Second Love [ ChanHun OTP ] Completed

FOURTY-EIGHT

P.S media လေးဖွင့်ပြီးဖတ်ပေးနော်😘

" ဖြေးဖြေးဆင်းနော် ဟွန်း........ "

သမီးလေးကိုချီထားရင်းမှကားပေါ်ကဆင်းမည့်
ဆယ်ဟွန်းကိုတွဲကာဖြေးဖြေးချင်းဆင်းရန်
ပြောနေသည့်ကိုကို............

ရုတ်တရက်ခရီးထွက်မည်ဟုပြောလာသော
ကိုကို့ကြောင့်ဆယ်ဟွန်းနဲ့အတူသမီးလေးပါ
ပါလာခဲ့သည်။

ဆယ်ဟွန်းရဲ့ကျန်းမာရေးကြောင့်ဆရာဝန်က
အနားယူဖို့လိုအပ်တယ်ဆိုလို့ပါတဲ့။

ထို့ကြောင့်ကိုကိုပိုင်ဆိုင်တဲ့အပန်းဖြေစံအိမ်ကို
ထွက်လာခဲ့ကြခြင်းဖြစ်သည်။

" ရပါတယ် ကိုကိုရယ်။ ဒီလောက်နဲ့တော့ဟွန်း
ဘာမှမဖြစ်ပါဘူး။ "

" ကိုယ်ကစိတ်ပူလို့ပါကွာ...... "

ခပ်ပြုံးပြုံးပြောနေတဲ့ကိုကို့ကိုဆယ်ဟွန်း
တကယ်ကိုအားနာနေမိသည်။

ကိုကို့ရင်ခွင်ထဲမှာနေပြီးအမြဲလိုလို
အခြားတစ်ယောက်ကိုသာတမ်းတနေခဲ့တာ
မဟုတ်လား။

ချန်းအခုချိန်ဆိုဘာများလုပ်နေလောက်မလဲလို့
တွေးမိတော့မျက်ရည်ကဝဲတက်လာပြန်သည်။

တကယ်ကိုသူတို့နှစ်ယောက်ဝေးသွားကြပြီ
ဖြစ်သည်။

" ခဏဖြစ်ဖြစ်နားလိုက်ဦးနော်။ ကိုယ်က
ဟွန်းတို့အတွက်စားဖို့တစ်ခုခုသွားစီစဥ်
လိုက်ဦးမယ်။ "

" ဟုတ်ကဲ့........ "

" ဒယ်ဒီခဏအပြင်သွားမှာမို့ပါးပါးနဲ့
လိမ်လိမ်မာမာနေခဲ့နော်။ ပါးပါးကိုလည်း
အရမ်းဂျီမကျရဘူးနော်။ "

အိပ်ချင်မူးတူးဖြစ်နေတဲ့သမီးလေးကသူ့
ဒယ်ဒီကိုခေါင်းညိမ့်လို့အဖြေပေးသည်။

ဆယ်ဟွန်းလည်းသမီးလေးကိုလက်ဆွဲလို့
အိမ်ထဲဝင်ပြီးခြေလက်ဆေးလို့အိပ်ချင်နေတဲ့
သမီးလေးကိုအရင်သိပ်လိုက်ရသည်။

သမီးလေးအိပ်ပျော်သွားတဲ့အထိကိုကိုကတော့
ပြန်မလာသေးသည်မို့အိပ်ရာပေါ်ခဏလှဲလို့
ကိုကို့ကိုစောင့်နေမိသည်။

" အာ့.....ဖြေးဖြေးကန်လေ သားရဲ့......
ပါးပါးကနာသွားပြီပေါ့။ "