻞ ﺷﻨﻮ ﻳﺎﻏﻼﻳﺎ ﺍﻧﺘﻲ ﻣﺎﺯﺍﻟﺖ ﺍﻧﺎ ﺷﺒﻌﺘﺶ ﻣﻨﻚ
    ﺍﻧﺎ : ﻳﻮﺱ
    ﻗﻄﻌﻨﻲ ﻳﻮﺳﻒ ﻭﻧﺰﻝ ﻳﺒﻮﺱ ﻓﻲ ......
    ﻭﺭﺣﻨﺎ ﻓﻲ ﺧﺒﺮ ﻛﺎﻧﺎ
    ~~~~~~~~~~~~~~
    ﻓﻴﺼﻞ : ﺗﻲ ﺷﻨﻮ ﺍﻟﺴﻤﺤﺎ ﻫﺬﻱ
    ﺍﺭﻭﻱ : ﻋﺠﺒﻚ
    ﻓﻴﺼﻞ : ﺗﻲ ﻋﺠﺒﻨﻲ ﻭﺑﺲ ﻣﻦ ﺑﺪﺭﻱ ﻧﺮﺟﺎ ﺍﻣﺘﺎ ﺍﺗﺮﻭﺣﻲ ﺑﻄﻠﺖ ﻣﻦ ﻟﻤﺮﺟﺎ
    ﺍﺭﻭﻱ : ﻫﻬﻬﻬﻬﻪ ﺍﻫﺪﺃ ﻳﺎﺑﻴﺒﻲ
    ﻓﻴﺼﻞ : ﻣﺎﻫﺪﻳﺖ ﺍﻻ ﻭﺍﺍﺍﺟﺪ
    ﺗﻌﺎﻟﻲ ﻫﻨﺎ
    ﻭﻛﺮ ﻓﻴﺼﻞ ﺍﺭﻭﻱ ﺷﻮﺭ ﻭﺑﺪﺃ ﻓﻴﻬﺎ
    ﺍﺭﻭﻱ : ﺣﺒﻴﺒﻲ ﺍﺷﻮﻳﻪ ﺑﺲ ﺍﺭﺟﺎ
    ﻓﻴﺼﻞ : ﺷﻨﻮ ﻳﺎﻋﻤﺮﻱ
    ﺍﺭﻭﻱ : ﺧﻠﻴﻨﻲ ﺍﻧﺸﻮﻑ ﺑﻨﺎﺕ ﻭﻧﺠﻴﻚ
    ﻓﻴﺼﻞ : ﺗﻮ ﺑﻨﺎﺕ ﻣﺶ ﺭﺍﻗﺪﺍﺕ ﻋﻠﻴﺶ ﺗﺮﺑﺸﻲ
    ﺍﺭﻭﻱ : ﻣﺎﻫﻮ ﻳﺎﺭﻭﺣﻲ ﺍﻧﺘﺎﻛﺪ ﻭﻧﻄﻤﻦ ﻋﻠﻴﻬﻦ
    ﻓﻴﺼﻞ : ﻻﻻ ﻓﻴﺶ ﻣﺎﺷﻲ ﻫﻨﻴﻠﻲ ﺭﻭﺣﻚ
    ﻭﻧﺰﻝ ﻓﻴﺼﻞ ﻉ ﺍﺭﻭﻱ ﻭﺭﺣﻮ ﻓﻲ ﺧﺒﺮ ﻛﺎﻧﺎ ....
    ~~~~~~~~~~~~~~~~
    ﺧﺶ ﻣﻨﺬﺭ ﻭﻟﻘﺎ ﻫﻨﺪ ﻣﻘﻌﻤﺰﺍ ﺗﺮﺟﺎ ﻓﻴﻪ
    ﻣﻨﺬﺭ : ﺧﺸﺶ ﺍﻟﺴﻔﺮﻩ ﻓﻲ ﻣﻄﺒﺦ ﻭﺟﺎ ﺍﻟﻬﻨﺪ
    ﺣﺒﻴﺒﻲ ﺍﺳﻒ ﺍﻧﻲ ﺧﻠﻴﺘﻚ ﺍﻃﻴﺒﻲ ﻓﻲ ﻳﻮﻡ ﺯﻓﺘﻚ
    ﻭﻫﺎﻛﻲ ﻫﺬﻳﻨﺎ
    ﻫﻨﺪ : ﺷﻨﻮ ﻟﻔﻠﻮﺱ ﻫﺬﻳﻨﺎ
    ﻣﻨﺬﺭ : ﻫﺬﻳﻨﺎ ﺍﻟﻒ ﺍﺟﻨﻴﻪ ﺭﻫﺎﻥ ﺩﻳﺮﻧﺎ
    ﻛﻞ ﻭﺍﺣﺪ ﻓﻴﻨﺎ ﻳﺠﻮﺯ ﻳﺨﻠﻲ ﻣﺮﺍﺗﺎ ﻳﻮﻡ ﺍﻟﺰﻓﻪ ﺍﻃﻴﺐ ﻭﺍﻟﻲ ﺍﻃﻴﺒﻼ ﻳﻜﺴﺐ ﻟﺮﻫﺎﻥ ﻭﻧﻌﻄﻮﻩ ﺍﻟﻒ ﺍﺟﻨﻴﻪ ﻭﺍﻧﺎ ﺛﺎﻟﺚ ﻭﺍﺣﺪ ﻧﺠﻮﺯ ﻭﺍﻭﻝ ﻭﺍﺣﺪ ﻧﻜﺴﺐ ﻟﺮﻫﺎﻥ
    ﻻﻥ ﺍﺻﺤﺎﺑﻲ ﺍﻟﻲ ﻗﺒﻠﻲ ﻣﺎﺑﻨﺶ ﻳﻄﻴﺒﻦ
    ﻫﻨﺪ : ﻫﻬﻬﻬﻬﻬﻬﻪ ﻣﺠﻨﻮﻥ ﻭﺍﻟﻠﻪ ﺍﻧﺖ ﻭﺍﺻﺤﺎﺑﻚ
    ﻣﻨﺬﺭ : ﻟﻤﺎ ﻗﺘﻠﻬﻢ ﺍﺭﺟﻮ ﺍﻟﻌﺸﺎﺀ ﻗﺎﻋﺪﻳﻦ ﺍﻧﻄﻴﺒﻮ ﻓﻴﻪ ﺍﻧﺼﺪﻣﻮ ﻣﺎﺗﻮﻗﻌﻮﺵ ﺍﻥ ﺗﻮﺍﻓﻘﻲ
    ﻫﻨﺪ : ﻭﻋﻠﻴﺶ ﻣﺎﻧﻮﺍﻓﻘﺶ ﻣﺶ ﺣﺒﻴﺒﻲ ﻭﻃﻠﺒﺖ ﻣﻨﻲ ﻃﻠﺐ ﻭﻧﻘﺪﺭ ﻋﻠﻴﻪ ﺍﻛﻴﺪ ﺣﻨﻮﺍﻓﻖ
    ﻣﻨﺬﺭ : ﻳﺎﻧﺎ ﻋﻠﻴﺎ ﻳﺎﺗﻮﺗﻴﺘﻲ ﻧﺠﻴﻠﻲ ﻋﻘﻠﻚ ﻭﺭﺑﻲ ﻳﺨﻠﻴﻚ ﻟﻴﺎ
    ﻣﺶ ﻣﺼﺪﻕ ﺍﻧﻚ ﻗﺪﺍﻣﻲ ﻭﻃﻴﺒﺘﻴﻠﻲ ﻣﻜﺮﻭﻧﻪ ﺗﻬﺒﻞ ﺑﻜﻞ ﺗﺴﻠﻢ ﺍﻳﺪﻳﻚ
    ﻫﻨﺪ : ﻻ ﺻﺪﻕ ﻳﺎﺭﻭﺣﻲ ﻭﺻﺤﻪ
    ﻣﻨﺬﺭ : ﻗﺮﺏ ﻣﻦ ﻫﻨﺪ
    ﻭﺣﻀﻨﻬﺎ ﻭﺗﻤﺎ ﻳﺒﻮﺱ ﻓﻴﻬﺎ
    ﻫﻨﺪ : ﻗﻠﺒﻬﺎ ﺗﻤﺎ ﻳﺪﻕ ﻭﺗﺮﻋﺶ
    ﻭﺩﻭﺑﻬﺎ ﺗﺤﻜﻲ
    ﻣﻨﺬﺭﺭﺭ ﺧﻠﻴﻨﻲ ﻧﻐﺴﻞ ﻣﻮﺍﻋﻴﻦ
    ﻣﻨﺬﺭ : ﺗﻲ ﺑﻜﺮﻩ ﻧﻐﺴﻠﻮﻫﻦ ﻣﻊ ﺑﻌﻀﻨﺎ
    ﻫﻨﺪ : ﻻ ﻳﺎﻧﺪﻭﺭﻱ ﻣﺎﻧﺤﺒﺶ ﺍﻧﺨﻠﻴﻬﻦ
    ﻣﻨﺬﺭ : ﻋﺎﺭﻓﻚ ﺑﺘﻬﺮﺑﻲ
