العميلة 306 (باللهجة جزائرية )

الحلقة 8 بارت 2

.ريان؛ ياااا نقص بوليييسي ..
منار؛ ههه
زاد فالفيتاس .. خلاني نحكم فالكرسي .. مدارش مامپا عالتصفيرة تاع البوليسي .. وقفوه فالباراج الدوزيام .. قدم عندو.. طل من الطاقة
البوليسي؛ مسيو عندك مخالفة تجاوز السرعة المطلوبة ..نورمالمو قريت لي پلاك مكتوبين 80 مش 160 .. دووبل
منار؛ مركي المخالفة باسم منار الهاشمي
شهق البوليسي هاداك ..
البوليسي؛ م م مسيو منار .. س سامحني .. معرفناش بلي بدلت الطاكسي
منار؛ ديجا ضيعتلي درج من وقتي .. تسقاملكم دووووبل ..
ديمارا خلاه واقف .. يرجف .. تلفت غزرتلوا .. كل يوم نتأكد بلي ماهمش ساهلين .. و كلشي يمشي كيما يحبوا هوما .. تكيت راسي للتالي و غمضت عينيا .. حبس الطاكسي فيسع .. خلاني نقدم للقدام و نرجع .. تلفت غزرتلوا ..  و غزرت للبرا .. محسيتش للطريق ليه ليه وصلنا .. نزل .. البنات كامل يشوفو معاه ..تي مخلوعات تاع نفخي هادو .. كون تعرفوه صح .. وحدة ما تخمم تشوفو ..نزلت .. رميت عيني للورا .. زوز طاكسيات ورانا .. فيمي
.. باين الحماية تاعو .. دخلنا للسونطخ كومرسيال .. يرحبوا و يعاودو بيه ..وصلنا للبوتيكات تاع النسا ...
ريان؛ أوكي دوك نخير ..
منار؛ ممم هيا
ريان؛ راح تدخل نتا؟؟
منار؛ اممم حاب نجرب .. خطرة خلاف ندير سورپريز لمرتي
دخل باقيين النسا يتهامسوا عليه .. المحل غير للقش تاع ناس الدراهم .. مركزتش مع التصاميم قد ما ركزت مع الأسعار .. تقول مخدومين بالياقوت ..
- مرحبا بيك تفضل مسيو منار كيفاش ننجم نعاونك
منار؛ نحب مودالات جدد مكانش كيفهم .. و متلبسهمش أي وحدة .. خزر للنسا اللي يغزرولوا.. و يتهامسوا
-تفضل معايا للجناح الخاص
باقية نمشي ساكتة.. عالمهم بالفعل مختلف .. حوايج كيف هكا .. كنت نحسهم يصراو غير لسندريلا .. حكايات الميتم .. جامي توقعت نلبس حوايج ..هكا ولا نكون طرف من معيشتهم .. و جامي حلمت من أصلوا .. أحلامي كانت قد واقعي .. منبعدش .. كانت أحلامي تتجسد فأني نلقا خدمة مليحة .. نكري دار و نعيش فيها .. واحد ما يقولي طفي الضو .. واحد ما يقولي خلصت حصة الماكلة تاعك ..
فقت من سرحتي .. كي حط يدو على وجهي .. مسح الدمعة اللي هربت مني .. يغزرلي بحنانة مش نورمال.. للحظة .. رجعت للواقع .. اللي أنا هنا .. حسيت روحي تخنقت ..
ريان؛ ن نحب نروح نغسل وجهي دوك نجي ..
مشيت بلا ما يجاوبني .. لين وصلت للفيستياغ .. حليت العين ..باقية نرمي على وجهي الما .. نغسل فالدموع .. اللقطة هاذي نعاودها كل مرة نبكي فيها .. في وقت مش لازم نبكي .. تلفت على صياح النسا
-آي اك غالط حمام النساء
-مقريتش نتا
منار؛ بلعي و اخرجي .. محسوب منعرف واش عندكم تخبيوه .. طرف ثقبة
خرجوا يتعايطوا .. رمشت بزربة
ريان؛ منار تاع الرجال من الباب اللي منهيه ..
