طريقي نحو النار

البارت السادس

طريقي نحو النار ....

البارت السادس ....

ليلان حكمت ...

من سمعت مرت تحجي هيج وكعت بالكاع فاقده
ما ادري بروحي ولا ادري بالدنيا شبيها ما بيها
من رجعتلي واعيتي كمت مثل المفزوعه
طلعت من غرفتي ورحت على بيت عمي

امي من شافتني اركض طلعت وراي
اني دفعت الباب واخذت سجينه بايدي من مطبخهم
ودخلت عليها لغرفتها ....
دخلت وراي رجاء وسعاد ...هجمت على مرت عمي
من شافتني كامت تصيح
نمت عليها وحطيت السجينه بركبتها صرت مو اني
ازهار الحمل الوديع الي كلها تعرفه

صرت شخص ثاني منكوب مدمر ميشوف الصح
من الغلط ..
خليت السجينه بركبتها امي دخلت علينه رادت
توخرني ما كدرت صاحن على محمد يجي يوخرني

حاول كلما يجرني اضغط عليها اكثر بالسجينه واصيح
بيها احجي ولج لا اموتج اليوم امي جرت السجينه
مني انذبحت ايدها ..صاحت اني اسولفلج بس
استهدي بالرحمن ووخري عن المره

صيحت عليها لاااا هي تحجي امي حلفت بروح
مقداد كلتلها مقداد عايش ما ميت ...
صاحت وداعة مقداد احجيلج ...محمد راح على امير اخويه
كله تعال الحك ازهار مانعرف شبيها ...

لزموني اثنينهم رفعوني اخذوني على بيتنا ...
واني اصيح امير خله ايده على حلكي واني اصرخ اقوى
دخلوني للبيت ...امي صاحت على سعودي روح جيب
مي ...
تعبت من الصياح والصراخ امي غسلت وجهي
وشربتني مي وكالت ...اكعدي خلي اسولفلج قصتج
حتى ترتاحين واحنه هم نرتاح .....

اهل ابوج كانوا ساكنين بالارياف جانت يمهم وحده
غجريه تغني وتركص ويوميه تروح ويه واحد وترجع
ويه واحد ياخذها فلان ويرجعها فلان اسمها حمريه

حلوه طول وجسم وصوت من تغني كلهن تسكت بس
تريد تسمعها ...وتباوع على شكلها وجمالها ...
فجأه حمريه بطلت تغني وكعدت بيتها وسكتت وكام يجيها
واحد مهندم معدل سيارته وقاطه وعطره
مبين عليه ابن ذوات وابن حموله ...
اني جنت متزوجه ابوج ...وبعدني ممخلفه منه
ليش ما يوم من الايام لاكيتها بالشارع سلمت عليه
وكانت حامل ...

تباركتلها بس نسوان المنطقه كلها تكرهه لان خايفات تاخذ
رجولتهن منهن ...مريت الايام والرجال المهندم بعد مايجيها
بقت وحدها اجتي على عمتي حتى تفحصها لان قربت
ولادتها ...
عمتي سالتها وين ابو بيتج شو ما نشوفه ...كالت صار شهر
من سافر واحتمال(ليلان حكمت ) يتاخر بس شكلها ما جان طبيعي
بعد اقل العشر تيام اجتي علينا تطلك
وتصيح مروتكم يااهل المروه ...عمتي واني طببناها وعمي الله يرحمه صاح ولدنها الجن ثواب بيها خطيه ...

عمتي ما قصرت وياها بقينا للفجر ويه فتحت الورد اجيتي انتي للدنيا خطيه جانت حيل فرحانه بيج وكالت بس
يجي ابوها ويشوفها راح يفرح بيها ...