حلو ڨاراج كبير على حسب الصوت و رماونا فيه .. قفلوه و خرجوا .. باقية نحاول نفك يديا .. صوتو مكانش خلاص
ريان؛ م مناار صافا ؟! منااااار
شي نسمع غير فيه يتنفس بالقاوي .. الرصاصة!!
باقية نحاول نفك يدي .. تجرجت بكلها .. لين تفكت .. نحيت الغطا على عيني .. و تلفت غزرتلوا ..عرقان .. شوميز كلها بالدم .. جريت عندو نحيت عليه الكمامة اللي فعينو .. و باقية نخبط فيه كفوف خفاف ..
ريان؛ م م منار .. منار تسمع فيااا ..
فكيتلوا يديه ..و حليتلوا الشوميز ..
ريان؛ جرحوا ڨرااااڤ!!
بدا يفيق شوي ..
ريان؛ منار صافا ؟؟ جاوب ؟؟
شاف فيا .. و خرجت منو آه تاع وجيعة..
منار؛ ك كشما قاسك واحد منهم ؟
غزرتلوا باستغراب .. فالوضع اللي هو فيه ..يخمم هكا ؟..
باقي يتحامل على روحو حتى تقعد ..خزر للجرح ..
منار؛ رصاصة جانبية بصح توجع عاللخر ..
ريان؛ لازم تتحمل
منار؛ دوك نخرجوا
ريان؛ كيفاش ؟
عدا عينيه على البلاصة .. و شاف معايا ..
منار؛ سامحيني
غزرتلوا
منار؛ دخلتك معايا في مشكل .. مي طمني تخرجي سالمة .. **** ما يقيس شعرة منك ..
تحل الباب .. قمنا في زوج .. دخل السخطة تاع صهيب ..
منار؛ وينو سيدك
صهيب؛ هدرتك معايا ..
منار؛ منتعاملش مع العبيد
ڨحرلوا بغش و جبد السلاح .. نزلوا واحد واقف قدامو بكل برود ..
صهيب؛ خلي السيد يمدلي الأوكي و دوك نعتلوا العبيد *******
كنان؛ منار نورمالموا تعرف علاه جابوك هنا
حك لحيتوا .. و خزر فيه
منار؛ ههه نتا حددلي درت حوايج بزاف
كنان؛صفقة الزطلة اللي فسدتها علينا .. و تعرف اللي 300 مليار فاللعب
منار؛ آآ ... ههه و سيدك جابني هنا بش يقتلني و تخلص؟
كنان؛ هو سؤال واحد كيفاش تعوض ..
تلفت شاف معايا .. و خزر فيه ..
منار؛ نمدلوا صفقة تجيب دوبل .. مي لازم ندي فوائد منها
سكت شوي هذاك .. و مبعد جاوب
كنان؛ ماكش في وضع يسمحلك بش تحوس عالفوائد
تلفت منار غزر للشوكة .. تلفت على تلفيتوا .. كاميرات ! ..
منار؛ خبر سيدك أنو مام هو مهوش في وضع يسمح .. اسموا تضرب فالسوق .. داني خلاه يخسر كلش .. أنا الوحيد اللي نقدر نردوا ..
زاد سكت .. يستنا فإجابتوا بالكيت بلوتوث ..
كنان؛ هو موافق مي لازم ضمانات .. الطفلة اللي معاك تبقا هنا حتى تكمل الصفقة
عينيا تحلوا .. تلفت غزرت لمنار .. شاف معايا .. و غزرلوا ..
منار؛ ****** بيا.. من وكتاه ندخلوت النسا فخدمتنا .. حاب الضمانة .. الضمانة انك تمدلي التيليفون .. نعيط لمارسيليو يحول الصفقة ليك ..
شوي و قدم مدلوا تيليفون .. عيط باقي يحكي بالطليانية .. كوپا .. جا دا تيليفون من عندوا.. شوي و جا واحد آخر .. قدم عند منار.. مدلوا مفاتح كرهبة ..