    ﺑﺲ ﺻﺒﻲ ﻫﻴﺎ ﺗﻮ ﻧﻐﺴﻠﻬﻦ ﻣﻌﺎﻙ
    ﻫﻨﺪ : ﻻ ﺧﻠﻴﻚ ﺗﻮ ﻧﻐﺴﻠﻬﻦ ﺑﺴﺮﻋﻪ ﺧﻠﻴﻚ
    ﻣﻨﺬﺭ : ﻻﻻ ﻣﺶ ﺍﻧﺎ ﺍﻟﻲ ﺗﻌﺒﺘﻚ ﻭﺧﻠﻴﺘﻚ ﺍﻃﻴﺒﻲ ﻣﻌﻨﺎﻫﺎ ﺍﻧﺴﺎﻋﺪﻙ ﻭﻧﻐﺴﻠﻬﻦ ﻣﻌﺎﻙ
    ﻭﺻﺒﺎ ﻣﻨﺬﺭ ﻫﻮ ﻭﻫﻨﺪ ﻳﻐﺴﻠﻮ ﻓﻲ ﻣﻮﺍﻋﻴﻦ ﻣﻊ ﺑﻌﻀﻬﻢ
    ﻫﻨﺪ : ﺣﻮﻝ ﻫﺬﺍ ﺷﻦ ﺍﻟﻐﺴﻞ ﺑﻄﺊ ﺑﻜﻞ
    ﺧﻠﻴﻨﻲ ﻧﻐﺴﻠﻬﻦ ﺑﺴﺮﻋﻪ
    ﻣﻨﺬﺭ : ﻋﺪﺍ ﺍﻭﻝ ﻣﺮﻩ ﻧﻐﺴﻞ ﻣﺶ ﻛﻴﻒ ﻣﺘﻌﻮﺩﺍ
    ﻫﻨﺪ : ﺑﺎﻫﻲ ﺣﻮﻝ ﻫﻜﻲ
    ﻭﺣﻮﻝ ﻣﻨﺬﺭ ﻭﻣﺴﺢ ﺍﻳﺪﻳﻪ ﻭﻗﻌﺪﺕ ﻫﻨﺪ ﺗﻐﺴﻞ ﻓﻴﻬﻦ
    ﻭﻣﻨﺬﺭ ﻳﺒﺤﺖ ﻓﻲ ﻫﻨﺪ ﻭﻣﺒﺘﺴﻢ
    ﻫﻨﺪ : ﻛﻨﻚ ﺍﺗﺒﺤﺖ ﻫﻜﻲ ﺗﺤﺮﺝ ﻓﻴﺎ ﺭﺍﻩ
    ﻣﻨﺬﺭ : ﺍﻧﺤﺒﻚ
    ﻫﻨﺪ : ﺣﺘﻲ ﺍﻧﺎ
    ﻗﺮﺏ ﻣﻨﺬﺭ ﻣﻦ ﻫﻨﺪ ﻭﻛﺎﻧﺖ ﺗﻐﺴﻞ
    ﺣﻈﻨﻬﺎ ﻣﻦ ﻟﻮﺭﺍ
    ﻭﻣﺪ ﻳﺪﺍ ﻭﻃﻔﺎ ﺷﻴﺸﻤﺎ
    ﻣﻨﺬﺭ : ﺍﻧﻈﻨﻲ ﺧﻼﺹ ﻳﺎﺑﻴﺒﻲ
    ﻫﻨﺪ : ﻣﺮﺗﺒﻜﺎ ﻭﻗﻠﺒﻬﺎ ﻳﺪﻕ ﺑﺎﻫﻲ ﺍﺷﻮﻳﻪ ﻧﻤﺴﺢ ﻃﺎﻭﻟﻪ
    ﻣﻨﺬﺭ : ﻛﻴﻒ ﺷﻜﻠﻨﺎ ﺑﻨﻜﻤﻠﻮﻫﺎ ﻓﻲ ﻣﻄﺒﺦ ﻧﺤﻨﺎ ﻭﻻ ﻛﻴﻒ
    ﻫﻨﺪ : ﺍﺣﻢ ﻻ ﻣﺶ ﻫﻜﻲ ﺑﺲ ﻗﺼﺪﻱ ﺍﻥ
    ﻭﻗﻄﻊ ﻣﻨﺬﺭ ﻫﻨﺪ ﻭﺭﻓﻌﻬﺎ ﻭﺧﺶ ﺑﻴﻬﺎ ﻟﻠﺪﺍﺭ
    ﺣﻄﻬﺎ ﻉ ﺳﺮﻳﺮ ﻭﺟﺎ ﻓﻮﻗﻬﺎ ﻭﻧﺰﻝ ﻋﻠﻲ ﺭﻗﺒﺘﻬﺎ ﻭﺭﺣﻮ ﻓﻲ ﺧﺒﺮ ﻛﺎﻧﺎ .....
    ~~~~~~~~~~~~~
    ﺍﻣﻴﺮﻩ : ﻣﺎﻗﺘﻠﻜﺶ ﺍﻧﻲ ﺣﻜﻴﺖ ﻟﻠﻴﻮﺳﻒ ﻉ ﻃﻼﻗﻲ ﻭﻗﺘﻼ ﻳﻄﻠﻘﻨﻲ ﻣﻦ ﻋﻼﺀ
    ﻫﻨﺎﺀ : ﻛﺬﺍﺍﺍﺑﻪ ﻭﺷﻨﻮ ﻗﺎﻟﻚ
    ﺍﻣﻴﺮﻩ : ﻭﺷﻦ ﺑﻴﻘﻮﻟﻲ ﻳﻌﻨﻲ ﺍﻛﻴﻴﺪ ﻭﺍﻓﻖ
    ﻫﻮ ﻗﻌﺪ ﻳﺪﻳﺮ ﻓﻲ ﻃﺮﻭﺡ ﻉ ﺍﺳﺎﺱ ﻣﺎﻳﺒﻴﻨﻴﺶ ﻭﻫﻜﻲ ﻭﺍﻥ ﻧﺴﺎﻧﻲ ﺑﺲ ﺍﻧﺎ ﻋﺮﻓﺘﺎ ﻳﻜﺬﺏ ﻻﻥ ﻛﺎﻥ ﻧﺴﺎﻧﻲ ﻛﻴﻒ ﻣﺎﻳﻘﻮﻝ ﻛﺎﻥ ﻣﺎﺳﻌﺪﻧﻴﺶ
    ﻫﻨﺎﺀ : ﻭﺍﻟﻠﻪ ﻃﻠﻌﺘﻲ ﻣﺎﻧﻚ ﺳﺎﻫﻼ
    ﺍﻣﻴﺮﻩ : ﻭﻣﺎﺯﺍﻝ ﻣﺎﺷﻔﺘﻲ ﺷﻲ ﺣﻨﺠﻴﺒﺎ ﻭﻧﺮﺩﺍ ﻟﻴﺎ ﻳﻌﻨﻲ ﺣﻨﺮﺩﺍ ﻛﻴﻒ ﻣﺎﺩﺭﺕ ﺍﻟﻤﺮﻩ ﺍﻻﻭﻟﻪ ﺣﻨﻘﺪﺭ ﻣﺮﻩ ﻫﺬﻱ
    ﻭﺣﻴﺎﻩ ﻫﺬﻱ ﺍﻧﺨﻠﻴﻬﺎ ﺍﺗﻤﻨﺎ ﺍﻟﻤﻮﺕ ﻭﻣﺎﺗﻠﻘﺶ
    ﻭﻣﺶ ﺣﻨﺮﻳﺤﻬﺎ ﺑﻴﺶ ﻣﺮﻩ ﺗﺎﻧﻴﻪ ﺍﺗﺒﺤﺖ ﻓﻲ ﻣﺴﺘﻮﻫﺎ ﻣﺎﺗﺒﺤﺘﺶ ﻓﻮﻭﻕ
    ﻫﻨﺎﺀ : ﺣﻲ ﻳﺎﺣﻲ ﺣﺴﻚ ﺧﻮﻓﺘﻴﻨﻲ ﺭﺍﻩ ﺷﻦ ﺑﺪﻳﺮﻱ
    ﺍﻣﻴﺮﻩ : ﺣﺎﻟﻴﺎ ﺷﻲ ﻗﺎﻋﺪﺍ ﻣﻬﺪﻳﺎ ﻛﻞ ﺷﻲ ﻋﻨﺪ ﻧﻄﻠﻖ ﻭﺑﻌﺪﻫﺎ ﺑﻨﺒﺪﺃ
    ﺗﻮ ﺧﻠﻴﻬﺎ ﺗﻨﺒﺴﻂ ﺣﻴﺎﻩ ﻭﺗﺴﺘﻤﺘﻌﻠﻬﺎ ﻛﻢ ﻳﻮﻡ ﻓﻲ ﻗﺼﺮ ﺟﺪﻱ ﻻﻥ ﺍﻗﺎﻣﺘﻬﺎ ﻣﺶ ﻣﻄﻮﻻ
    ﻫﻨﺎﺀ : ﻫﻬﻬﻬﻬﻬﻬﻪ ﻛﻼ ﺍﻧﺘﻲ ﺗﻘﺪﺭﻱ ﻭﻋﺎﺭﻓﺘﻚ ﺍﺩﻳﺮﻳﻬﺎ
