Second Love [ ChanHun OTP ] Completed

FORTY-SIX

" ရောက်နေတာကြာပြီလား ကိုကြီး...... "

ဟွန်းရဲ့အစ်ကိုဖြစ်သူဂျောင်ဆူးချိန်းထားသော
ကော်ဖီဆိုင်သို့ရီဖန်အပြေးအလွှားလာခဲ့ရသည်။

အခုချိန်မှာကြည်ဖြူအောင်ကြိုးစားနေရချိန်မို့
စိတ်ကွပ်သွားလို့မဖြစ်ဘူးမဟုတ်လား။

" မကြာသေးပါဘူး......အခုမှရောက်တာ......
ထိုင်ပါဦး.....တစ်ခုခုသောက်ဦးလေအမောပြေပေါ့ "

ပြီးရင်မင်းအမောစို့သွားအောင်ငါက
ကူညီပေးချင်လွန်းလို့ပါ။

" ရပါတယ်......တစ်ခုခုပြောစရာရှိလို့ထင်တယ်။
အဲ့တာကိုအရင်ပြောလို့ရပါတယ်.....အာ......
ကျေးဇူးတင်ပါတယ်။ Latte တစ်ခွက်ပဲပေးပါ "

​ဆိုင်ဝန်ထမ်းမလေးကမ်းပေးလာသည့်
ရေခွက်ကိုလှမ်းယူလို့ကော်ဖီမှာလိုက်ရသည်။

" ဆယ်ဟီးလေးကိစ္စငါအကုန်သိပြီးပြီ...... "

ရုတ်တရက်ပြောလိုက်သောဂျောင်ဆူးစကား
ကြောင့်သောက်မည့်ဆဲဆဲရေခွက်ကိုရီဖန်
စားပွဲပေါ်ပြန်တင်ထားလိုက်သည်။

" ကျွန်တော်က ကလေးမရနိုင်တာမို့
လိုအပ်တယ်ထင်လို့လုပ်ခဲ့တာပါ........ "

တစ်ချိန်ချိန်တော့သိမှာပါလို့တွက်ဆခဲ့ပြီးသား
မို့ရီဖန်အထူးတလည်အံ့သြမနေတော့ပေ။

" အဲ့တာဆိုဆယ်ဟွန်းရဲ့အခုကိုယ်ဝန်ကရော.....
မင်းရဲ့ကလေးမဟုတ်မှန်းသိနေရက်နဲ့အခုလို
လုပ်နေရတဲ့အကြောင်းရင်းကရောဘာလို့လဲ။ "

" ကျွန်တော်ကအဲ့တာကိုပါးစပ်ကထုတ်ပြောဖို့
လိုအပ်သေးတာလား။ "

ဂရုမစိုက်သလိုပြောနေတဲ့ဝူရီဖန်ရဲ့စကား
ကြောင့်ဂျောင်ဆူးဒေါသကိုမနည်းထိန်းချုပ်လို့
အတတ်နိုင်ဆုံးစိတ်လျှော့ထားရသည်။

မျက်နှာပြောင်လိုက်ပုံများ.......

" အချစ်လို့ပဲပြောဦးမလို့လား။ ကျွန်တော်က
ဆယ်ဟွန်းကိုသိပ်ချစ်လွန်းလို့ပါလို့မင်းရဲ့ပါးစပ်
ကအရှက်မရှိထပ်ပြောမလို့ပဲလား။ "

ထိုင်ခုံလက်တန်းကိုဆုပ်ကိုင်ထားသော
ရီဖန့်ရဲ့လက်တို့ကတင်းခနဲပင်.......