جئت نحوي مطراً كيف أخفي ألغَيث عني؟

ألجزء ألخامس عشر ....

بسم ألله ألرحمن ألرحيم ...

ألسلام عليكم

بقلوب مؤمنه بقضاء ألله وقدره وبقلوب مليئه بالحزن وألمواساة أتقدم بأحر ألتعازي ألى جميع أسر ألشهداء ...
ألرحمة والخلود لكل شهداء عراقنا ألحبيب
يارب رحمتك ولطفك يارب أحفظ شعبنا بعينك ألتي لاتنام ياررب نصر قريب ❤

نحوي مطراً كيف أخفي ألغيث عني؟

دُرَر ألجمان....

بعدني اترهدن بطولك واسولف للگمر عنك
وبعدني اتناوش عيونك عذر للناس
واغمض الما لگن منك..
تعال الظلمه تشرب شوف
حوبة كل شمع عثره
تعال الماي من يغتاض
يبهت لونها الشجره
تعـال و گدر اعـيوني
يـ كحله .. الطيف ما يــنذم
واصدگ كل نوايا الذيب
وانه ادري ابـ حچي القمصان چذبـة دم
يا بزر الشمس والگاع
لونك يـلچم الغـيـمه
يـالشايل خضار الناس
بيه امن العطش هيـمه
سـولفني ولـو چذبه !
يغار البير من حچـيّـك
چلمتك بـارده و عـذبـه
يـالبيك الهـلا ابـگدك
بيه امن البـرد لـچمه ..
اشـحلاة الليل من ايطول
يتبده الدفو ابـ چلـمة
و لـيش اتخاف من عطرك !
چـا هووو الورد شيريد
كون ايموتلـه ابـ شمه ...

جواد: منو هذا اللي يعرف أسمها
أغلقت ريتال ألهاتف وهو بيدها بسرعه بديهيه وقالت: ألمشرف بابا
بلعت ريقها وتين ونظرت لأبيها بصمت
رفع حاجبه غير مصدق لكلامها
قرصتها من تحت أللحاف تستحثها الكلام: أي بابا ألمشرف أليوم أجانه حتى يشوف أوضاعنه قبل لانعطل فصاحلي بأسمي واستغربت شون يعرفني
أومأ برأسه وقال: وحده منجن بابا تجي تسوي چاي
قامت وتين: أن شااءالله جايه
خرج هو
ورمت بجسدها على السرير بخوف
ريتال:ويلي ألله چان أنفضحنه ورحتي بيها ياوتينوو
وتين: يمه گلبي لج أنهبطت وربي تعالي صدگ يامشرف هذا عمه واالله ماشفتيلج غير هالجذبه
ريتال: لعد شگوله بابا هذا واحد معجب ببنتك
وتين: انطمي كلبه مابقه عليه غير الحمير
ريتال:دروحي سوي چاي
وتين: رااايحه
..............
في ألصباح الساعه ألتاسعه صباحاً
وتحديداً عند مكانهم ألمعتاد
وتين: بزعت روحي ياسديم وألله ألبارحه ردت أنفضح يم بابا لو ما ريتالو نقذتني تخيلي أذا عرف شون حيصير موقفي گدامه

سديم: وألله يا وتين سالفتج سالفه تحيير ياخوفي يطلع صاحب ألسياره اللي جانت تتبعنه أمس نفسه هذا اللي يتصل بيج
وتين : لا يمه ولج لتخوفيني ماناقصه انه

سديم: وعلى شنو تخافين ها؟ قابل تعرفي ماشيه گاعده وياه أشو انتي من المدرسه للبيت ومن البيت للمدرسه ماشيه صح ومالج علاقه بأحد بعد شكو هالخوف هاي عود أنتي القويه وام اللسان اشو ثنينهن تبخرن لا اللسان ولا غيره لو بس فالحه بالتهنبل

وتين: صحيح كلامج المفروض ما أخاف بس أفهميني ياسديم انه مالي بهالسوالف ولا أحبها وانتي أكثر وحده تعرفيني جنس الرجال خاله عليه علامة أكس بس مو هنا المشكله مشكلتي اذا بابا عرف شلون مااريد اخلي نفسي بمواقف بايخه