    ﺍﻣﻴﺮﻩ : ﺧﻼﺹ ﺍﺭﻗﺪﻱ ﺧﻠﻴﻨﻲ ﻧﺮﻗﺪ ﺑﻴﺶ ﺑﻜﺮﻩ ﻧﻤﺸﻮ ﻟﻼﺳﺒﻮﻉ ﻣﺼﺤﺼﺤﺎﺕ
    ﻫﻨﺎﺀ : ﺗﺼﺒﺤﻲ ﻉ ﺧﻴﺮ
    ﺍﻣﻴﺮﻩ : ﻭﺍﻧﺘﻲ ﻣﻦ ﺃﻫﻠﻪ
    ~~~~~~~~~~~~~~
    ﻓﻲ ﺻﺒﺢ
    ﻭﻋﻴﺖ ﺑﺤﺘﺖ ﻟﻘﻴﺖ ﻳﻮﺳﻒ ﺭﺍﻗﺪ
    ﻗﻌﺪﺕ ﺍﻧﺒﺤﺖ ﻓﻴﻪ ﻭﻧﺘﺄﻣﻞ ﻓﻲ ﺷﻜﻼ
    ﻣﺶ ﻣﺼﺪﻗﺎ ﺍﻥ ﻫﻮ ﺭﺍﻗﺪ ﺟﻨﺒﻲ ﻭﻣﺶ ﺯﻱ ﻗﺒﻞ ﺣﺴﻴﺖ ﺑﺎﻷﻣﺎﻥ ﻭﺣﺴﻴﺖ ﺭﻭﺣﻲ ﺳﻌﻴﺪﻩ ﻭﻫﺬﺍ ﻭﻳﻦ ﺑﺪﺃﺕ ﺣﻴﺎﺗﻲ ﺗﺤﻠﻮ ﻣﻊ ﻳﻮﺳﻒ ﻭﻧﺤﺲ ﺑﻜﻞ ﺷﻲ ﺣﻠﻮ
    ﻧﻀﺖ ﺧﺸﻴﺖ ﻟﻠﺤﻤﺎﻡ ﺩﺭﺕ ﺩﻭﺵ
    ﻭﻃﻠﻌﺖ ﺻﻠﻴﺖ ﺍﻟﺼﺒﺢ
    ﻭﻟﺒﺴﺖ ﺷﺮﺕ ﻋﻨﺪ ﻧﺺ ﺍﻟﻔﺨﺬ ﻟﻮﻧﺎ ﺍﺣﻤﺮ ﻭﻋﻠﻴﺔ ﻛﺖ ﺍﺣﻤﺮ ﻭﻓﻴﻪ ﺭﺳﻤﺔ ﻣﻴﻜﻲ ﻣﺎﻭﺱ ﻭﻟﺒﺴﺖ ﺷﺒﺸﺒﻲ ﻭﺑﺨﻴﺖ ﻋﻄﺮ ﻭﻣﺸﻄﺖ ﺷﻌﺮﻱ
    ﻭﻃﻠﻌﺖ ﺣﻠﻴﺖ ﺭﻭﺍﺷﻦ ﺍﻟﺤﻮﺵ
    ﻭﺍﻧﺎ ﺑﻨﻄﻴﺮ ﻣﻦ ﺍﻟﻔﺮﺣﻪ ﻭﺗﻴﺖ ﺷﺎﻫﻲ ﻭﺣﻄﻴﺘﺎ ﻋﺎﻟﻨﺎﺭ
    ﻭﻗﻌﺪﺕ ﺍﻧﻮﺗﻲ ﻓﻲ ﺳﻔﺮﺓ ﺍﻟﻔﻄﻮﺭ
    ﻃﺎﺏ ﺍﻟﺸﺎﻫﻲ ﻃﻔﻴﺖ ﻋﻠﻴﻪ
    ﻭﺟﻴﺖ ﻋﻨﺪ ﺍﻟﺪﻭﻻﺏ ﺍﻧﺠﻴﺐ ﻓﻲ ﺗﺒﺴﻲ ﻭﻛﺎﻥ ﻋﺎﻟﻲ ﺍﺷﻮﻳﻪ
    ﺻﺒﻴﺖ ﻉ ﺭﻭﺱ ﺻﻮﺍﺑﻌﻲ ﺍﻧﺠﻴﺐ ﻓﻴﻪ ﻣﺎﻃﻘﻴﺘﺶ
    ﻭﻣﺎﻧﻨﺪﺭﻳﺶ ﺍﻻ ﻉ ﻳﻮﺳﻒ ﻣﺴﻜﻨﻲ ﻣﻦ ﺧﺼﺮﻱ ﻭﺭﻓﻌﻨﻲ ﻓﻮﻕ ﻟﻠﺘﺒﺴﻲ
    ﺟﺒﺘﺎ ﻭﻧﺰﻟﻨﻲ
    ﺍﻧﺎ : ﻫﻬﻬﻬﻬﻬﻪ
    ﻳﻮﺳﻒ : ﻫﻮ ﺣﻀﻨﻲ ﻣﻦ ﻟﻮﺭﺍ
    ﻣﻌﺶ ﺍﺗﺼﺒﻲ ﻉ ﺭﻭﺱ ﺻﻮﺍﺑﻌﻚ
    ﺍﻧﺎ : ﻋﻠﻴﺶ ﻳﺎﺭﻭﺣﻲ
    ﻳﻮﺳﻒ : ﻫﻜﻲ ﻭﺧﻼﺹ ﻣﻌﺶ ﺍﺗﺼﺒﻲ ﻭﺧﻼﺹ
    ﺍﻧﺎ : ﻣﺎﻫﻮ ﻣﺎﻃﻘﻴﺘﺶ ﻟﻠﺘﺒﺴﻲ ﻫﺬﺍ ﻋﻠﻴﺶ
    ﻳﻮﺳﻒ : ﻋﺎﺭﻓﻚ ﻗﺼﻴﺮﻩ ﺗﻮ ﻧﺰﻟﻬﻦ ﻟﻜﻲ ﻟﻮﻃﺎ ﻛﻠﻬﻦ ﺗﺒﺎﺳﻲ
    ﺍﻧﺎ : ﻻ ﻣﺶ ﻟﺪﺭﺟﺔ ﻫﺬﻱ ﻗﺼﺮﻱ ﺑﺲ ﺗﺒﺴﻲ ﻫﺬﺍ ﻋﺎﻟﻲ ﺯﻳﺎﺩﻩ ﻉ ﺍﻟﻠﺰﻭﻭﻡ
    ﻳﻮﺳﻒ : ﻫﻬﻬﻪ ﺣﺒﻴﺒﻲ ﺍﻟﻤﻬﻢ ﻣﺮﻩ ﺗﺎﻧﻴﻪ ﺗﺼﺎﺑﻲ ﻉ ﺭﻭﺅﺱ ﺻﻮﺍﺑﻌﻚ ﻭﺍﻧﺎ ﻗﺎﻋﺪ ﻻ ﺑﺎﻫﻲ
    ﺍﻧﺎ : ﺍﻟﺘﻔﺘﺖ ﻋﻠﻴﻪ ﻭﻛﺎﻥ ﻳﻮﺳﻒ ﻗﺪﺍﻣﻲ ﻭﻗﺮﻳﺐ ﻣﻨﻲ
    ﻭﻋﻠﻴﻴﺶ
    ﻳﻮﺳﻒ : ﻧﺘﻌﺐ ﻧﻮﻋﻴﺘﻲ ﻟﻤﺎ ﺍﻧﺸﻮﻓﻚ ﻫﻜﻲ ﻓﺎﻣﺶ ﻻﺯﻡ ﻧﺸﺮﺣﻠﻚ ﻛﻴﻒ
    ﺍﻧﺎ : ﺭﻓﻌﺘﻼ ﺣﺎﺟﺒﻲ
    ﻳﻮﺳﻒ : ﻫﻬﻬﻬﻬﻪ ﺻﺒﺎﺡ ﺍﻟﺨﻴﻴﻴﺮ ﻳﺎﻋﺮﻭﻭﺱ
    ﺍﻧﺎ : ﻫﻬﻬﻬﻪ ﺷﻦ ﺧﻄﺮﻫﺎ ﻋﻠﻴﻚ ﺗﻮﺍ ﻟﻜﻲ ﺳﺎﻋﻪ ﺗﺤﻜﻲ ﺍﻧﻈﻨﻲ
    ﻳﻮﺳﻒ : ﺟﺎﻱ ﻧﺒﻲ ﺍﻧﺼﺒﺢ ﻋﻠﻴﻚ ﻣﻨﻈﺮﻙ ﺗﻌﺒﻨﻲ
    ﺧﺮﺏ ﺍﻟﺼﺒﺢ ﻭﺍﻟﺠﻮ ﻛﻼ
    ﺍﻧﺎ : ﻳﺎﺳﻼﻡ ﻳﺎﺳﻼﻡ
    ﻳﻮﺳﻒ : ﻗﺪ ﺍﻳﻪ ﺣﻠﻮ ﺍﻟﻐﺮﺍﺍﺍﻡ
    ﺍﻧﺎ : ﻫﻬﻬﻬﻬﻪ ﺷﻨﻮ ﻫﺬﻱ ﺍﻏﻨﻴﻪ
    ﻳﻮﺳﻒ : ﺍﻫﺎ ﺍﻏﻨﻴﺔ ﻧﺎﻧﺴﻲ ﻋﺠﺮﻡ ﻳﺎﺳﻼﻡ ﻳﺎﺳﻼﻡ ﻗﺪ ﺍﻳﻪ ﺣﻠﻮ ﺍﻟﻐﺮﺍﻡ
