Second Love [ ChanHun OTP ] Completed

FORTY-FOUR

" ကိုကို ကျွန်တော့်ကိုဒီကိစ္စရှင်းပြဖို့
လိုပြီထင်တယ်.......... "

လက်ထဲကစာအိတ်ကိုထောင်ပြရင်း
ပြောလိုက်သည့်ဘတ်ခ်ဟျွန်းစကားကြောင့်
ဂျုံအင်မျက်နှာပျက်သွားရသည်။

ဘတ်ခ်ဟျွန်းဘာကိုဆိုလိုချင်မှန်းသူသိသည်။

ဘယ်လိုပဲဖုံးကွယ်ထားပါစေ အမှန်တရား
တစ်ခုကတော့ပေါ်လာပြီဖြစ်သည်။

" ဟင်း...... "

ဂျုံအင်သက်ပြင်းပြင်းခပ်လေးလေးချလို့
​ဖတ်လက်စဖိုင်တွဲကိုလက်ကချရင်း
ဘတ်ခ်ဟျွန်းရှိရာရောက်လာသည်။

ရှုပ်ထွေးပြီးယုံနိုင်စရာမရှိသည့်
အခုကိစ္စကိုသူဘယ်လိုရှင်းပြသင့်သည်ကို
တွေးနေမိသည်။

" ကိုကိုသေချာရှင်းပြပါ့မယ် ဟျွန်းရယ်......
အခုတော့စိတ်လျှော့ပြီး ဒီကိုလာပါဦး....... "

ဂျုံအင့်ခမျာချော့မော့လို့စိတ်လျှော့အောင်
အရင်ပြောရသေးသည်။

ဘတ်ခ်ဟျွန်းကိုယ်တိုင်လည်းကိုကိုရှင်းပြသည်
ကိုနားထောင်ဖို့အရင်ဒေါသကိုထိန်းရသည်။

ဂျုံအင်အကြောင်းစုံရှင်းပြတော့လည်း
ဘတ်ခ်ဟျွန်းခမျာမယုံကြည်နိုင်ဖြစ်နေပြန်သည်။

" ဒါ......ဒါဆို ဆယ်ဟီးလေးက.......ဟာ့.....
ဆယ်.....ဆယ်ဟွန်းရောသိပြီးသားကိစ္စလား "

" ဆယ်ဟွန်းကတော့လုံးဝကိုမသိတာ........
တခြားဘယ်သူမှလဲမသိဘူး.....ဝူရီဖန်က
လွဲပြီးပေါ့........ကိုယ်တောင်သိတာမကြာသေးဘူး "

နားထောင်နေသည့်ဘတ်ခ်ဟျွန်းတစ်ယောက်
စိတ်လှုပ်ရှားမိသည်မို့ဆိုဖာခုံလက်တန်းကို
တင်းခနဲဆုပ်ကိုင်မိသွားသည်။

" ဒါ.......ဒါဆိုဆယ်ဟွန်းရဲ့အခုကိုယ်ဝန်ကလည်း
အစ်ကိုချန်းယောလ်ရဲ့.......ဘုရားရေ........
စီိနီယာရီဖန်ကရက်စက်လိုက်တာ.......ဘယ်လိုများ "

" ဟျွန်း......ဘတ်ခ်ဟျွန်းနီ......... "

စကားပြောနေရင်းမှထထွက်သွားတဲ့ဘတ်ခ်ဟျွန်း
ကြောင့်ဂျုံအင့်မှာအပြေးအလွှားလှမ်းတားရသည်။

" ဘာလို့လဲ......ကိုကိုကဘာလို့လာတားနေတာလဲ။
ပြောပြရမယ်.......ဆယ်ဟီးလေးရဲ့ဖြစ်တည်မှုကို
ဆယ်ဟွန်းကိုအကုန်ပြောပြရမယ်......... "