Second Love [ ChanHun OTP ] Completed

FORTY-THREE

ချန်းယောလ်ညကအတော်ညည့်နက်မှ
အိပ်ဖြစ်သည်။

အနည်းငယ်စိတ်ရှုပ်နေသည်မို့ခပ်များများ
သောက်မိခဲ့သောဝီစကီအချို့ကခေါင်းကို
ကျိမ်းစက်အောင်ထိုးကိုက်နေစေသည်။

အိပ်ယာပေါ်မှထကာထိုင်မိတော့အနည်းငယ်
ပြောင်းလဲနေသောအခန်းအခြေအနေကြောင့်
မျက်မှောင်အလိုလိုကျုံ့မိသွားသည်။

မနေ့ညကပင်အခန်းကအတော်ကို
ရှုပ်ပွနေခဲ့တာမဟုတ်လား။

ဟွန်းနှင့်လက်ထပ်ပွဲပျက်ပြီးကတည်းကပင်
သူသန့်ရှင်းရေးမလုပ်ဖြစ်သည်မှာအတော်
ကြာနေပြီဖြစ်သည်။

မကြည်လင်သောစိတ်အစုံကိုရေချိုးလို့
လန်းဆန်းသွားအောင်ပြုပြင်ရသည်။

နေအတော်မြင့်နေသည်ကတစ်ကြောင်း......
အရက်သာဝင်ခဲ့သောအစာအိမ်မှတခုခု
စားရန်အချက်ပြလာသည်မို့အောက်ဆင်း
လို့တခုခုစားရန်အတွေးဝင်လာရသည်။

လှေကားနားသို့ရောက်သည်နှင့်မွှေးပျံ့သော
ဟင်းနံ့ကြောင့်ချန်းယောလ်အံ့အားသင့်စွာ
အောက်ထပ်ကိုပြေးဆင်းလာခဲ့သည်။

မီးဖိုချောင်နားနီးလေအသံတို့ပိုကျယ်
လာလေဖြစ်သည်။

" အာ့......ပူလိုက်တာ....... "

မစိမ်းသက်သောကျောပြင်ငယ်လေးက
သူ့ကိုအာရုံမရပါဘဲဟင်းချက်ရင်းအပူကိုင်
မိသောလက်ကိုနားရွက်ဖျားကိုင်နေလေရဲ့။

အရမ်းကိုလွမ်းဆွတ်နေခဲ့ရသည့်စိတ်ကြောင့်
ချန်းယောလ်ရင်ထဲနွေးခနဲပင်.........

အခုမှပင်ခြောက်ကပ်နေသောအိမ်က
ပြန်အသက်ဝင်လာခဲ့သည်။

" အင့်.......ချန်း...... "

ချန်းယောလ်လုံးဝကိုစိတ်မထိန်းနိုင်သည်မို့
ကျောပြင်ငယ်ကိုဖက်လိုက်သည်မှာအင့်ခနဲပင်....

" ခဏ......ခဏလေးဒီလိုနေပေးပါ...... "

သူနှင့်မျက်နှာချင်းဆိုင်လှည့်လာရန်ပြင်သည့်
ချစ်ရသူကိုခပ်မြန်မြန်တားဆီးလို့လွမ်းနေသည့်
ကိုယ်သင်းနံ့ခပ်မွှေးမွှေးကိုလည်ပင်းဆီခေါင်း
တိုးဝင်လို့အလွမ်းဖြေမိတော့သည်။