    ﺍﻧﺎ : ﻭﺍﺍﺍﺍﻭ ﻣﻘﺪﻣﻬﺎ
    ﻳﻮﺳﻒ : ﻣﻦ ﻋﺎﻡ ﺍﺳﻜﺘﻮ
    ﺍﻧﺎ : ﻣﺶ ﻣﻐﻴﺮ
    ﺑﺎﻫﻲ ﺣﻮﻝ ﻧﺪﻳﺮ ﻓﻄﻮﺭ
    ﻳﻮﺳﻒ : ﻭﻣﻦ ﻗﺎﻟﻚ ﺑﻨﻔﻄﺮ
    ﺍﻧﺎ : ﻫﺎ ﺗﺒﻴﺶ ﺗﻔﻄﺮ
    ﻳﻮﺳﻒ : ﻧﺒﻲ ﻧﻔﻄﺮ ﻋﻠﻴﻚ
    ﺍﻧﺎ : ﺣﺒﻴﺒﻲ ﺣﻮﻝ ﺗﻔﻄﺮ ﻋﻠﻴﺎ ﺷﻨﻮ ﺧﻠﻴﻨﺎ ﻧﻔﻄﺮﻭ ﺑﻴﺶ ﻧﻨﺰﻟﻮ ﻟﻠﻌﺮﺳﺎﻥ ﺍﻟﻴﻮﻡ ﺍﺳﺒﻮﻋﻬﻢ
    ﻳﻮﺳﻒ : ﺣﺘﻲ ﻧﺤﻨﺎ ﻋﺮﺳﺎﻥ ﻭﺍﻟﻴﻮﻡ ﺻﺒﺤﻴﺘﻨﺎ
    ﺍﻧﺎ : ﻣﺎﺣﺪ ﻳﻌﺮﻑ ﻫﻜﻲ ﺍﻧﺎ ﻭﺍﻧﺖ ﺑﺲ ﻧﺤﻨﺎ ﺍﺳﺒﻮﻋﻨﺎ ﻓﺎﺕ
    ﻳﻮﺳﻒ : ﺍﻳﺎﻣﻲ ﻛﻠﻬﻦ ﻋﺮﺱ ﻣﻌﺎﻙ ﻧﺒﻴﻬﻦ
    ﺍﻧﺎ : ﺑﺎﻫﻲ ﺍﻥ ﺷﺎﺀ ﺍﻟﻠﻪ
    ﺗﻮ ﻣﻤﻜﻦ ﺍﺗﺤﻮﻝ ﺗﺨﻠﻴﻨﺎ ﻧﻔﻄﺮﻭ
    ﻳﻮﺳﻒ : ﻻﻻ ﻻﺯﻡ ﺗﻌﻄﻴﻨﻲ ﺭﺷﻮﻩ ﺑﻴﺶ ﻧﻮﺳﻌﻠﻚ
    ﺍﻧﺎ : ﻳﺎﻋﻴﻨﻲ
    ﻳﻮﺳﻒ : ﻣﻌﻨﺎﻫﺎ ﺧﻠﻴﻚ ﻫﻜﻲ
    ﻭﻣﺪ ﻳﻮﺳﻒ ﺍﻳﺪﻳﻪ ﻭﺣﻄﻬﻦ ﻉ ﻣﺮﻣﺮﺍ ﻭﺭﺍﻳﺎ ﻭﺣﺼﺮﻧﻲ ﺑﻴﻬﻦ
    ﺍﻧﺎ : ﻫﻬﻬﻬﻬﻬﻬﻪ ﻭﺍﻟﻠﻪ ﺗﺤﻮﻝ
    ﻳﻮﺳﻒ : ﺍﺭﺷﻴﻨﻲ ﻗﺒﻞ ﻭﺑﻌﺪﻫﺎ ﺍﻧﺤﻮﻝ
    ﺍﻧﺎ : ﻗﺮﺑﺖ ﻣﻨﺎ ﻭﻋﻄﻴﺘﺎ ﺑﻮﺳﺎ ﺧﻔﻴﻔﺎ ﻉ ﺧﺪﺍ
    ﻳﻮﺳﻒ : ﻭﺍﻟﻠﻪ ﺗﺤﺒﻲ ﻓﻲ ﻃﻔﻞ ﺍﺻﻐﻴﺮ ﺍﻧﺘﻲ
    ﺍﻧﺎ : ﺻﺒﺢ ﺭﺍﻩ ﻳﺎﻋﻤﺮﻱ ﺍﻫﺪﺃ
    ﻳﻮﺳﻒ : ﺗﻲ ﺣﻲ ﻋﻠﻴﻚ ﺍﻟﺠﻮ ﻛﻼ ﻓﻲ ﺻﺒﺢ ﻣﺎﻧﻜﺶ ﻋﺮﻓﺘﻴﻬﺎ ﺍﻧﺘﻲ ﻫﺬﻱ
    ﺍﻧﺎ : ﻳﻮﻭﺳﻒ
    ﻳﻮﺳﻒ : ﻻ ﻳﻮﺳﻒ ﻻ ﺷﻲ
    ﻭﻗﺪﻡ ﻳﻮﺳﻒ ﻋﻠﻴﺎ ﻭﻃﺒﺲ ﻋﻄﺎﻧﻲ ﺑﻮﺳﺎ ﻃﻮﻳﻠﻪ ﻭﻗﻮﻳﻪ ﻉ .....
    ﻳﻮﺳﻒ : ﺗﺒﻌﺪ ﻣﻦ ﻋﻠﻴﺎ
    ﺗﻮ ﻋﺪﻱ ﻭﺗﻲ ﻓﻄﻮﺭ ﻋﻠﻲ ﻣﺎﺩﺧﻨﺖ ﻭﻏﻤﺰﻟﻲ
    ﺍﻧﺎ : ﺳﺎﻣﻂ
    ﻳﻮﺳﻒ : ﺗﺴﻜﺘﻲ ﻭﻻ ﺍﻧﺮﺩ ﺑﻘﻮﺓ ﺍﻛﺜﺮ ﻭﻧﺤﻄﻚ ﻓﻮﻕ ﺍﻟﺴﺮﻳﺮ
    ﺍﻧﺎ : ﻫﻬﻬﻬﻬﻪ ﻻ ﺧﻼﺹ ﺍﻧﺒﺼﺮ
    ﻳﻮﺳﻒ : ﻧﺎﺱ ﺗﺠﻴﺶ ﺍﻻ ﺑﺎﻟﻌﻴﻦ ﺍﻟﺤﻤﺮﺍ
    ﺍﻧﺎ : ﺑﺲ ﻋﻴﻮﻧﻲ ﺧﻀﺮ
    ﻳﻮﺳﻒ : ﻫﻬﻬﻬﻬﻬﻬﻪ
    ﺗﺤﻨﻄﻲ ﺍﺧﺮﻩ ﺍﻧﺠﻴﻚ ﺭﺍﻩ
    ﺍﻧﺎ : ﺣﻄﻴﺖ ﻳﺪﻱ ﻉ ﻓﻤﻲ . ﻫﺎ ﺳﻜﺘﺖ ﺑﺎﻫﻲ ﻫﻜﻲ
    ﻳﻮﺳﻒ : ﻣﻴﻪ ﺍﻟﻤﻴﻪ
    ﻭﻃﻠﻊ ﻳﻮﺳﻒ ﻟﻠﻔﺮﺍﻧﺪ ﻳﺪﺧﻦ ﻭﺍﻧﺎ ﻛﻤﻠﺖ ﺑﺎﻗﻲ ﺍﻟﻔﻄﻮﺭ
    ~~~~~~~~~~~~~~~
    ﺳﺎﻟﻤﻪ : ﻭﺍﻟﻠﻪ ﻣﺎﻧﻲ ﻋﺎﺭﻓﺎ ﻟﻘﻴﺖ ﺍﻟﺪﻧﻴﺎ ﺣﻴﺴﺎ ﻓﻴﻪ
    ﺍﺑﺮﺍﻫﻴﻢ : ﺗﻮ ﻧﺴﺄﻟﻮ ﻣﻌﺘﺼﻢ ﻋﻠﻴﻪ
    ﻣﻌﺘﺼﻢ : ﻭﻫﻮ ﻧﺎﺯﻝ ﻣﻦ ﺩﺭﻭﺝ
    ﻧﺴﻤﻊ ﻓﻲ ﺍﺳﻤﻲ ﻣﻦ ﺻﺒﺢ ﺭﺑﻲ ﻗﺮﻣﺎ ﻫﻜﻲ ﻋﻴﻨﻲ ﻋﻴﻨﻜﻢ
    ﺳﺎﻟﻤﻪ : ﻏﻴﺮ ﻗﻮﻝ ﺧﻴﻴﺮ ﻭﺗﺤﻨﻂ
