طريقي نحو النار ...
البارت الثاني والعشرون ...
ليلان حكمت ....حقوق النشر محفوظه لبيج روايات رومانسيه من خيالي ....الي يكول البارت قليل
والله العظيم مريض كولش اعذروني وادعولي ...
قررت المواجهه ويه مقداد اخذت العنوان مال شغله
من منطقتنه من ابو محل هناك ...
وعرفت شوكت يداوم وشوكت يكون بيته وعرفت حتى اسم ولده ....
بالليل جنت افكر شسولف وياه وشكله وشنو عذره لادز خبر
ولا رساله ولا حجايه ويه ربعه الجنود الضباط....
كعدت ارتب بالحجي كلمه كلمه حرف حرف
الصبح اخذت سياره كعدت بتول ورحت ع الجادريه
للمكتب مالته ..جان يداوم مسؤول بمكتب ...تابع لمنظمه دوليه ...ليلان حكمت...
وصلت نزلت بالباب ردت ادخل لدائره الحمايه رفضوا بححة
ماكو شرطيه تفتشني ..كلتلهم اني اقرباء المدير
وكعدت الح عليهم واقنع بس نفس الحجايه ممنوع
اخير شي كتلهم ادخلوني لو اصيح واكول تحرشوا بيه ..
صوت منا وعيطه مناك صاح واحد منهم ...
حجيه انتظرني اروح اسئله اذا وافق اندخلج واذا ما وافق
احنه معذورين وانتي تدرين اني عبد مأمور
سلمت امري لرب العالمين وقنعت بس دعيت يوافق يدخلوني
كعدت ع الكرسي وشربت بطل مي انتظرت ربع ساعه
طلع الولد ...كلي خويه قبل تقابلي بس لاتتاخرين
تره بعد نص ساعه عنده اجتماع واني طحت بعينه
حتى يشوفج ...
كتله ..لاتخاف هنه كلمتين احجيهن واطلع ..بس مشيه عليك الحسين هاي الابنيه امانه يمك لحد ما اطب واطلع
لان معوقه خرسه وما تعرف شي ...
كلي روحي وبعيني احطها ....اخذني ولد ثاني ورحت
عليه وصلت لباب غرفته حسيت كلبي يدك
بسرعه وكانه رايحه للاعدام شريط حياتي كله
مر كدامي ضعفي حقارتي طغياني جنوني حماقاتي استهتاري
كولشي صار كدام ...
دخلت سلمت عليه كلي استريحي اختي ...
بقيت واكفه رفع راسه وكلي اكعدي ليش واكفه
كتله ...ماعرفتني مقداد ...
...انتبه عليه وكال انتي منو ومنين تعرفين اسمي
....هاااا هجي نسيتني ولاجنك كاعد وماكل وشارب وياي
ولا كانه نمنا سوه ...
....وكف على طوله وصاح ولج ازهار اتقرب عليه وضربني على وجهي ...
راد يضربني مره ثانيه لزمت ايده كتله شحدك تعيدها
...وين جنتي وليش شردتي ولج ما ادري بيج من ذني الريحتهن طفحت ..
....انجب ياطايح الحظ ...ولك هم الك عين وتحجي ولك عفتني ورحت دريت شصار عرفت شنو الجره بيه
لو سمعت بس بسالفة شردتي ...
...ما اعرف ولا اريد اعرف وطلعي منا لان ريحتج فاحت ..
...ليش مقداد مو حلوه ريحة الكحاب ..لو كحاب الخارج
ريحتهن احسن ..ليلان حكمت
...نصي صوتج ولا كلمه زايده اسمع ...
....ههههه حقك ماتقبل اذكرهن لان اخذت منهن وحده وشرفتها وصارت ام فلان ...
...لجيبين طاري اهلي افتهمتي اكص السانج وانطيجياه بايدج...
.....واني مو اهلك لو كش وبره ولك اني ازهار ياما وياما
تحملت امك الرعنه وتحملت جبن ابوك ...
....بس لتكملين اني ما قصرت وياج جنتي ادري انتي بت حرام وما تخليت عنج سويتلج كيان واسم ...
...صح ما انكر بس جان ع الاقل كملت جميلك وطلكتني
ما خليتني اتسودن من وراك ...
....ظروفي اختلفت .....وهروبي مو سهل ولا عبالج اني مرتاح
جنت شبعت قهر وضيم ..
....ومن جنت ادز رسائل لامك بالسر ويه المهربين وامك تضمهن حتى عن ابوك خاف يكلي ....
....شمدريج بهذا الحجي ...
.....ولك انت وين نايم بيا طهاره ..الي يسال ما يتوهوه
وخاف قبل الخبر بفلوس هسه الخبر بلاش ...
...والمطلوب هسه شنو مني ...حتى تصمين حلكج ..
...ولك انت نكس وما تطهر بس خلي اكلك بحجايه ميته عدله اتفل عليه اذا ما صارت شسويت بيه يطلع بناتك
صح اني لعبت بالدنيا وعصيت بس تبت ونيتي صافيه
وكلبي رحيم وثق حليبي طاهر ما شربت حليب خنازير
مقداد اني هم الي حوبه يم رب العالمين وتطلع حوبتي بيك
الله عزيز ذو انتقام ...
جان يصرخ بصوت عالي اني اعلمج ياساقطه يادايحه
والله الا اقتلج وادفنج ومحد يدري بيج ..
ركضت هو نزل وراي يصيح الزموها ...ما انكر خفت لحد الموت ..
بس الله بذيج الساعه انطاني حيل وقوه اركض واخذ بتول
وارجع للبيت مرعوبه وخايفه لا مقداد يقتلني ويخلص مني
ماخفت على روحي بكد ما خفت على بتول ...
للعصر طلعت للباب قلقه الوج شلون بيه ياربي خاف يعرف عنواني لو دز وراي جماعه ...ليلان حكمت
دخلت للبيت واخذت بتول لبيت ام حميد حتى نبات بي ونبقى كم شهر لحد ما استلم المنحه الثانيه وافلت بيهن لغير محافظه ...
بقيت بيت ام حميد تلث شهور اطلع متخفيه جنت اشوف وجوه بالمنطقه ما اعرفها ارجع ركض للبيت واقفل الابواب
خايفه يقتلوني ....
استمر خوفي لحد الوهواس والمرض قررت اطلع من البيت
وارجع للموصل لبيت ام زهرون هناك محد يعرفني ولا واحد شايفني ..
بقيت احسب الساعات لاستلام الفلوس كملت معاملة العرصه
واستلمت الفلوس خليتهن بعلاكه وتوكلت على الله
اجرت سايق للموصل بس جنت خايفه من الارهابيين بالطريق يلزمونه هم ياخذون فلوسنه وعمرنه ...
ياربي استرنا بسترك ...
الطريق كله ادعي واقره قران وصلنا ع السيطره جانت ازدحام والجيش يفتش ...قبلنا عشرين سياره اقل اكثر ما ادري ...جان نسمع صوت انفجار هم زين جنت فاتحه جامة السياره جان تكسرت الجامه من الصدمه الهوائيه
الي ضربتنا ما فهمت شي غير بس كلمة السايق ياربي دخيلك
لحظات كولشي شفت بيها ناس طايره وناس محتركه ورجلين وايدين ماتنعرف المن ...
صحت بالسايق خويه مروتك وصلني ماعندي كلب اشوف
هالمصيبه ....
الى الجزء الثاني والعشرون انتظرونا ....ليلان حكمت ...
