Second Love [ ChanHun OTP ] Completed

FORTY-FIVE (Z+U)

" အရမ်းနာနေလို့လား........ "

ချန်းကသူ့ကိုတွဲကူလို့ကားရှိရာဆီ
ဖြေးဖြေးချင်းလမ်းလျှောက်သွားကြသည်။

" ကလေးကအရမ်းကန်လိုက်တာ..........
ရုတ်တရက်ဆိုတော့နဲနဲလန့်သွားလို့......... "

ဗိုက်လေးကိုပွတ်လို့ပြောနေသူလေးက
တကယ်ကိုခပ်ပြုံးပြုံးနှင့်ဖြစ်သည်။

ချန်းယောလ်ကားတံခါးကိုအမြန်ဖွင့်လို့
ချစ်ရသူကိုဝင်ထိုင်စေလိုက်သည်။

မဟုတ်သည့်အတွေးတွေထပ်မတွေးမိခင်
အမြန်ပြန်ပို့ပေးမှဖြစ်မည်။

သူသာစိတ်မထိန်းနိုင်ခဲ့ပါရင်နောက်ထပ်
နာကျင်ရမှာချစ်ရသူပဲမဟုတ်လား။

" ကိုယ် အိမ်ကိုပဲမောင်းလိုက်တော့မယ်နော် "

ကားမောင်းသူနေရာဝင်ထိုင်လို့ဆယ်ဟွန်းကို
ခါးပတ် ပတ်ပေးရင်းပြောလာသည့်ချန်းရဲ့
စကားကြောင့်မျက်နှာလွှဲလိုက်မိသည်။

" ရပါတယ်.......သက်သက်အလုပ်ပိုနေပါ့မယ်။
ဟွန်း ကိုယ့်ဘာသာ taxi ငှားစီးသွားပါ့မယ်။ "

မျက်နှာလွှဲကာပြောနေတဲ့ချစ်ရသူကို
ချန်းယောလ်သေချာကြည့်နေမိသည်။

မတွေ့ရတဲ့ရက်အတွင်းနဂိုထက်ပင်ပိုပိန်လို့
ပိုပြီးအားနည်းနေပုံရသည်။

" ကိုယ်ပဲလိုက်ပို့ပေးပါရစေ.........ဆေးရုံက
ရောပုံမှန်သွားရဲ့လား........ဟွန်းကိုကြည့်ရတာ
ပိုပြီးအားနည်းလာတဲ့ပုံစံပေါက်နေတယ်....... "

" သွားပါတယ်......ကိုကိုကဆေးရုံရက်ချိန်း
ကိုတော့ဂရုတစိုက်နဲ့လိုက်ပို့ပေးပါတယ်......... "

တခြားသူရင်ခွင်ထဲရှိနေပါသည်ဆိုသည်ကို
သွယ်ဝိုက်စွားပြောပြနေသလိုချန်းယောလ်
ရင်နာရပြန်သည်။

" အာ့....... "

" ဘာ......ဘာဖြစ်လို့လဲ......ဆေး.....ဆေးရုံ
သွားမလား......ကိုယ်အမြန်မောင်းလိုက်မယ် "

စိုးရိမ်တကြီးဖြစ်နေတဲ့ချန်းယောလ်ကို
ဆယ်ဟွန်းကခပ်ပြုံးပြုံးကြည့်နေသည်။

" သားလေးကအထဲက ကန်နေတာချန်းရဲ့......
အရမ်းမနာပါဘူး.......ရုတ်တရက်ဆိုတော့
နည်းနည်းလန့်သွားတာပါ.......ကိုင်ကြည့်ချင်လား "