    ﻣﻌﺘﺼﻢ : ﺟﺎ ﻋﻨﺪ ﺍﻣﺎ ﻭﺣﺐ ﻉ ﺭﺍﺳﻬﺎ ﺻﺒﺎﺡ ﺍﻟﺨﻴﺮ ﻭﺍﻟﻔﻞ ﻭﺍﻟﻮﺭﺩ ﻭﺍﻟﻴﺎﺳﻤﻴﻦ ﻉ ﺍﺣﻼ ﻭﺍﺟﻤﻞ ﻭﺍﺭﻕ ﺳﺎﻟﻤﻪ ﻓﻲ ﺩﻧﻴﺎ
    ﺑﺲ ﺍﻻﺧﻴﺮﻩ ﺍﺭﻕ ﻫﺬﻱ ﻣﺎﺗﺼﺪﻗﻴﻬﺶ ﻭﺍﺍﺍﺟﺪ
    ﺳﺎﻟﻤﻪ : ﻫﻬﻬﻬﻬﻬﻪ ﺧﺒﻄﺖ ﻣﻌﺘﺼﻢ ﻉ ﻛﺘﻔﺎ
    ﻣﺴﻤﻄﻚ ﻳﻌﻨﻲ ﺍﻧﺎ ﻣﺶ ﺭﻗﻴﻘﺎ
    ﻣﻌﺘﺼﻢ : ﻭﻫﻮ ﻳﻘﻌﻤﺰ ﻉ ﻛﺮﺳﻲ
    ﺗﺒﻲ ﺍﻟﺤﻖ ﻳﺎﺳﻠﻮﻣﺎ ﺍﻟﺮﻗﻪ ﻓﻲ ﺟﻴﻬﺎ ﻭﺍﻧﺘﻲ ﻓﻲ ﺟﻴﻬﺎ
    ﺳﺎﻟﻤﻪ : ﺑﺎﻫﻲ ﺑﺎﻫﻲ ﻳﺎﻋﺼﻴﻤﺎ ﺗﻬﺰﺃ ﻭﺑﻌﺪﻳﻦ ﻗﻮﻟﻲ ﻋﻄﻴﻨﻲ ﻓﻠﻮﺱ ﺑﺎﻫﻲ
    ﻣﻌﺘﺼﻢ : ﺗﻲ ﻣﻌﻘﻮﻟﻪ ﻳﺎﺣﻮﻳﺠﺎ ﻛﻨﻚ ﻣﺴﺮﻉ ﻣﺎﺗﺼﺪﻗﻲ ﺍﻧﺘﻲ ﺍﻧﺒﺼﺮ ﻛﻨﺖ
    ﺳﺎﻟﻤﻪ : ﻫﻬﻬﻬﻬﻬﻬﻪ ﺍﻩ ﺍﺗﺒﺼﺮ ﻧﺤﺴﺎﺑﻚ
    ﻣﻌﺘﺼﻢ : ﺧﻴﻴﺮ ﻳﺎﺣﻮﻳﺞ
    ﺍﺑﺮﺍﻫﻴﻢ : ﺧﻴﺮﺍﺕ
    ﺳﺎﻟﻤﻪ : ﻗﻮﻟﻲ ﻳﺎﻋﺼﻴﻤﺎ
    ﻣﻌﺘﺼﻢ : ﺷﻦ ﻳﺎﻋﻴﻮﻥ ﻋﺼﻴﻤﺎ
    ﺳﺎﻟﻤﻪ : ﺍﻟﺤﻤﺎﻡ ﻣﻨﻜﺶ ﻋﺎﺭﻓﺎ ﻛﻨﺎ ﻟﻘﺎﻩ ﺑﺎﺗﻚ ﻣﻌﺘﻮﻝ ﻭﻟﻘﻴﻨﺎ ﻗﺪﺍﻣﺎ ﺍﻟﻌﺪﺍ ﺍﻣﺒﺎﺭﺡ ﻟﻤﺎ ﺭﻭﺣﻨﺎ
    ﻣﻌﺘﺼﻢ : ﺍﺫﻛﺮ ﺍﻟﻲ ﺻﺎﺭ ﺍﻣﺲ ﻭﺫﻛﺮ ﻛﻴﻒ ﻟﻘﺎ ﺭﺣﺎﺏ ﺩﺍﻳﺨﺎ ﻭﻛﻴﻒ ﻃﻠﻌﻬﺎ ﻭﻟﻤﺎ ﻧﺎﺿﺖ ﻭﺷﻦ ﺻﺎﺭ
    ﺍﻫﺎ ﻫﺬﺍ ﺍﻧﺎ ﺩﺭﺗﺎ ﻗﺼﺪﻱ ﻃﻠﻌﺖ ﺭﺣﺎﺏ ﻛﺎﻧﺖ ﺣﺎﺻﻼ ﻓﻴﻪ ﺟﻮﺍ
    ﺳﺎﻟﻤﻪ : ﻫﻴﻴﻴﻴﻲ ﻳﺎﻧﺎ ﻋﻠﻴﺎ ﻛﻴﻒ ﺣﺼﻠﺖ
    ﻣﻌﺘﺼﻢ : ﺳﻜﺮﺕ ﺑﺎﺏ ﻉ ﺭﻭﺣﻬﺎ ﻭﺣﺼﻠﺖ ﻳﻌﻨﻲ ﻛﻴﻒ ﻳﺎﺣﺎﺟﻪ ﻛﻴﻒ ﺣﺼﻠﺖ ﻋﻠﻴﻚ ﺳﺆﺍﻝ
    ﺳﺎﻟﻤﻪ : ﺑﺎﻫﻲ ﻭﺑﻌﺪﻫﺎ ﺷﻦ ﺻﺎﺭ
    ﻣﻌﺘﺼﻢ : ﺳﻠﻮﻣﺎ ﻣﺶ ﻓﻴﻠﻢ ﻫﻮ ﺭﺍﻩ
    ﺑﻨﺖ ﺣﺼﻠﺖ ﻭﻋﺮﻓﺘﺶ ﺗﻔﺘﺢ ﺍﻟﺒﺎﺏ ﻭﺟﻴﺖ ﺍﻧﺎ ﺣﺎﻭﻟﺖ ﺍﻣﻌﺎﻩ ﻣﺎﺑﺶ ﻋﺪﻳﺖ ﻋﺘﻠﺘﺎ ﻫﺬﻱ ﻫﻴﺎ ﻣﺶ ﻓﻴﻠﻢ ﻫﻨﺪﻱ ﺭﺍﻩ
    ﺳﺎﻟﻤﻪ : ﺗﻲ ﺑﺎﻫﻲ ﻛﻨﻚ ﻣﺮﻛﺐ ﺍﻧﺖ
    ﻣﻌﺘﺼﻢ : ﻣﺮﻛﺐ ﻻ ﻣﻨﺰﻝ ﻧﺤﻜﻲ ﻋﺎﺩﻱ ﻣﺶ ﻣﻠﻮﻥ
    ﺳﺎﻟﻤﻪ : ﺑﺎﻫﻲ ﻛﻤﻞ ﻓﻄﻮﺭﻙ ﺧﻼﺹ ﺑﺘﺒﺪﺃ ﻓﻲ ﺳﻤﺎﻃﺎ ﺍﺻﻠﻚ
    ﻣﻌﺘﺼﻢ : ﺑﺎﻫﻲ ﺣﺎﻇﺮ
    ﺍﺑﺮﺍﻫﻴﻢ : ﺑﻌﺪ ﺍﺗﻜﻤﻞ ﻓﻄﻮﺭ ﺑﻴﺶ ﺗﻠﺤﻘﻨﻲ ﻓﻲ ﺣﻮﺵ ﺟﺪﻙ
    ﻭﺻﺒﺎ ﺍﺑﺮﺍﻫﻴﻢ ﻭﻃﻠﻊ
    ﻣﻌﺘﺼﻢ : ﺍﻛﻴﻴﺪ ﺑﻴﺸﺤﻮﺭﻭﻧﻲ ﺗﻮﺍ ﻣﺶ ﻭﻗﺘﺎ ﺑﻜﻞ
    ﺧﻼﺹ ﺍﺯﺡ ﺗﻌﺒﺖ ﻟﻴﺎ ﺍﺳﺒﻮﻉ ﻭﺍﻧﺎ ﻧﻠﻬﺪ ﺯﻱ ﺍﻟﻔﺮﺱ ﺗﻌﺒﺖ
    ﺳﺎﻟﻤﻪ : ﺍﻟﻠﻪ ﻏﺎﻟﺐ ﺷﻦ ﺍﻧﺪﻳﺮﻭ
    ﻣﻌﺘﺼﻢ : ﻻ ﻣﺶ ﻫﻤﺎ ﻳﺠﻮﺯﻭ ﻭﺍﻧﺎ ﻧﻠﻬﺪﻟﻬﻢ ﻋﻨﺪﻱ ﺷﻐﻞ ﻧﺒﻲ ﺍﻧﺮﺩﻻ ﻭﻓﻲ ﺭﺍﺳﻲ ﻣﻴﺔ ﻣﻮﺍﻝ ﻋﻨﺪﻛﻢ ﺍﻟﻴﻮﻡ ﺍﺧﺮ ﻳﻮﻡ ﻭﺑﻌﺪﻫﺎ ﺍﻧﺴﻮﻧﻲ ﻻﺗﻘﻮﻟﻮﻟﻲ ﺟﻴﺐ ﻻﺷﻴﻞ ﻻﺷﻲ ﺧﻼﺹ ﻋﻄﻴﺘﻜﻢ ﺍﺳﺒﻮﻉ ﺍﻧﻈﻨﻲ ﻫﻜﻲ ﺳﺎﺩﻛﻢ ﻭﺍﻧﺎ ﺳﺎﻛﺖ ﻭﻧﺪﻳﺮ ﺍﻟﻲ ﺗﺒﻮﻩ ﻛﻼ
