طريقي نحو النار ...
البارت الثاني عشر ...
ليلان حكمت ....
صرت يوميه اروح لنفس المكان ادور على صلاح
وماكو خبر منه ولا شفته فكرت اسئل عنه
صاحب المطعم ...
سألته كلي اجه يومين لهنا وبعدها التحق لان عنده انذار
واحتمال يتاخر بالنزول ...
ارتاحييت من سمعت هالاخبار ...
وكلت كل يومين تلاثه اجرجر الحجي بالكلام واعرف
منه اخبار صلاح ...
ايامي ويه عبد الرحمن صارت ممله كئيبه خصوصا
من تعلقت بصلاح ...
صرت جثه بين ايدين الحجي بس هو ممنتبه وكل مره
اسئله عن ابنه يكولي مانزل بس يدز برقيات
يطمنه بيها ..
طلب مني الحجي اروح وياه لديالى عنده مزرعه هناك
وبيها بيت عازم مجموعه من الملاكين يريد يستحوذ
على اراضيهم ويطلعهم فاشوش ...
وطبعا بمساعدتي...ليلان حكمت ...شرطت عليه مقابل اروح واخلصله الشغل يشتريلي سياره وينطيني عشر تالاف دينار عراقي
وطبعا سنة ٨٥ يعتبر هالمبلغ ثروه بالنسبه الي
الحجي وافق اشترالي سوبر حمره اخر موديل وانطاني
الفلوس وحددنا يوم السفر لديالى ..
جهزت ملابسي وملابس جنه بجنطه وملابس الشغل
لان الحجي كلي اريدج تطلعين بنتيجه وياهم
وطبعا همه مو سهلين واكيد ماره عليهم نسوان اشكال
والوان ...
اشتريت ملابس مثيره وعطور ماركه من الكراده
واشتريت مكياج وصبغت شعري ..
اخذتني سياره اني والحجي وبنتي لحد المزرعه
تلكتنا مره عجوز جانت عايشه بالمزرعه صاحلها
الحجي ميريه ...خلي تحرير تاخذ الطفل يمكم بالبيت
وانتي من تخلصين طبخ وتنظيف هم روحي ...
لليل البيت فرغ تقريبا وبقينا بس اني والحجي
اجو جماعته كان من ضمنهم واحد جبير بالدوله
دخلوا حضرتلهم المشروب والعشى ...تعشوا وكملوا
وصاروا مثل االطليان واني صرت اتنقل بيناتهم اضحك
لهذا واغمز لذاك وابوس هذا ...
اشرلي عبد الرحمن بمعنى اخذيهم للغرفه ..
اخذتهم تلاثتهم للغرفه جريتهم وطبعا تلاثه على وحده
حرام لازم اتصرف واخلص نفسي باقل الاضرار
واقل مجهود .....
بديت ادوخهم بالركص والضحك والشقى واحد تمكنت منه
واثنين ما كدرتلهم ...صرت بين ايديهم حوالي ساعه كامله
من واحد لواحد لحد ما تاذيت وصلت للثالث ردت اطلع
جرني للجربايه وصار فوكاي وصفن بوجهي وبده يسالني
عن حياتي ...
باوعتله وفريت حلكي يمنه ويسره وكتله ياحظي انت
جاي تتونس لو تعرف قصة حياتي فضها وخلصني ...
كملت الليله بس اني تعبانه حيل وهلكانه
بعد ما راحوا ذبيت روحي مثل الميته
كعدت الظهر الحجي صاحني رحت عليه
كلي عفيه عليج طلعتي سباعيه ....
استمرت الكعدات والسهرات والونسه ووصلت ست مرات
ب ليله وحده
مليت الشغل ويه الحجي وبديت اتعارك وياه على
اتفه الاسباب ..
لحد ما مل مني وتعاركت وياه لزمني ضربني
اني هم ضربته بالنعال وتفلت عليه ...
طردني من الشقه اخذت ملابسي
وملابس بنتي وفلوسي وعفت الشقه وطلعت ...
