انا بنت مين

الحلقه8

الحلقه التامنه .......معلش ااتاخرت كنت باكل وبلعب
كانت ملاك تعيش على هذا الحب السرمدى الذى طالما حلمت ان يتحقق وتحقق....وقبل ان يدخل الموضوع فى اى متطورات حتى لو كانت لقاء فى مكان ما لوحدهما اخبرته ملاك انها ستعلم اهلها بالامرواذا اراد ان يتعرف عليها يكون الامر عندها بحضور وعلم والدها ووالدتها....كانت تخاف بشده على سمعتها رغم انها تحبه ولكن حكمت عقلها كلا لاتخسر فمن الممكن ان نحب ونتمنى ان نكون مع من نحب ولكن الله وحده يشاء او لا يشاء ان تتحقق الامنيات
=========
وصلت ملاك الى البيت ودخلت لتجد والدتها فى المطبخ تحضر الشاى لوالدها ولعمها راشد الذى يجلس فى الصاله....تقدمت ملاك وسلمت عليه....رغم ان الجو كان متوترا للغايه بين الاخوه سلم عليها بجفاء كبير وهى دائما لا تفهم السبب ولكن تقول ربما طبعه هكذا .....بعد قليل ادخلت لهما الشاى لتجد راشد يقف ويصرخ فى وجه والدها قائلا:انت انسان طماع وانانى ومعندكش خير لحد
وصبحى يدافع عن نفسه :انا بساعدك وانت عارف قد ايه...بتنكر ليه؟؟؟بس مش ممكن اعمل حاجه تغضب ربنا
راشد صارخآ_دلوقتى بتعرف ربنا وانت عامل اكبر حاجه بتغضب ربنا
نظر اليه صبحى بتحدى كبير :هو انا عامل ايه؟؟انت بتلمح لايه ..اتكلم
نظر عندها راشد الى منه التى تقف على الباب وقال بتوتر:مافيش داعى واتجه الى الخارج وهو يرمق منه بنظرات غريبه ايضا لم تفهمها ....دخلت صفيه مسرعه الى الصاله قائله:عاوز ايه ده مش هنخلص منه ؟؟؟
جلس صبحى ووضع يده على رقبته وحازل ان يهدأقليلا...اسرعت منه اليه وهدأت من روعه
معلش يابابا مهما حصل انتو اخوات
حصل خير يا بنتى
قالت صفيه:عاوز ايه قولى حالا!!!
كان عاوزنى اخد قرض من البنك واديهولو وهو يقسطه عشان انا موظف قديم بس انا معملش ححجه تغضب ربنا انتى عارفانى لو حختى عشان اخويه
صفيه:هو ده ما يشبعش فلوس
بيقول ان محله مكسور وعاوز مساعده
صفيه:يسبنا بقه طول عمره واخد فلوسنا بحجه الاخوه
دخلت ملاك الى غرفتها وهى متردده فى الحديث مع عماد....ولكن فى المساء وبعد ان وجدت والدها ووالدتها فى جلسه هادئه تشجعت واقتربت وفتحت الحديث بثقه كبيره...
ملاك:كنت عاوزه اتكلم معاكم عن حاجه تخصنى
صفيه:خير اتكلمى ياملاك
صبحى:استنى شويه يا صفيه خلينا نسمع البنت قولى يا بنتى
ملاك:بصراحه ...بصراحه يعنى بصراحه فيه واحد عاوز يتقدملى
ضحكت صفيه وقالت:ياسلام على الاخبار اللى تجنن....كملى كملى
رد صبحى بغضب موجها الحديث الى زوجته:خلينا نسمع البنت للاخر يا صفيه صفيه:فيه ايه يا صبحى انا ما صدقت ان جه اليوم اللى اشوف فيه بنتى عروسه المهم كملى ملاك:الشخص ...هو
صفيه:ما تقوليش الدكتور عماد؟؟؟؟
عندها تحدث صبحى بلهجه صارمه:صفيه استنى ...يا اما حاخد البنت ونتكلم جوه لوحدنا ها
ابتسمت ملاك وقالت:ايوه عماد قالى انه عاوز يرتبط بيا....وانا ما رفضتش بس قلتله حسأل اهلى الاول ها ايه رايكم؟؟؟
قالت صفيه بفرح:طبعا موافقين ليه لا الف مبروك
صبحى:يا صفيه استنى ايوه يا ملاك انا ما عنديش مشكله لو الراجل عنده دين ومهذب ومحترم بس لازم يجى ابوه يطلبك الاول منى
قالت ملاك بارتباك:اه بس هو ما يقدرش يقول لابوه انه عاوز يخطب قبل مما يخلص جامعه لسه فاضل سنه بس هو مستعد يجى ويطلبنى منكم
صبحى:لا يا بنتى الكلام لازم يبقى بين الكبار مش بقلل من قيمته ابدا هو على العين والراس بس لازم ابوه يجى عشان تكون كل حاجه رسمى وعشان يفضل حاسس يا بنتى اننا ما رخصناش بيكى على العكس
قالت بهدوؤ:معاك حق يابابا معك حق..خلاص بوعدك
=======
لم يكن الامر صعبا على ملاك بل الاصعب هو كيف تخبر عماد بما قاله الاب وهل سيقبله؟؟؟ تحدثت معه على الهاتف واخبرته بما حدث لاحظت ان صوته تغير ولم يتقبل الامر قال:ملاك انا مقدرش اقول لبابا دلوقت ...انا عاوزك وحتجوزك بس فى الوقت المناسب....وانا مش حتنازل عنك