    ﺳﺎﻟﻤﻪ : ﻭﺍﺍﺍﺍﻭ ﻋﻠﻲ ﺍﺷﻮﻳﺔ ﺣﺎﺟﺎﺕ ﺩﺭﺗﻬﻦ ﻟﻨﺎ ﺗﺒﻲ ﺍﻃﻠﻌﻬﻦ ﻣﻦ ﻋﻴﻮﻧﺎ ﻫﺬﻳﻨﺎ ﻣﺠﺒﻮﺭ ﺍﺩﻳﺮﻫﻦ ﺍﻣﺎﻻ ﻣﻦ ﺍﻟﻲ ﻳﺼﺒﻲ ﻓﻲ ﺍﻟﻌﺮﺱ ﺗﺒﻴﻪ
    ﻣﻌﺘﺼﻢ : ﺧﻼﺹ ﺗﻮﺍ ﺍﻧﺎ ﻧﺤﻜﻴﻠﻚ
    ﻋﺎﻟﻌﻤﻮﻡ ﻣﻦ ﺑﻜﺮﻩ ﻣﻌﺶ ﺣﺪ ﻳﻘﻮﻟﻲ ﺗﻌﺎﻝ ﺩﻳﺮ ﻭﻻ ﺯﻛﺮ ﺍﻧﺎ ﻭﺍﺧﺬ ﺟﻮﺍﺯﻱ ﻭﻣﺴﺎﻓﺮ ﺍﻧﺎ ﻭﺍﺻﺤﺎﺑﻲ ﻛﻢ ﻳﻮﻡ ﻟﻠﻤﻐﺮﺏ
    ﺳﺎﻟﻤﻪ : ﻗﻮﻝ ﻫﻜﻲ ﻫﺬﺍ ﻋﻠﻴﺶ ﺍﻧﻔﻌﻠﺖ ﺍﻧﺖ ﻭﺳﺎﻓﺮ ﻣﻦ ﻣﺎﺳﻜﻚ
    ﻣﻌﺘﺼﻢ : ﺣﺘﻲ ﺍﻧﺎ ﻣﺴﺎﻓﺮ ﺍﺗﺤﻘﻲ ﻓﻴﺎ ﻗﺎﻋﺪ
    ﺳﺎﻟﻤﻪ : ﺳﺎﻓﺮ ﻳﺎﺑﺎﺗﻲ ﻏﻴﺮ ﻗﻮﻟﻬﺎ ﻟﺒﺎﺗﻚ ﻭﺟﺪﻙ ﻭﻋﺪﻱ ﺍﺭﺑﺢ
    ﻣﻌﺘﺼﻢ : ﺗﻮﺍ ﻭﺍﻧﺎ ﻣﺸﻴﻠﻬﻢ ﺗﻮ ﻧﻘﻮﻟﻬﺎ ﻟﻬﻤﺎ
    ﻭﺻﺒﺎ ﻣﻌﺘﺼﻢ
    ﺳﺎﻟﻤﻪ : ﺍﻓﻄﺮ ﻣﺎﻓﻄﺮﺗﺶ
    ﻣﻌﺘﺼﻢ : ﻻ ﺑﻨﺨﺶ ﺍﻧﺪﻭﺵ ﻭﻧﻠﺒﺲ ﻭﻧﺸﻮﻑ ﺑﺎﺗﻲ ﻛﻨﺎ ﻭﻋﻨﺪﻱ ﻣﺸﻮﺍﺭ ﻣﻊ ﺍﻭﻟﻴﺪ ﺻﺎﺣﺒﻲ ﻫﻨﺎ ﺑﻨﻄﻖ ﻓﻴﻪ
    ﺳﺎﻟﻤﻪ : ﺑﺎﻫﻲ ﻋﺪﻱ
    ~~~~~~~~~~~~~~~~~
    ﻛﻤﻠﻨﺎ ﻓﻄﻮﺭ ﻭﻗﻌﻤﺰﺕ ﺍﻧﺎ ﻭﻳﻮﺳﻒ ﻓﻲ ﺻﺎﻟﻪ
    ﻭﺟﺒﺘﻼ ﻣﻮﺑﺎﻳﻞ ﻭﻗﻌﺪ ﻳﻮﺭﻱ ﻓﻴﺎ ﻛﻴﻒ ﻧﺴﺘﻌﻤﻼ ﻭﻗﻌﺪﺕ ﺍﻧﺴﺠﻞ ﻓﻲ ﺍﻻﺳﻤﺎﺀ ﻭﺍﻻﺭﻗﺎﻡ ﻓﻲ ﻣﻮﺑﺎﻳﻞ
    ﻭﻛﻨﺖ ﻓﺮﺣﺎﻧﻪ ﻻﻥ ﺍﻭﻝ ﻫﺪﻳﻪ ﻟﻴﺎ ﻣﻦ ﻳﻮﺳﻒ ﻫﻮ ﻣﻮﺑﺎﻳﻞ
    ﻗﻌﺪﺕ ﺍﺷﻮﻳﻪ ﻭﻧﻬﺪﺭﺯﻭ ﻭﻃﺒﻌﺎً ﻳﻮﺳﻒ ﻣﺎﻳﺮﻳﺤﺶ ﻓﻲ ﺭﻭﺣﺎ ﻭﻳﻠﻘﻂ ﻓﻲ ﺑﻮﺳﺎﺕ ﻉ ﻃﺎﻳﺮ
    ﻳﻮﺳﻒ : ﻳﺨﺒﻂ ﻉ ﺑﺎﺏ ﺍﻟﺤﻤﺎﻡ . ﺣﺒﻴﺒﻲ
    ﺍﻧﺎ : ﻫﻤﻤﻤﻢ
    ﻳﻮﺳﻒ : ﺍﻧﺎ ﻧﺎﺯﻝ ﺗﺒﻴﺶ ﺷﻲ
    ﺍﻧﺎ : ﻻ ﻳﺎﺭﻭﺣﻲ
    ﻳﻮﺳﻒ : ﺑﺎﻫﻲ ﺍﻧﺎ ﻃﺎﻟﻊ ﺭﺍﻩ
    ﺍﻧﺎ : ﺑﺎﻫﻲ
    ﻳﻮﺳﻒ : ﻣﺎﺷﻲ ﻧﺎﺯﻝ ﻭﻣﻄﻮﻝ ﺑﺮﺍ ﺭﺍﻩ
    ﺍﻧﺎ : ﺑﺎﻫﻲ ﻳﺎﻋﻤﺮﻱ
    ﻳﻮﺳﻒ : ﻳﻌﻨﻲ ﺑﻨﻨﺰﻝ ﻭﺍﻧﺠﻲ ﻓﻲ ﺍﻟﻠﻴﻞ ﻭﺍﻧﺘﻲ ﺗﺮﺍﻳﻔﻲ ﻋﻠﻴﺎ ﺭﺍﻩ
    ﺍﻧﺎ : ﺑﺎﻫﻲ
    ﻳﻮﺳﻒ : ﻳﻌﻨﻲ ﺑﺎﻟﺠﻮ ﻫﻜﻲ ﻓﻴﺶ ﺗﺼﺒﻴﺮﺍ
    ﺍﻧﺎ : ﻫﻬﻬﻬﻬﻬﻪ
    ﻓﺘﺤﺖ ﺑﺎﺏ ﺍﻟﺤﻤﺎﻡ ﻭﺗﺒﻮﻋﺘﺎ
    ﻛﻨﺖ ﺍﺗﻘﻮﻝ ﻫﻜﻲ ﻣﻦ ﺍﻻﻭﻝ
    ﻳﻮﺳﻒ : ﻋﺪﺍ ﻗﻌﺪﺕ ﻧﻌﺰﻕ ﻓﻲ ﺍﺩﻭﺍﺱ ﺑﺲ ﺍﻧﺘﻲ ﻣﺎﺑﻴﺘﻴﺶ ﺗﻔﻬﻤﻲ
    ﺍﻧﺎ : ﻻ ﻓﻬﻤﺖ ﺑﺲ ﻛﻨﺖ ﻧﺒﻴﻚ ﺗﺤﻜﻲ
    ﻳﻮﺳﻒ : ﻻﺯﻡ ﻳﻌﻨﻲ ﻧﺤﻜﻲ ﻣﺎﺗﺠﻴﺶ ﺑﺮﻭﺣﻬﺎ ﻫﻜﻲ
    ﺍﻧﺎ : ﻗﺮﺑﺖ ﻣﻨﺎ ﻭﺣﻄﻴﺘﺎ ﺍﻳﺪﻳﺎ ﻭﺭﺍ ﺭﻗﺒﺘﺎ
    ﻭﻋﻄﻴﺘﺎ ﺑﻮﺳﺎ ﻉ ﺧﺸﻤﺎ
    ﻻ ﻳﺎﻋﻤﺮﻱ ﺍﺗﺠﻲ ﺑﺮﻭﺣﻬﺎ
    ﻳﻮﺳﻒ : ﻗﺮﺏ ﻣﻨﻲ ﻭﺑﺎﺳﻨﻲ ﻉ .....
