Cherry Blossom || JJK || BTS FF Series

🌸 Chapter Ten 🌸

Sa Ro's proves......

ජීවිතේ අහඹු සිදුවීම් ඕනතරම් සිදුවෙන්න පුළුවන් කියලා මම දැනගෙන හිටියා.. මගේ ජීවිතේම අහම්බයක් කියලා හිතෙන තරමටම ඒක මට දැනුණා..

ඒත් මේ මොහොතේ මම අත්දකින දේ කිසිසේත්ම අහම්බයක් වෙන්න නම් බැහැ.. ඔව්.. ඒ ඔහු.. මෙතරම් දවසක් මගේ හීනය තුළ බොඳවී පෙනුන ඒ රූපය.. අද මගේ ඇස් ඉදිරියේ ජීවමානව ඉන්නවා..

මම ඔහුව  හඳුනාගත්තෙ පුදුමාකාර විදියට.. ඔහු සිටියේ ඔහුගේ සෘජු එමෙන්ම විස්මය දනවන බැල්ම මා වෙත හෙලමින්.. හදවතේ ස්පන්දනය වේගවත් වෙද්දි මා සිටි අවට බොඳවී ගියේ නිමේෂයකින්.. මට දැනුණේ මම අහසේ පාවී යනවා වගේ හැඟීමක්..

"සරෝ....!!!!!" ඒ හඬ මට ඇහෙද්දි මං සිටියේ ඔහුගෙන් බොහෝ දුර බව මට හැඟුණා..

🌸🌸🌸🌸🌸🌸🌸

ආපහු ඒ හීනය.. ඒ අයුරින්ම... ආදරණීය සහකරුගේ වියෝවය දරාගත නොහැකිව හදවතින් හඬා වැටෙමින්  සිටි මා ඉදිරියේ වූ ඔහු මට පැහැදිලිව දැක ගත හැකි විය..

දාඩිය බිඳු වලින් හැඩවුණු පළල් වූ නළල්තලය.. සෘජු බැල්මකින් යුතු කඳුළින් පිරුනු සිහින් දෑස... හදවතට නැඟුනු දුක පිටතට නොපෙන්වීමට වෙර දරමින් රත් පැහැගැන් වුන මුහුණ...

අසිපත අමෝරා ගනිමින් මා දවාලන බැල්මෙන් මදෙස බලමින් ඔහු මගේ ඉදිරියේ සිටියා.. මට ඔහුව පැහැදිලිව දැකගත හැකි වුණා.. ඔව්  සුපිරිසිදු ජලය මෙන් මට ඔහුව පැහැදිලිව දැකගත හැකි වුණා..

🌸🌸🌸🌸🌸

"සරෝ!!!!....... සරෝ!!!....."  කවුරු හරි මගේ නම කියනවා මට ඈතින් වගේ ඇහුණෙ..

සීතල යමක් මගේ මුහුණේ තැවරෙනවා මට දැනුණා..මම හිමිහිට මගේ ඇස් ඇරියත් මට ඇඟට දැනුණේ අප්‍රාණික බවක්.. මගේ දිහා බියමුසු දෑසින් බලාගෙන හිටියේ ජන්ග්කුක් ෂී..

" සරෝ... ඔයා හොඳින් නේද??" එයා ඇහුවේ මගේ මුහුණ දෙපස අතින් පිරිමදිමින්...

" කුකී.. එයාව room එකට අරන් යන්න.." තව කෙනෙක් කියනවා මට යාන්තමට ඇහුණා...

ඒ නිමේෂයෙන් ඔහු මාව ඔහුගේ ශක්තිමත් දෑත් වලින් ඔසවා ගත්තා.. මට තවමත් දැනුණේ මගේ අවට කැරකෙන ස්වභාවයක්..