انا بنت مين

الحلقه19

الحلقه 19(انهيار-الوزير)
سورى يا جماعه انا بكتبها فبتأخر وببقى محضراها خاص....وياريت جماعه الصم والبكم حتى ولا لايك ...هجبلكم شوكلاه

شعور ملاك هذه المرة وهي عائدة الى الاسكندرية كان مختلفاً عن السابق بشكل كبير.....ثقة كبيرة بالنفس وتصميم قوي خاصة ان والدها ووالدتها بقربها علها كانت تستمد هذه الطاقة منهما من دون ان تعلم....
وصلت الى المحطة وكان مراد في انتظارها...عرفته على عائلتها التي شكرته على وقوفه بجانب ملاك...
وفي هذه الرحلة لم تمكث ملاك في اوتيل...بل في شقة مفروشة لأنها بصحبة عائلتها وليست وحيدة....
مراد كان من أمن لهما الشقة وكل التسهيلات المطلوبة لقضاء وقت مريح ....مع أن ملاك كانت تشعر أن الذي ينتظرها ليس مدعاة للسرور مطلقاً..
في المساء كانت تجلس مع والديها ومراد والمحامي سالم عبد الرحمن....

- المحامي: ست ملاك انتي عارفة ان ده وزير يعني لازم نحط في اعتبارنا حجات كتير..الحصانة وامور تانية...يعني نرفع دعوة عليه كده حاجة مش بالساهل....
- تدخل مراد معارضاً: بس انت عارف ان القانون المصري ما بيفرقش بين وزير وعامة الشعب كلهم زي بعض...
- ايوة انسه  ملاك بس دي قضية مش عادية يعني الحكاية يمكن تتعقد..عشان كده حالات اثبات النسب محتاجة للمحضر في القسم تقولي فيه انك بنت الراجل ده وهو مش راضي يعترف بيكي..وبعدين حيستدعوه ويحققو في الموضوع وبعدين الموضوع يتحول لقضية ومحكمة اذا فضل مصمم على الإنكار.....

كانت ملاك تستمع في صمت وتنصت الى كل الأراء الموجودة وإسترعى انتباهها رأي والدها...

- تعرفو انا بقترح حاجة...نجرب مرة تانية الحل السلمي...
- ازي استاذ صبحي؟....
- يعني تجرب مرة تانية معاه وتقلو يعترف بيها من غير شوشرة يمكن يكون غير رأيه....ويفكر اكتر....
-قالت ملاك: صح..بابا بيتكلم صح...
- قال مراد بقلق: ازي؟؟؟انا خايف يعمل فيكي حاجة....
- لا لا ما تخافش انا دلوقت بحس اني عندي قوة تهد جبال بجد والمعركة دي حخوضها ان ما نفعتش بالطريقة السلمية..عندنا القانون...والصحافة والإعلام.....
- قال مراد مشجعاً ملاك: تعرفي لو وصلت للإعلام حتبقى قضية تحرك الناس كلهم...انتي ما تتخيليش موضوع التبني ده او اثبات النسب عامل ايه..وكم من القضايا موجودة في المحكمة عن اثبات النسب...
- اه بس دي مش قضية عادية دي قضية بنت وزير.
- نظرت ملاك بعيداً وكأنها تستعد للمواجهة: ربنا معاية والي معاه ربنا ما يخافش.....

................................

دخل السكرتير الى غرفة الوزير يعلمه بوجود فتاة تريد مقابلته على وجه السرعة ....إستغرب الوزير الأمر وطلب منه أدخالها بسرعة....
فتحت ملاك الباب وتقدمت بهدوء من مكتب الوزير الذي كان مشغولاً بكتابة بعض الأمور على الأوراق ولم يلمحها أمامه ولكن هب واقفاً ما إن رأها وكأنه أمام شبح يريد أن يؤذيه...
كانت ملاك تحمل شيئاً ما في يدها ...كعلبة صغيرة تمسكها بشدة....
- مساء الخير سيا دة الوزير ايه استغربت وجودي...!
- قال بتلعثم: انتي رجعتي تاني...
- اه رجعت....ما ارجعش ليه حد ليه حق عند حد وما يرجعش يخده
- قال بغضب: حق ايه؟؟؟انتي ما لكيش حقوق هنا....
- واضح كده ان البداية معاك في الحوار غلط ومش حنتفق....
- انتي جاية ليه؟؟؟
- قالت بحزم: عاوز ابقة ملاك فريد الجمال مش ملاك صبحي..حقي ولا؟؟؟...
- قال وكأنه يريد أن يقتلها بنظراته: انتي بتحلمي...
- ضحكت بإستهزاء: ماشي...بس لما الإعلام ينشر القضية والجرايد تحط بأول صفحة (بنت تطالب بنسبها من وزير الصحة) ساعتها انت الي حتلاقي نفسك في كابوس مش حلم.......
- تقدم منها محاولاً اسكاتها فإبتعدت خطوتين الى الوراء: اانتي لسه الظاهر ما تعرفيش مين فريد الجمال...انا ممكن انسفك من على وجه الأرض...
- ياريتني عرفتك قاسي كده قبل ما احط المسرحية عشان اديتك صفات غير الي انت فيها دلوقت..
- نعم...مسرحية ايه....؟؟؟
وضعت عندها على المكتب العلبة التي كانت معها قائلة:دلوقت اما اروح شوف الي في العلبة دي ما تخافش مش قنبلة انما فيها شريط حيوريك الي عملته والي ممكن اعمله ..عن اذنك...
خرجت من المكتب وتركت الوزير يصرخ قائلاً: انتي لسه ما تعرفينيش انا ادمر الدنيا ولو حد يجيب سيرتي في كلمة...انا ما.......................
دخل السكرتير على صوت الوزير ليرى ما الأمر....فصب غضبه كله عليه: اخرج برة مش عاوز اشوف حدددددددددددددد...
كان مراد ووالدها بإنتظارها في الشارع في سيارة اجرة....صعدت بهدوء ونظرت الى الإثنين قائلة: استعدو للحرب الي جاية بنفس عميق.....
......................