    ﺍﻧﺎ : ﻭﻳﻦ ﻣﺎﺷﻲ
    ﻳﻮﺳﻒ : ﻃﺎﻕ ﻓﻲ ﻭﺍﺣﺪ ﺻﺎﺣﺒﻲ ﻭﺑﻌﺪﻫﺎ ﺗﻮ ﺍﻧﺠﻲ
    ﺍﻧﺎ : ﺍﻣﻤﻤﻢ ﻣﻄﻮﻝ
    ﻳﻮﺳﻒ : ﻋﻠﻴﺶ ﺗﺮﺍﻳﻔﻲ ﻋﻠﻴﺎ
    ﺍﻧﺎ : ﺍﻛﻴﻴﻴﺪ
    ﻳﻮﺳﻒ : ﻳﺎﻧﺎ ﻋﻠﻴﺎ
    ﺍﻧﺎ : ﻣﻨﻚ
    ﻳﻮﺳﻒ : ﻛﻨﻚ ﻛﻞ ﺩﻗﻴﻘﻪ ﺗﺴﻤﺤﻲ ﺍﻧﺘﻲ
    ﺍﻧﺎ : ﻫﻬﻬﻬﻬﻪ ﻓﻜﻨﻲ ﻣﻦ ﺳﻤﺎﻃﺎ ﻭﻫﻴﺎ ﺍﻃﻠﻊ ﺧﻠﻴﻨﻲ ﻧﻠﺒﺲ ﻭﻧﻮﺗﻲ ﺭﻭﺣﻲ ﻭﻧﻨﺰﻝ ﺍﻛﻴﺪ ﻋﺮﻭﺱ ﺍﺷﻮﻳﻪ ﺍﺧﺮﻩ ﻭﺗﻨﺰﻝ ﻭﻧﺎﺱ ﺍﺗﺠﻲ
    ﻳﻮﺳﻒ : ﺁﻫﺎ ﻳﺎﺭﺑﻲ ﺻﺒﺮﻧﻲ ﺧﻼﺹ ﻳﺎﺭﻭﺣﻲ ﺍﻧﺎ ﻧﺎﺯﻝ ﺗﺒﻲ ﺷﻲ ﺭﻧﻲ ﻋﻠﻴﺎ ﺗﻮ ﻗﻌﺪ ﻋﻨﺪﻙ ﻣﻮﺑﺎﻳﻞ ﺧﻼﺹ
    ﺍﻧﺎ : ﺣﺎﻇﺮ ﺭﺩ ﺑﺎﻟﻚ ﻣﻦ ﺭﻭﺣﻚ
    ﻳﻮﺳﻒ : ﺑﺎﻟﻜﻲ ﺍﺗﻐﻴﺮﻱ ﺭﺍﻳﻚ ﻭﺗﺨﻠﻴﻨﺎ ﻧﻘﻌﺪﻭ ﻭﻧﻨﺰﻟﻮﺵ
    ﺍﻧﺎ : ﻳﻮﻭﻭﺳﻒ
    ﻳﻮﺳﻒ : ﺍﻧﺒﺼﺮ ﺍﻧﺒﺼﺮ ﻭﺍﻧﺘﻲ ﻣﺎﺻﺪﻗﺘﻲ ﻭﻓﻨﺼﺘﻲ ﺩﻏﺮﻱ
    ﺍﻧﺎ : ﺍﺻﻼ ﺍﻧﺖ ﻧﻮﻋﻴﺘﻚ ﻣﺎﺗﺒﺼﺮﺵ ﻓﻲ ﺑﺪﺍﻳﻪ ﺍﺗﺒﺼﺮ ﻭﻛﺎﻥ ﻋﻄﻴﺘﻚ ﻭﺟﻪ ﺗﻘﻠﺒﻬﺎ ﺟﺪﻳﺎﺕ
    ﻳﻮﺳﻒ : ﻳﻌﻨﻲ ﺯﺍﺭﻗﺎ ﻋﻠﻴﺎ
    ﺍﻧﺎ : ﺣﻔﻈﺘﻚ ﺍﺧﺮﻩ
    ﻳﻮﺳﻒ : ﺍﻧﺤﺒﻚ ﻭﺑﺎﺱ ﻉ ﺭﺍﺳﻲ
    ﺍﻧﺎ : ﺣﺘﻲ ﺍﻧﺎ ﻳﺎﺭﻭﺣﻲ ﺭﺩ ﺑﺎﻟﻚ ﻣﻦ ﺭﻭﺣﻚ
    ﻳﻮﺳﻒ : ﺍﻭﻛﻲ
    ﻭﻃﻠﻊ ﻳﻮﺳﻒ ﻣﻦ ﺩﺍﺭ
    ﻭﺍﻧﺎ ﺭﺩﻳﺖ ﻟﻠﺤﻤﺎﻡ
    ﺗﻮﺿﻴﺖ ﻭﻃﻠﻌﺖ ﺻﻠﻴﺖ ﺍﻟﻌﺼﺮ
    ﻭﺑﺪﻳﺖ ﻓﻲ ﻣﻜﻴﺎﺝ
    ~~~~~~~~~~~~~~~~
    ﺍﻣﻴﺮﻩ ﻛﺎﻧﺖ ﺧﺎﺷﺎ ﻟﻠﺤﻮﺵ ﻭﻳﻮﺳﻒ ﻧﺎﺯﻝ ﻣﻦ ﺩﺭﻭﺝ ﻭﻃﺎﻟﻊ ﺑﺮﺍ
    ﺍﻣﻴﺮﻩ : ﺧﻴﻴﺮ ﻳﺎﻳﻮﺳﻒ
    ﻳﻮﺳﻒ : ﺧﻴﻴﺮ
    ﺍﻣﻴﺮﻩ : ﻧﺒﻴﻚ ﻓﻲ ﻣﻮﺿﻮﻉ
    ﻳﻮﺳﻒ : ﻣﺶ ﻓﺎﺿﻲ ﺗﻮﺍ ﺧﻠﻴﻪ ﺑﻌﺪﻳﻦ ﺍﻭﻛﻲ
    ﻭﻃﻠﻊ ﻭﺳﻴﺐ ﺍﻣﻴﺮﻩ ﻣﺼﺒﻴﺎ ﻭﻣﻨﺼﺪﻣﺎ ﻣﻦ ﺣﺮﻛﺔ ﻳﻮﺳﻒ ﻻﻥ ﺍﺣﺮﺟﻬﺎ
    ﻃﻠﻊ ﻳﻮﺳﻒ ﺑﺮﺍ ﻟﻠﺠﻨﺎﻥ ﻭﻟﻘﺎ ﻫﻴﺜﻢ ﻳﺤﻜﻲ ﻓﻲ ﺍﻟﻔﻮﻥ
    ﻗﻌﻤﺰ ﻳﻮﺳﻒ ﻓﻲ ﺳﻴﺎﺭﻩ ﻣﺘﺎﻋﺎ ﻳﺴﺨﻦ ﻓﻴﻬﺎ ﻭﻟﻊ ﺳﺒﺴﻲ
    ﻋﻠﻲ ﻣﺎﺗﺴﺨﻦ ﺍﻟﺴﻴﺎﺭﻩ
    ﻛﻤﻞ ﻫﻴﺜﻢ ﻣﻜﻠﻤﺘﺎ ﻭﺟﺎ ﻟﻴﻮﺳﻒ
    ﻫﻴﺜﻢ : ﺷﻦ ﺟﻮ ﻳﺎﻃﻴﺮﻱ
    ﻳﻮﺳﻒ : ﻫﻼ . ﺷﻜﻼ ﻣﻜﺎﻟﻤﻪ ﻣﻬﻤﺎ ﻳﺎﻣﻌﻠﻢ ﻭﻏﻤﺰ ﻟﻠﻬﻴﺜﻢ
    ﻫﻴﺜﻢ : ﻫﻬﻬﻬﻬﻬﻪ ﻻ ﻭﺍﻟﻠﻪ ﻣﺶ ﺍﻟﻲ ﻓﻲ ﺑﺎﻟﻚ ﻣﺎﺯﺍﻝ ﻣﺎﻓﺘﺤﺘﺶ ﺍﻟﻤﻮﺿﻮﻉ ﻟﻠﺨﻮﻫﺎ
    ﻳﻮﺳﻒ : ﻭﺍﻣﺘﺎ ﻧﺎﻭﻱ ﺗﺴﻘﺪﻟﻨﺎ ﺭﻭﺣﻚ ﺍﻥ ﺷﺎﺀ ﺍﻟﻠﻪ
    ﻫﻴﺜﻢ : ﺑﺎﻟﻜﻲ ﺍﻻﻳﺎﻡ ﻫﺬﻳﻨﺎ ﻏﻴﺮ ﺍﻧﺘﻢ ﻣﻮﺍﺿﻴﻊ ﺍﻟﻲ ﻋﻨﺪﻱ ﻫﻨﺎ ﻭﺗﻮ ﻧﺸﻘﺎ ﺑﺮﻭﺣﻲ
    ﻳﻮﺳﻒ : ﺍﻥ ﺷﺎﺀ ﺍﻟﻠﻪ ﻳﺎﻣﺪﻳﺮ
    ﻫﻴﺜﻢ : ﻭﻳﻦ ﻣﺎﺷﻲ
    ﻳﻮﺳﻒ : ﻃﺎﻕ ﻓﻲ ﻭﺍﺣﺪ ﻫﻨﺎ ﺑﻨﻌﻄﻴﻪ ﻓﻠﻮﺱ ﻭﺑﻌﺪﻫﺎ ﻣﺎﺷﻲ ﺷﻮﺭ ﻣﻜﺘﺐ ﻧﺒﻲ ﻧﺸﻮﻑ ﺍﻣﺘﺎ ﺭﺣﻠﺔ ﺍﻟﻲ ﻋﻨﺪﻱ ﻻﻥ ﺑﻨﺪﺃ ﻓﻲ ﻋﻤﻞ ﺧﻼﺹ
    ﻭﻣﺮﻭﺡ .
