طريقي نحو النار ...
ليلان حكمت ...
البارت الرابع ......
بيوم الحنه كنت ممرتاحه وحتى ما اشتهي الاكل ما اعرف
شبيه امي جانت مخبوصه وبيت عمي هم مخبوصين
بين التحضيرات وبين تعزم ...
من اكوم اشتغل ويه امي متقبل ادكول انتي كملي نفسج
اني اكمل الشغل ...اجتي علينا بت عمي سعاد ...
حتى تساعدنا بالتحضيرات وعمتي وراها بنص
ساعه اجت بس شكلها مغثوث
عبالك متعاركه
..
سعاد من شافت عمتي كاعده بوحدها بالصاله
راحت عليها واخذتلها عصير وكليجه ..
باثناء ما رادت تطلع عمتي صاحتلها
كلتلها تعالي اريدج بسالفه ....سعاد كعدت يمها بس قبل
متكعد سدت عليهن الباب ...
صار عندي فضول اسمعهن شيسولفن وليش سدن الباب
وكفت وره الباب وتصنتت عليهن ...
امي شافتني صاحت يااا ولج شجاي تسوين عيب
تصنتين عليهن ....
جرتني وكالت روحي لغرفتج جهزي نفسج ساعة
زمان وتجي النسوان وانتي لسه لا سبحتي ولا لبستي
ولا مكياج ....يلا فوتي كدامي ...
صعدت لغرفتي وبعدها دخلت للحمام من طلعت رحت
للمطبخ اشوف امي شسوت ما سوت ....
ما لكيتها افتريت للغرفه ماكو امي ...وين راحت ردت اطلع
للطرمه اشوفها صارت طلعتي من الباب الي جوه الدرج
افتريت على شباك الاستقبال درت وجهي شفت امي
وعمتي وسعاد كاعدات وبيناتهن
حسبه هامات يسولفن بيها ...
اقتربت من الشباك من غير ما يدرن سمعت عمتي ادكول لامي ...
والله خوش لفلفتي نسيب البتج ...شهاده وجمال واهل
امي جاوبتها كلتلها وشبيها بتي هم اهل وجمال ومربايه احسن تربيه بس قسمتها ما خلتها تكمل مدرسه ...
عمتي كلتلها خلينا ساكتين ام رضا تره تعرفين بتج
شنو ما شنو واني وام مقداد ما راضين بهالعرس
بس شنسوي لمقداد عاشك وملطوم على عينه ....
ليلان حكمت
امي ردتها ...والله ياخيه محد لطم على عينه وهو عرف
وضع بت حسب كلام ابو رضا مسولفله السالفه
بعد ليش ادكين ع الوتر الحساس اذا القاضي راضي ...
بس باجر اذا خلف منها ..امي طفرت عليها وكالتلها
الحجي مال باجر خلي الوكته مو هسه تعتين بي
كولشي بساعته حلو ....عيوني اشربي عصير وبردي
نارج ....
عفتهن وصعدت الغرفتي كعدت ع الجربايه اسولف ويه
وساعه اباوع الروحي بالمرايه اكول شبيه اني
شنو سالفتي وشنو دك البسامير هذا من عمتي ...
والسالفه الي تخصني شنو ومقداد يعرفها وراضي بيها
لازم اكو ان بالموضوع ولازم اعرفها ....
اخذت المشط حتى امشط شعري امي فتحت الباب
ودخلت صبيحه الحافوفه ...
سلمت عليه وشاقتني بس اني جنت بس ابتسم لان
عقلي يفكر بغير شي ...
كملت وجهي وخلتلي مكياج ولبستني نفنوف نفش
امي خيطته ولبستني الذهب ..ونزلتني للصاله
وكعدوني على كرسي او سكملي مثل ما نسمي احنه قبل
