طريقي نحو النار ...
البارت التاسع ....
ليلان حكمت ....
اصبح طريقي غير طريق
وعالمي غير عالم .............عالم الانحراف والضياع
والانجرار وره اهواء النفس ...الاماره بالسوء
لكن يانفس ..النفس الي رمتني في التهلكه ..
تماديت بجنوني وبهوسي بمقداد وكفاح صار يتحكم
بيه واني فاقده اتخيله مقداد اطورت علاقتي بي
وصرنا نلتقي بيته ومرات ابات عنده للصبح
ومن تسألني ام زهرون اكللها ملتهيه بالشغل علينا لود هواي
لكن الحقيقه مره وامر من المر صرت البي طلبات كفاح
نوم ورذيله ...
من جان ياخذني لبيته جان ينطيني جكاره اشرب شويه
منها ميخليني اكملها جنت اروح بغير عالم ..
اطير بافكاري وبهوى نفسي الحقيره وكفاح طبعا جان
ياخذ الي يريده بكل بساطه ...
ومرات ينطيني كلاص عصير ما اعرفه مال شنو مر حنظل
اشربه يجرح البلعوم زهر قاتل بالبدايه جنت اتقيأ من اشربه
لكن بعدها تعلمت عليه وصرت مدمنه ...
يوميه نخلص شغل ونروح لبيت كفاح ومن نخلص ياخذني
بسيارته يوصلني لبيت ام زهرون ...
اذكر مره نمنا سوه وسبحنا جنت سكرانه الح عليه
يرجعني للبيت اني رفضت وردت انام يمه بالبيت
هو رفض وكلي لا ترجعين هسه صار عندي شغل
ولازم اطلع ...
اخذني بالسياره ورجعت على بيت ام زهرون كانت الساعه
اربعه الفجر ...
دخلت لغرفتي ونمت والصبح لكيت ام زهرون كاعده
ومخليه ايدها على خدها ...
سألتها شبيج خاله ...
كالت اني صافنه بيج واكول هالمسكينه وين بعد توصل ووين
راح تودي روحها ...
كلتلها خاله لتخافين مقداد مريحني واني سعيده وياه
كالت خاله انتي مريضه ومتدرين شجاي تسوين
هاي انتي دمرتي نفسج عوفي لهذا مقداد وارجعي لعقلج
هذا مدمن سكير وجاي يستغلج مره تونسه بلاش افتهمي
لا خاله لا هو يحبني واني مرتاحه وياه
ولج وشنو تاليت هالطريق ....
ضحكت وكلتلها الحب خاله ...(انعل ابو الحب )
استمريت ويه كفاح عايش العشق الحرام الزائف
وام زهرون مستمره تحاجيني عوفي اتركي
اخذ فتره ميجي ومرات مياخذني للبيت
شكيت بامره ...
رحت عليه للبيت لكيته نايمه سالته ...
=حبيبي انت صاير متحبني ..
=شلون ما احبج ...
=مو مثل قبل لاتاخذني وياك ولا تنام وياي ولا ادللني متغير عليه ..اني مو حبيبتك ازهار ...
=انتي حبيبتي بس صايره متسمعين الكلام وعنيده ..
=اني انت لو تطلب روحي اخليها بايديك ...
=زين لعد اذا اكلفج بشغله تسويها وبيها مصلحه الي اني
وياج تخبل ...ليلان حكمت ....
=اوووف بس هاي اطلب الي تريده ...
=كلي اكو تاجر بس شلون تاجر ملياردير شبعان
يريد وحده مثل مواصفاتج تريحه وتونسه وهو ميقصر وياها
وشينطيج فلوس اني وياج بالنص ...
=يعني شنو تريحه حبيبي ؟؟
=لزم خدود وصار يبوس بشفايفي ويكول يعني تسويله
مثل ما تسويلي تنامين وياه فهمتي ...
=لالالالالا اني ما اخونك حياتي ..
=ولج هبله مو خيانه هاي ونسه مشروعه اني دازج بيها
وراح تنقذينا بالفلوس هسه شيصير اذا فتحتي رجليج اله
ما راح تنقصين بالعكس راح تحملين ذهب والماز ...
