جئت نحوي مطراً كيف أخفي ألغَيث عني؟

ألجزء ألرابع...

ولادة شعور غريب ❤

وَيحدث أن يلمسك أحدهم بِ عينيه ، يحتضنك بِ عينيه، ويقتحمك بِ عينيه، بِ عينيه فقط✨

ذَهبت إلى ألأداره وهي تتسائل بنفسها لما تم إستدعائها؟!
دخلت إلى غرفة ألأداره ولم ترا أحد تكلمت بنفسها(عجيب!! ماكو أحد هنا لعد شكو عبير تكولي يردوج)
همت بالخروج وفي نفس الأثناء دخلت مدرسة الفيزياء إستغربت من وجودها : شتسوين هنا سديم؟!
سديم: وصلني خبر أنو مستدعيني للأداره وأجيت ومَ شفت أحد
رفعت حاجبها وتكلمت: وين بالظبط
استغربت سديم: بأدارة ألمدرسات هنا بِ ألتحديد
أنوار: أحنه مو أعلنا وقلنا لا أحد يجي ناحية ألممر
سديم: ما أعرف ست ماسمعت
أنوار: اووك روحي حتنتهي ألفرصه
عقدت حاجبيها بأستغراب: أن شاء الله
ذهبت لصفها وجلست بجنب وتين:
وتين: ها طمنيني شنو كانو يريدون منج
قوست شفتيها بعدم معرفه وقالت: تصدقين رحت وماشفت أحد كانت ألغرفه فاضيه وبعدين أجت ست أنوار وعصبت ليش جايه وشنو عندج هنا
وتين: عجييب
نظرت وتين ناحية عبير ومنار وهم يتهامسون ويضحكون : لمن كنا بالساحه مو أجت عبير وكلتلج يردوج باالأداره
سديم: أي بس مثل مَ كلتلج ماكان أكو احد هناك
وتين: مااعرف ليش هالعبير ومنار ميرتاحلهم قلبي
سديم: تركيهم ويالله حتبدي حصة ألأحياء
وتين: اووك........
جائت مُدرسة ألأحياء وبدأ ألدرس وفي أثناء شرحها سمعو أصوات عاليه وكأن شجارٌ ما يحدث: شنو هالأصوات شنو صاير بنات أبقو مكانكم شوي وراجعه إلكم

بدأت الأصوات تتعالى وتتعالى
وتين: يمه شصاير والله خفت واني مالي علاقه
سديم: خير إن شاء الله ألله اعلم شنو صاير
وتين: ياخير ولج ما تسمعين اصواتهم
سديم بعدم أهتمام: طلعتي بس بوخه وانا وانا هههه ماكو شي أن شاء الله هسه تجي ست نهى ونفهم منها
وتين: أن شاء الله
جائت نهى ومعها مُدرسه أخرى: سديم تعالي شوي وياي
استغربت وبدأ الخوف يدب في قلبهاا
وتين: شنو يريدون منج
سديم: علمي من علمج شوي بعدي خالأطلع
نهى: يلا ماما بسرعه
ذهبت وخرجت معها
أستغربو ألطالبات من استدعاء سديم ....
وتين( ياربي شنو صاير وشنو يريدون منها ) التفتت ورأت عبير ومنار وهم يتهامسون ويضحكون وبدأت الشكوك والأفكار تنخر بمخها.

