جئت نحوي مطراً كيف أخفي ألغَيث عني؟

ألجزء ألسادس عشر.....

جئت نحوي مطراً كيف أخفي ألغيث عني؟

بقلمي:دُرَر ألجمان

ويگلي أسم ألله لمن گلبي يوجعني
وأذا حس بيه من ألدنيا مامرتاح
يشاقيني يظل خاطر يضحكني..

ريم: يمه بسم ألله شصار
راكان وهو يصرخ بأسمه بأعلى صوته: جابر لك جابر أفتح ألباب

بدأت تسب وتلعن به بداخلها ضنت من أن شيء ما حصل أرتدت شالها وفتحت له ألباب قالت وهي تضع
يدها على خصرها
خيير خير شبيك تصرخ منو گلك طرشان وما نسمع
راكان: ولي من وجهي وصيحيلي رجلج

ريم بتأفف: هسه هالهوسه هاي كله علمود رجلي مو حتى ألطفل گعدته تعال ماما لتخاف هاي ناس ماعدها ذووق گعدتك

راكان: شوفي كلامي مو وياج جان عرفت شلون أخليچ تحجين عدل صيحيلي رجلج وبلا لغووه زايده

ريم : موهنا مسافر جابر
راكان وهو يرفع حاجبه: يصير خير يصير روحي أنطمري

ريم : ألله ياخذك شگد مكروه دخلت بعدما أغلقت الباب بقوه

نظرت لأبنها ألذي يبكي: وانته شبيك بعد
عبدالله بلكنته الطفوليه: أليد عمو راكان

ريم: أمدده حضي أي واالله دتعال خلي أبدلك علمود نروح بيت جدوو

عبدالله: ماا ماالوح
ريم وهي تحمله بتأفف: ليش حبيبي ماتريد تلعب ويه اصدقائك
عبدالله: العب ويه عمو
ريم وهي تدخل به للحمام: بالله ماتنجب ويه عمو طاح حضك أنته وعمك........

في الأسفل
رسيل: ولك وين رحت مو گاعده احجي وياك شبيك شطت
راكان وهو يمشي في الغرفه بعصبيه: ألحقير موهنا مسافر
رسيل وهي تشد من عقدة الربطه على جبينها وضعت يدها على رأسها وتكلمت:
عوفه يمه خله يولي

راكان بعصبيه: شعوف بيه لا تخبليني أبنج هذا واحد نذل صاير أكو أخ عاقل هيج يسوي بأخته اخ بس لو جنت هنا جان علمته شلون يمد أيده عليها

رسيل: أي هاي جانت العايزه بس تتمالخون انته واخوك وغيث مصلخ عندي مو بيت

راكان: والله زين يسوي بيه غيث حيل وابو زايد دواه عنده امشي گومي خل نروح نشوفها

رسيل: أگعد وين تروح خل ترتاح شوي سوده عليه مرد گلبي عليها مدري شبي هالولد أتسودن وينها وين هالسوالف هيه الله ينتقم من اللي جان ألسبب

قبض يده بعصبيه وهم بالخروج
رسيل: وين
راكان: هنا لا يضل بالج
رسيل: طفي الضوه وسد الباب وياك خلي انام شوي بلكي يخف هاالألم
راكان: أن شاءالله
خرج بعدما اغلق الضوء واوصد ألباب خلفه جلس على الكنبه في ألصاله

حسب ماحكت له امه بأنها كانت تتمشى مع صديقتها وحدث ماحدث لكنها لم تفهم ماذا حصل بالتحديد فجابر كان يصرخ وهي تبكي