-تنجم تروح .. و يقولك السيد .. انشالله منزيدوش نتلاقاو ..الفوائد تديها من عند مارسيليو
حكم عليه المفاتح ..و تبسم على جنب..تلفت عندي حكم يدي .. و جبدني .. كي وصل قدام صهيب اذاكا .. وقف قدامو ..
منار؛ تعبت روحك في باطل ...
تعدا و خلاه يغلي .. خرجنا ..بلاصة خالية خلاص .. ريف .. شغل المفاتح .. عرف واش من طاكسي ..
منار؛ ليه ليه .. لازم نبعدوا منا ..
ريان؛ هات نسوق .. شوف حالتك
منار؛ لالا متعرفيش هاد البلاصة ..حل الباب .. ركب و ركبت أنا .. خدم الطاكسي .. و ديمارا يرحي فالطريق .. فيتاس مش نورمال..
ريان؛ بلعقل !!!
منار؛ راكي فمنطقة البارونات .. و نتي كوجه غير معروف ..تمثلي تهديد .. و هدف للقناصين ..
ريان؛ كيفاااش ؟؟ مي كاين غير الحقول و الشجر ..
منار؛ نتي تشوفي هكا ..
سكت باقية .. نغزر للطريق .. نحفظ التفاصيل .. متوقعتش ندخل فتخلويض كبير كيما هكا .. الشي اللي نعرفوا على عالمهم .. ظهر والو .. اللي حيرني أكثر موقف منار .. كان ينجم يخلي صهيب فالدار .. كيما كان يقدر يخليني بسهولة بين يديهم .. تلفت غزرتلوا باين بلي متوجع .. لحظات و دخلنا للطريق السريع .. شوي و حبس على جنب ..
منار؛ سوقي
نزل بالسيف يرمي فالخطوة .. قريب طاح سندتوا
ريان؛ جرحك لازم ايرجونس
خزر فيا ندرا كيف ..
منار؛ لازم. ن نروحو لداري
ريان؛ أوكي .. اركب سع
ركب زدت ركبت أنا .. خبرني العنوان باقية نسوق .. لين وصلنا .. هز راسو للحراس .. دار لقطة بيدوا حلو الباب .. باقية نغزر دارو تفتق .. حبست .. قدموا رجالو حلو الباب .. نزل ..
-مسيو مناااار صافا !!
منار؛ خبر سامي يجيني ..
سندو واحد منهم ولاخر راح يجري .. دخلوا للصالة .. دخلت وراهم شوي و جا واحد يجري .. هو و تاع قبيل .. هازين عدة .. تسما سامي هذا طبيب
.. قدم عندوا ..
سامي؛ سدرك ولا خريطة منار ..
منجمش يجاوب عليه .. بدا يحل فالجرح .. منجمتش نتحمل المنظر .. فقد الوعي خلاص. . تعدا وقت.. غزرتلوا كي بدا يلم فالعدة .. قطب للجرح.. و حكا مع واحد من هادوك ...
سامي؛ دوك نجيبلوا الدوا.. لازم يرتاح و ابعثلي الطباخ.. نمدلوا النظام الغذائي بش يرجع الدم اللي فقدوا....
غطاه و خرجوا .. غزرتلهم مستغربة .. مسقساونيش مامپا شكون أنا ولا .. تلفت غزرتلوا .. النهار بدا يطلع ..حطيت راسي للتالي.. منعرش كيفاه غفيت ..
#لأنها_لي
#العميلة306
#أخوان_في_عشق_إمرأة_واحدة
#يسرى_أمجوج
أنت تقرأ
العميلة 306 (باللهجة جزائرية )
Actionالعودة بكرونيك جديدة 💥 ستيل مافيا تعرفوني مع الأكشن 🤷🏻😂.. المهم باش نخليكم تدمنوها 😎.. و من دوك أصحاب القلوب الضعيفة متقراوش .. اختصارا قسحوا قلبكم باش تنجموا تعيشوا أحداثي 💥.. الاحداث تبدا تبانلكم بالشوي .. نحب ماكس تفاعل .. الكل تكونوا حاض...