وصلوو إلى غرفة ألمديره ورأت اغلب ألمدرسات موجودات معها وست أنوار بالتحديد كانت تنظر لها بحده وكأن شرار يتطافر من عينيهاا:
نهى: وهذي سديم يالله فهمونه شنو صاير
وقففت سديم بجانب نهى وهي متربكه أشد الأرتباك
أنوار بعصبيه: شنو نفهمج ست نهى شنو نفهمج مَتكوليلي
رمت ألملف ألذي كان بيدها وانتشرت ألأوراق على ألمكتب ليست أوراق بالظبط كانت قصاصات اوراق
خافت سديم من تصرف أنوار وماعلاقتها هيَ بكل هذا!!!
تكلمت سعاد: ست أنوار تمالكي أعصابج وخلينه نفهم شنو صاير بالظبط
أنوار بحده: شنو افهمكم هيه خليها تتكلم وتكوللكم شنو كانت تسوي بغرفة المدرسات
سعاد: تكلمي بنتي سديم
سديم بخوف: ماكنت اسوي شي واالله العظيم واصلاً ماكاعده افهم شنو اللي يصير هنا
أنوار بحده: اني حفهمج
رمت الفايل نحو اقدامها وقالت: هذا شنو الفايل وشنو اللي كان موجود بي لو بعد متعرفين
أمتلئت عينيها بالدموع وقالت: ست والله مكاعده اعرف شنو أللي يصير هنا
أنوار: لمن كنا بغرفة الأجتماع طلعت اني اول وحده ورحت للغرفه وشفتها طالعه بطريقي وماكلن احد موجوده هناك شنو كانت تسوي برأيكم
سديم بدفاع: صح مثل مَ كلتي وسألتيني وكلتلج وصلني خبر أنو مستدعيني للأداره
أنوار: شنو كاعده تتتكلمين وي أغبيه
سديم: لا حاشاكم بس....
قاطعتها: لا تبسبسين ولاشي اصلاً شلي موديج لغرفتنا واحنه خبرناكم بأن محد يوصل للأداره وكان عدنا
اجتماع
نهى: أنوار شوي شوي عاالبنت خلينه نفهم
انوار: شنو تفهمين شوفي اوراق الأختبار كلها أمزعه تعبي وتعب الطالبات كله راح تبخرر
نهى: بس سديم معروفه طول ال٣ سنوات ماشفنه منها شي موزين وهي من أفضل الطالبات مامعقوله تسوي هيج
انوار بحده: شنو يعني اكذب اني ؟؟
سعاد بحده: بس أسكتو ماما سديم شرحي إلنه بالتفصيل شلون تروحين وأحنه قلنا لا أحد يروح للأداره
سديم ببكاء وشهقات غير مستوعبه ألذي يحصل: ست والله كنت بالساحه اني وتين ولمن نريد نرجع أجت عبير وقالت أنو مستدعيني بالأداره ورحت مشفت احد وبأثناء طلعتي صادفت ست أنوار والباقي تعرفووو
أنوار : لا صدقت
سديم: واني شنو غايتي أمزع أوراق الاختبار
واختفى صوتها وبدأت تبكي بحرقه حضنتها نهى: بس ماما لَ تبكين
سديم: ست نهى وألله اني ( ولم تكمل جملتها وبدأت بالبكاء من جديد)
التفت أنوار بغير رضا للذي يحدث
هزت رأسها سعاد بأسى وقالت: نادولي وتين وعبير
بعد دقائق حضرت وتين وعبير
دخلت وتين انصدمت بحالة سديم ألتي كانت تبكي بحاله هستيريه
سعاد: وهذي وتين وعبير يلا فهمونه السالفه
وتين: شنو صاير ست وشبيها سديم تبكي
حكت لها بالذي جرى
وتين: صح ست عبير هيه اللي أجت وكالت أنو مستدعين سديم بالأداره
شهقت عبير وقالت بمكر: آني اجيت الكم؟!! وكلتلكم هيج يمته صار هالكلام ليش تتبلون علي
انوار: ها سديم شنو عذرج هسه هم نكري
ابتعدت من حضن نهى وقالت ببكاء : والله العظيم هيه اللي كلتلي او وتين شاهده
وتين لم تستوعب الذي يحصل بعدما بانت لهم بأنها كانت حيله منهم لتلبس سديم التهمه وهاهم حصلو على ما يريدون وبكل جداره: ست والله العظيم وربي هيه اللي أجت وكلتلها وبعدين شنو غايتها سديم من هذا كله
أنوار: بس يكفي تلفيق وكذب وراح أخذ حقي منج ياسديم تعبي وتعب الطالبات كله برقبتج
أدمعت عيناها لحالة صديقتها ..
سعاد بحده: الدوام أنتهى بكره أن شاءالله تظهر الحقيقه وأنتي ياسديم هذي الورقه انطيها ألولي أمرج وإذا ماحضر اعتبري نفسج مفصوله..
خرج الجميع من الغرفه
في الصف:
حضنتها وهي تهدأها لكن لاحياة لمن تنادي ف هي بحاله يرثى لها الآن لا تعرف كيف تهدئهاا
وتين برجاء: سديم عمري يكفي ألله يخليج إلا ما يعرفون الحقيقه
سديم ببكاء : شلون شلون ياوتين وألله مو آني مو آني
وتين: أعرف حبيبتي أنتِ بس اهدي
نظرت للطالبات يخرجن من الصف ف وقت الدوام إنتهى التفتت ناحية عبير رأتها تضحك مع منار ذهبت إليها بكل عصبية الكون كانت تريد أن ترتدي حقيبتها سحبتها وتين من كتفها والقتها أرضاً: هسه تفهميني شنو أللي سويتو
عبير بعصبيه: شنو انجنيتي شلون هيج تتصرفين وياي
منار: تركيها ماعليج منها
التقطت حقيبتها وأستدارت ماشيه لكن سبقتها أليد التي اوقفتها بكل قوه: لاوالله شنو هيه الدنيا فوضى على جثتي اليوم تطلعين وربي حتى لو نبقى بس احنى الاربعه بالمدرسه
منار بعصبيه: لا أنتِ تخبلتي
وتين: أي تخبلت هسه تكوليلي شنو أللي كاعد يصير لج إنتي شنو من شنو مخلوقه فهميني
عبير بتأفف: اففف و بعدين دوخري ماما
صفعتها كف بكل مااعطاها ربي من قوه
عبير ببكاء: وربي ماا اعديها إلج بسيطه
وتين: اعلى مابخيلج إركبي
منار: إنتي صدق متخلفه وادب سز
توجهت ناحيتهم ف لاشيء يردعها إلا هي تكلمت بهدوء : وتين تركيهم عنج
وتين: إنتي شلون
لم تكمل وصرخت بها سديم: وتيييين تركيهم كلتلج
ذهبت غاضبه واتبعتها سديم
جلست تبكي بشده اشد من قبل
وتين: لا تجننيني سديم اظن وضحت الصوره وعرفتي شنو من تهمه لبسوها الج
سديم ببكاء: بس بس كافي ألله يخليج
وتين لم تتحمل حضنتها : آسفه وربي ماا أقصد
رن هاتفها وتكلمت وتين: سديم جوالج يرن
لم تجيبها واستمرت تبكي بحضنها ....