    ﻫﻴﺜﻢ : ﺑﺎﻫﻲ ﺗﻤﺎﻡ
    ﻳﻮﺳﻒ : ﻛﻨﻚ ﺍﻧﺖ ﻓﻲ ﺷﻲ ﺗﺒﻴﻪ
    ﻫﻴﺜﻢ : ﻻ ﻧﺴﺄﻝ ﻓﻴﻚ ﻋﺎﺩﻱ
    ﻳﻮﺳﻒ : ﻭﺍﻟﻠﻪ
    ﻫﻴﺜﻢ : ﻭﺍﻟﻠﻪ ﻣﺎﻓﻲ ﺷﻲ
    ﻳﻮﺳﻒ : ﺑﺎﻫﻲ ﺷﻦ ﺻﺎﺭ ﻓﻲ ﻣﻮﺿﻮﻉ ﺍﻟﻲ ﺣﻜﻴﺘﻠﻚ ﻋﻠﻴﻪ
    ﻫﻴﺜﻢ : ﺧﻼﺹ ﻋﻨﺪﻱ ﻳﺎﺭﺍﺟﻞ ﺍﻋﺘﺒﺮﺍ ﺗﻢ
    ﻳﻮﺳﻒ : ﺍﺻﻼ ﺗﻮ ﺗﻠﻘﻴﺖ ﺍﻣﻌﺎﻫﺎ ﻗﺎﻟﺘﻠﻲ ﺗﺒﻴﻨﻲ ﻗﻠﺖ ﺍﻛﻴﺪ ﺗﺒﻴﻨﻲ ﻓﻴﻪ ﻭﺑﻴﻨﻲ ﻭﺑﻴﻨﻚ ﻧﺒﻴﺶ ﺩﻭﺍ ﻭﺍﺟﺪﺍ ﺍﻣﻌﺎﻫﺎ
    ﻧﺒﻴﺶ ﺣﻴﺎﻩ ﺗﺮﻗﺎﻟﻬﺎ ﻭﺗﺰﻋﻞ ﻣﻬﻤﺎ ﻛﺎﻥ ﻓﺎﻫﻢ ﺍﻟﺠﻮ ﺍﻧﺖ
    ﻫﻴﺜﻢ : ﻻ ﻋﺎﺭﻑ ﻭﺻﺪﻗﺖ ﺍﻟﺒﻨﺖ
    ﻳﻮﺳﻒ : ﺍﻳﻮﺍ ﻓﺎ ﺍﻧﺖ ﻛﻨﻚ ﺣﺼﻠﺖ ﻓﺮﺻﻪ ﺍﺣﻜﻲ ﺍﻣﻌﺎﻫﺎ ﻭﻗﻮﻟﻠﻬﺎ ﺍﻧﻚ ﺗﻮﺍﻟﻴﺖ ﺍﻟﻤﻬﻤﻪ ﻣﻜﺎﻧﻲ
    ﻫﻴﺜﻢ : ﻣﺎﻋﻠﻴﻚ ﻓﻴﻬﺎ ﺧﻠﻴﻬﺎ ﺷﻮﺭﻱ
    ﻳﻮﺳﻒ : ﻣﻨﻮﺭ ﻳﺎﻃﻴﺮﻱ ﺩﻳﻤﺎ ﻣﺼﺒﻴﻠﻲ ﺍﻧﺼﺒﻮﻟﻚ ﻓﻲ ﻓﺮﺣﻚ ﻣﻌﺎ ﺍﻟﻐﺮﺍﺑﺎ
    ﻫﻴﺜﻢ : ﻫﻬﻬﻬﻬﻪ ﺍﻥ ﺷﺎﺀ ﺍﻟﻠﻪ
    ﻳﻮﺳﻒ : ﺗﺒﻲ ﺷﻲ ﻳﺎﻣﺪﻳﺮ
    ﻫﻴﺜﻢ : ﺗﺒﺎﻋﺪ ﻣﻦ ﺑﺎﺏ ﺍﻟﺴﻴﺎﺭﻩ ﻭﺧﺒﻂ ﻋﻠﻴﻪ
    ﺗﻮﻛﻞ ﻳﺎﻣﻌﻠﻢ
    ﻳﻮﺳﻒ : ﺍﻭﻛﻲ
    ﻭﺧﺮ ﻳﻮﺳﻒ ﺳﻴﺎﺭﻩ ﻭﻃﻠﻊ ﻭﺧﺶ ﻫﻴﺜﻢ ﻟﻠﺤﻮﺵ ﺟﻮﺍ
    ﻛﻤﻠﺖ ﻣﻜﻴﺎﺝ ﻭﻟﺒﺴﺖ
    ﺑﻠﻮﺯﺍ ﻟﻮﻧﻬﺎ ﺑﺮﺗﻘﺎﻟﻲ ﻭﻣﻦ ﻟﻮﺭﺍ ﺷﺎﺵ ﻛﻠﻬﺎ ﻭﻋﻠﻴﻬﺎ ﺳﺮﻭﺍﻝ ﺍﻣﺮﻳﻜﻲ ﻟﻮﻧﺎ ﺍﺯﺭﻕ ﻭﻟﺒﺴﺖ ﺳﻨﺪﻝ ﻛﻌﺐ ﻣﺎﺷﻲ ﻣﻊ ﺑﻌﻀﺎ ﻟﻮﻧﺎ ﺍﺳﻮﺩ
    ﻭﻃﻠﻘﺖ ﺷﻌﺮﻱ ﻭﻟﻔﻴﺖ ﻣﻨﺎ ﺍﺷﻮﻳﻪ
    ﻭﺑﺨﻴﺖ ﻋﻄﺮ ﻭﻧﺰﻟﺖ ﻟﻮﻃﺎ
    ﺧﺸﻴﺖ ﺳﻠﻤﺖ ﻭﻛﺎﻧﻮ ﻣﺎﺯﺍﻝ ﻫﻨﺪ ﻣﺎﻧﺰﻟﺘﺶ ﻭﻫﻠﻬﺎ ﻣﺎﺯﺍﻝ ﻣﺎﺟﻮ
    ﻗﻌﻤﺰﺕ ﺟﻨﺐ ﺍﺣﻼﻡ ﻭﻗﻌﺪﺕ ﻧﺤﻜﻲ ﺍﻧﺎ ﻭﻳﺎﻫﺎ
    ﺍﻧﺎ : ﻋﻨﺪﻱ ﻟﻜﻲ ﺍﺧﺒﺎﺭ
    ﺍﺣﻼﻡ : ﺷﻨﻮ
    ﺍﻧﺎ : ﺍﺣﻜﻴﻠﻲ ﻗﺼﺘﻚ ﻗﺒﻞ ﺑﻌﺪﻫﺎ ﻧﺤﻜﻴﻠﻚ
    ﺍﺧﻼﻡ : ﻫﻬﻬﻬﻬﻬﻪ ﻣﺎﺯﺍﻟﺘﻲ ﻣﺬﻛﺮﺍ ﺍﻧﺘﻲ
    ﺍﻧﺎ : ﻭﻫﺬﻱ ﺣﺎﺟﻪ ﺗﻨﺘﺴﺎ
    ﺍﺣﻼﻡ : ﺧﻼﺹ ﺑﻌﺪﻳﻦ ﻧﺤﻜﻴﻠﻚ ﺑﺲ ﺍﻧﺘﻲ ﺗﻮﺍ ﺍﺣﻜﻴﻠﻲ
    ﺍﻧﺎ : ﻻﻻ ﺧﻠﻴﻬﺎ ﺑﻌﺪﻳﻦ
    ﺍﺭﻭﻱ : ﺣﻴﺎﻩ ﺗﺮﺍﻩ ﺗﻌﺎﻟﻲ ﻧﺒﻴﻚ
    ﺍﻧﺎ : ﻫﻴﺎ
    ﻭﺻﺒﻴﺖ ﺧﺸﻴﺖ ﻟﻠﻤﻄﺒﺦ ﻭﻛﺎﻧﺖ ﻓﻴﻪ ﺍﺭﻭﻱ ﻭﺍﻣﻴﺮﻩ ﻭﺑﻨﺎﺕ ﺭﺣﺎﺏ ﻭﺭﺣﻤﻪ
    ﺍﻧﺎ : ﻛﻨﻚ
    ﺍﺭﻭﻱ : ﻧﺒﻲ ﺍﻧﻮﺭﻳﻚ ﻫﺪﻳﺘﻲ ﻟﻠﻬﻨﺪ ﺷﻦ ﺭﺍﻳﻚ ﻓﻴﻬﺎ ﻭﻗﻴﺴﻴﻪ ﻟﻴﺎ ﻻﻥ ﻫﻴﺎ ﺗﻘﺮﻳﺒﺎً ﻗﺮﻳﺐ ﻣﻦ ﺟﺴﻤﻚ ﻭﺍﻧﺎ ﻣﻠﻴﺎﻧﻪ ﺍﺷﻮﻳﻪ
    ﺍﻧﺎ : ﻫﺎ ﺷﻔﺘﻲ ﺟﺎ ﺗﻤﺎﻡ ﻭ ﻳﺠﻨﻦ ﺍﻟﺨﺎﺗﻢ ﺣﻠﻮ ﺑﻜﻞ ﺑﻜﻞ
    ﺍﺭﻭﻱ : ﺻﺎﺡ ﻋﺠﺒﻚ ﻭﺟﺎ ﻛﻮﻳﺲ
    ﺍﻧﺎ : ﺍﻫﺎ ﻳﻬﺒﻞ ﺑﻜﻞ ﻣﺸﺎﺀ ﺍﻟﻠﻪ
    ﺍﺭﻭﻱ : ﺑﺎﻫﻲ ﻃﻤﺘﻴﻨﻲ ﻗﺒﻞ ﻗﻠﺖ ﺷﻜﻼ ﻛﺒﻴﻴﺮ
    ﺍﻧﺎ : ﻻﻻ ﺗﻤﺎﻡ ﺟﺎﻱ ﻋﻠﻴﺎ ﻛﻮﻳﺲ
    ﺍﻣﻴﺮﻩ : ﻭﺍﻧﺘﻲ ﺷﻦ ﺟﺒﺘﻴﻠﻬﺎ ﻳﺎﺣﻴﺎﻩ
    ﺍﻧﺎ : ﺑﻨﻌﻄﻴﻬﺎ ﻓﻠﻮﺱ ﺍﻧﺎ ﻭﻳﻮﺳﻒ
    ﺍﻣﻴﺮﻩ : ﺁﻫﺎ
    ﺍﻧﺎ : ﺍﺑﺘﺴﻤﺖ ﺍﺑﺘﺴﺎﻣﻪ ﺻﻔﺮﻩ
    ﻭﺣﻮﻟﺖ ﺷﻌﺮﻱ ﻣﻦ ﻉ ﻛﺘﻔﻲ ﻭﻣﺸﻴﺘﺎ ﻟﻮﺭﺍ
    ﺍﻣﻴﺮﻩ : ﻛﺎﻧﺖ ﺍﺗﺒﺤﺖ ﻓﻴﺎ ﻭﻓﺠﺄﻩ ﻣﻼﻣﺢ ﻭﺟﻬﺎ ﺗﻐﻴﺮﻥ
    ﺍﻧﺎ : ﻓﻬﻤﺘﺶ ﻛﻨﻬﺎ ﺑﺲ ﻣﺎﺑﻴﺘﺶ ﺍﻧﻌﺪﻝ ﻋﻠﻴﻬﺎ ﻭﻃﻠﻌﺖ
    ﻟﺤﻘﺘﻨﻲ ﺭﺣﺎﺏ ﻣﻴﺘﺎ ﺿﺤﻚ
    ﺭﺣﺎﺏ : ﺣﻴﻮﺗﺎ
    ﺍﻧﺎ : ﺑﺮﻣﺖ ﻋﻠﻴﻬﺎ ﻧﻌﻢ
    ﺭﺣﺎﺏ :
    .
    .
    .
    .
    .
    .
    .
    .
    .
    .
    .
    # ﻳﺘﺒﻊ
    {الحب الاعمى} الجزء الاول منقولةحيث تعيش القصص. اكتشف الآن