قدم عندي .. عنقني .. بقيت جامدة من ردة فعلوا ..باقي يعدي فيديه على شعري .. شمعناها هاذي ؟؟ .. شنفهم ؟؟ .. جيت نجبد روحي كبس عليا ..
منار؛ خليك شوي برك
ركحت .. ما خممت في والو ..نشم فريحتوا .. شوي و جبد روحو ..حط يديه على خدودي .. يمسح في وجهي .. تحل الباب .. دخلت المرا تاع قبيل .. مع زوز تاع الأمن
-هاهم اللي قتلك .. داخل هنا بش يتمعشق
جيت نحكي حط صبعو على شفتي .. و كمل يمسحلي في وجهي بيديه ..
الأمن؛ آي نتا يا سيد ممنوع التصرفات هاذي
منار؛ مرتي .. ماعندو ما دخلك
الأمن؛ مرتك روح للدار مش حمام النسا ..
غزرلي فعينيا ..
منار؛ صافا دوكا ؟
ريان؛ امم صافا .. هيا نخرجوا عييب
تلفت ليهم.. مع شافوه.. تقول شافو جن .. وجوهم زراقو ..
الأمن؛ مس يو م ن ا ر !!
منار؛ لا خيالو .. وش كنت تقول ؟؟
الأمن؛ س سامحنا مسيو منعرفوش بلي هذا نتا
منار؛ جيتو فنهار شباب مش حاب نفسد مزاجي .. اديو عليا الشوليقة اللي معاكم خيرلها
الأمن؛ تفضلي معانا مدااام
-صح !! شكونو هذا .. حتى راكم هكا..
الأمن؛ مول السونتر كومرسيال .. هو المدييير
عينيها تحلوا .. و تلفتت خزرتلوا .. مشاو بكلهم .. مشا خارج .. باقية نغزرلوا .. زعما واش هاد السلطة اللامتناهية ..
منار؛ هياااا
تبعتوا رجعنا للبوتيك خيرت روب .. سعرها شوي نازل .. منحبش يقول مخلوعة .. جاية نوار سامپل و فيها فونت عالجناب .. باقي متكي عالحيط .. حاط يدو فجيبو يغزرلي ..
-بصحتك مدام
جا عندي
منار؛ هيا
ريان؛ و الساشي ؟
منار؛ عمبالهم وين يبعثوها
خرجنا نتجولوا بين البوتيكات
ريان؛ صح هاد السونتر تاعك ؟
منار؛ ممم مزال السوندال .. ارواحي تشو 
دخل للبوتيك .. زدت خيرت و خرجنا .. خزرت للساعة ال 16 ..
ركبنا ..باقي يسوق .. لين ركا قدام ريستورون مضخمة .. نزلت .. و نزل .. قدم عندي .. و دخلنا ..
قعدنا فتابل طل عالبحر .. باقية نغزر للبحر .. عالأغلب حياتي كيفو.. ملخبطة .. كل موجة تعني ضربة جديدة .. شمزال .. كثرمن لي راح .. 28 سنة ..
منار؛ ال menu
رميت يدي هزيتوا.. نقرا واش عندهم ..عاودت حطيتوا
ريان؛  منيش جيعانة ..
منار؛ معجبكش وش عندهم ؟
ريان؛ اممم
هز يدو للنادل
منار؛ جيب ماكلتي الخاصة
مركزتش برشا مبين .. معروف هنا تاني .. شوي و ضربت ريحة بنينة فخشمي تلفت .. خزرت للتابل .. شاورما .. و أكلات تركية .. ريحتهم تسخف ..
منار؛ نتي محبيتيش تخيري .. كولي على ذوقي ..
ريان؛ ممم أوكي نصبر روحي و خلاص
منار؛ هه
بدينا ناكلوا .. السخطة عندو ذوق فالماكلة .. كملنا سلك الفاتورة .. و خرجنا .. صونا تيليفونو .. آپال فيديو .. تبسم
منار؛ ال****
ركا الطاكسي قدام الدار بعد .. قابل التيليفون و هز .. عينيااا تحلووووا .. وقت ريت فوطوه عال écran .. إيااااد !!!! ....
#يسرى_أمجوج
#العميلة306