ملاك:انا عاوزاك بردوا يا عماد بس اعمل ايه انا مقدرش اشوفك بابا حيزعل مش عاوزه اعمل حاجه من وراه
عماد:يعنى ايه؟؟
ملاك:ممكن نشوف بعض فى الجامعه كزملاه مش اكتر انما برا لا
عماد:لا يا ملاك صعب
ملاك:مش حعمل حاجه من ورا اهلى يا عماد مش حكون مرتاحه
عماد:انا بحبك وانتى بتحبيبنى مش واثقه فيه ؟؟؟
ملاك:اه..بس
عماد:خلاص ما فيش بس احنا بنحب بعض نشوف بعض كأى مخطوبين برا...لغايه ما تخلص السنه دى؟؟؟
قالت ملاك بخوف:وبابا؟؟؟
عماد:اقنعيه ان كل حاجه زى ماهو عاوز وخلاص حاول
عماد اقناعها بكل الطرق وهى تقوله نعم ولكن اللحظه الاخيره تغير رأيها كان هناك شئ فى داخلها يمنعها من الاتيان باى تصرف يخل بالاتفاق الذى اتفقت عليه مع والدها كانت
حافظه العهد رغم الامها ورغم ضغط عماد المستمر عليها ولكن لم تكن تابه له البته اى ان جاء اليوم تشاجرت فيه ملاك مع عماد لانها رفضت دعوته على الغدا فى احد المطاعم فتركته وعادت الى البيت تبكى ...فى المنزل كان المشهد مماثلا ايضا ولكن مشاجره الان كانت بين راشد وصبحى حول موضوع القرض
كان راشد يصرخ قائلا:انت مافكش خير ابدا...انا مش عاوز غير انك تضمنى بس ...معترض ليه
صبحى باعتراض:ما عملش حاجه تغضب ربنا غير كده انت عارف انا ما بتأخرش وبساعدك
ساعدتنى ؟؟مش كفايه اخدت بيت ابويا لوحدك وما تكلمتش
صبحى:ما تقولش اخدت بيت ابوك والدك الله يرحمه هو اللى كتبه باسمى انا ذنبى ايه لو عارف ان ابنه التانى مش حيضيع الفلوس والبيت كان سابه ليك
راشه:انت اللى لعبت فى دماغه لغايه ما حرمنى من البيت
صبحى:ما سمحلكش يا راشد احفظ الاخوه اللى بينا عللا الاقل الكلام ده عيب
راشد:عيب ده ايه انت خليت فيها عيب اخويه موجود ومش بيساعدنى وفلوسه رايحه للغرب اللى مش من لحمه ودمه
====
كانت صفيه فى المطبخ تسمع صراخ الاتنين لم تدخل وتركتهما يتناقشان لوحدهما فهم اخوه فى بعضهمها وحمدت الله ان ملاك لم تكن موجوده فى البيت وقتها وسمعت بعدها كلاما اضطرها للخروج فورا والتدخل ولكن حصل ما لا تتمناه صفيه ..فلقد وصلت ملاك الى البيت فى هذه اللحظات ووقفت على الباب تمسح دموعها كى لا يلاحظ والديها اى شئ ولكن عندما سمعنتصراخ بقيت فى مكانها ولم تفتح الباب خاصه ان صوت راشد القوى كان واضحا ومسموعا وهو يقول :استخصرت تضمن اخوك وانت مقعد الغرب فى بيتك وبتصرف عليهم وانا اللى من لحمك مش عاوز تساعدنى
هنا شعر صبحى ان راشد يقصد ملاك فصرخ فى وجهه:ما سمحلكش انا عارف ان طول عمرك ما بتحبش ملاك بس هى غصب عنك بنتى انت فاهم
تدخلت صفيه :انت عاوز مننا ايه سيبنا فى حالنا بقه وبنتى ما تجيش سيرتها على لسانك قال راشد بعصبيه وغل:اسكتى اسكتى بنتك ده ايه واحده لمتوها من الشارع بتقولى عليها بنتك الكل عارف انك ما بتخلفيش ولا عمرك خلفتى ..لولا اخويه كانت كلاب السكك اكلتها امسكه صبحى بيده وهزه بعصبيه:الكلام ده مسمحش بيه انت فاهم
قالت صفيه بلهجه صارمه:اتفضل اطلع برهه ه ه ه ه ه ه واتجهت مسرعه لتفتح الباب لتتطرد راشد
وكانت الصدمه ..وجدت ملاك تقف على الباب متسمره فى مكانها فى ذهول تام ...لا تحرك ساكنا وكأنها تحولت الى فتاه من جليد ...وضعت صفيه يدها على فمها برعب .....ملاك ......خرج العم بهدوء تام كالذى ينسحب من مكان ترك فيه قنبله نوويه ...وبقيت ملاك فى مكانها وبدأت الدموع تنزل من عينيها ووالدها ينظر اليها وقد انعقد لسانه ..عندما ادارت وجهها واتجهت مسرعه الى الخارج وهى تقول لا.لا.لا
ها توقعاتكم بقى لما ملاك تعرف؟؟؟؟
ورايكم فى راشد الكلب فى تفجير القنبله وتركه لملاك اشلاء؟؟؟