العميلة 306 (باللهجة جزائرية )

الحلقة 26

الحلقة 26 :
حليت عينيا على لمسة يدو على خدودي.. تململت .  و عاودت حشيت راسي فرقبتو .. ضحك
إياد؛ يهديك ربي يا طفلة وصلنا .. نوضي
ريان؛ هأه .. تاعبة
إياد؛ هيا حبيبي... نوصلوا للدار ..ديري سبات
جبدت راسها شوي ..
ريان؛ كانت حلمة تهبل.. كنا أنا و نتا فبلاصة مليانة ورد .. سع فيقتني
إياد؛  نكملوا حلمك فالواقع نوعدك
ريان؛ دير صبعك الصغير
إياد؛ كيفاه ؟؟
ريان؛ شبك صبعك فصبعي
إياد؛ الله يقدرني على الصغيرة اللي عندي هههه... هاه اسيدي ..
تبسمتلي تبسيمة تقتل ... نوضتها و خرجنا .......
~~~~~~~~ الحاضر~~~~~~
باقي يجبد فيا .. لين وصلنا للبيت هاذيك اللي منعتني الخدامة ندخلها هاذاك النهار .. دخل يدو الثانية في جيبو .. جبد مفتاح حل الباب ..و جبدني .. شعل للضو .. عديت عينيا عالبيت كامل .. لي مينوت سكاكن سيوف .. سلاسل فالحيط .. سرير فوقو سلاسل ... قفص تاع حديد .. فلت يدي .. تلفت غزرتلوا .. منحبش اللي فراسي يكون صح ..
ريان؛ واش هاذوا  تقوليش تورناو fifty shades عنا ؟
غزرلي ندرا كيف
منار؛ ايه أنا هو grey
ريان؛ نحكي من صحي منار .. شمعناها وش راني نشوف!!
منار؛ اللي فراسك او هو بعد
ريان؛ ت تقصد اللي نتا
منار ؛ كملي نورمال .. عرفتي كلش عليا.. مزالت هاذي برك
ريان؛ كيفاه نتا سادي !!!!!!
.....................................
كيارا؛ إياد منعرفش زيادة عليك .. ريان صاي معادتش موجودة .. بركا ما تمني في روحك .. عمبالك تجي غير فيك..
غزرلي ندرا كيف و وقف
إياد؛ وصليلها بلي نحبها .. و مدامني نحبها نقلب 148 بلاد و نجبدها.. ريان تاعي من بكري ..
خرج و طربق الباب وراه .. زربت هزيت تيليفون نطلب فنومروها والو .. باينة كي العادة بدلتوا .. عندي 6 اشهر محكيتش معاها.. تأففت .. أنا اللي نعرف إياد مدام .. شك ميطولش و يفيق ..
......................................
نزلت من الطيارة .. الكل يغزرولها .. صوت طالون يطرطق .. وراها زوج مساعدين واحد و وحدة هازتلها الصاك .. تعدا هز الفاليز تاعها .. خرجت .. حبست الپورش قدامها هزت المفاتح من عند الشوفور .. و ركبت .. و وراها طاكسي تاع الخدم تاعها .. حلت الكارو .. ضرب الهوا في وجهها ... تبسمت على جنب ..
نور؛ الجزاير  شكون قال نرجع هه
...............................
منار؛ اممم سادي وصلت لمرحلة أني كل يوم مع وحدة ..
ريان ؛ كنت تغتصبهم هنا !!!
منار؛ هه لهاد الدرجة خايب عندك .. لالا مكنتش كانو هوما تاني حابين .. جامي نمس وحدة مش حابة
ريان؛ اعع باردون. . نظن منحبش نعرف الخماج تاعك .. جيت نخرج .. لقفني بقوة .. جبدني و خبطني فالحيط .. حسيت ظهري تقسم ..طلعت راسي ڨحرتلو
ريان؛ واش دييير !!
منار؛ نكره فيك كي ما تسمعيش للخر
ريان؛ نظن أمر يخصك ..
منار؛ مكش حابة تعرفي علاه ؟
ريان؛ مكانش حاجة تفسر .. هذا مرض لازمك تداوي .. مريض نفسي راااك
منار؛ ريااااان قلت كنت كننننت
ريان؛ راح تقولي حبست . و البيت هاذي علاه مخليها.. يخي خطيبتك عمبالها و جاتها نورمال ؟
منار؛ هي اللي عاونتني بش نتجاوز هذا الهوس
ريان؛ اععع تقززت اطلق يدي حابة نخرج ..
رخف يدو .. زربت تعديتو خرجت .. خذيت نفس و زوج و ثلاثة .. و أنا نمشي .. بزاف أفكار مخلطين فراسي .. فكرة أنو كل ليلة مع وحدة يعمل معاها طقوس هاذيك.. فكرة أنو كان و بالاك مازال واحد سادي .. خلاتني نفسر ردات فعلوا الإنفعالية معايا .. .. زعما كيفاه خرجتو هي من هوسو .. ضربت على راسي .. مزالني نخمم .. وحدة خلاف كي تسمع هدرة هكا تخرج طول .. و تبعد على هذا النوع .. نزلت الدروج .. عارضتني البون طالعة فيدها صينية فيها دوا و بوماد ..
الخدامة؛ مدام هاذو تاع مسيو منار بعثهم الطبيب تاعو .. للحظة حبست .. و الجوجمة اللي تدور فراسي حبست .. تفكرت الشهر اللي فات ..كيفاش يعاملني .. تفكرت هدرة الفرملية .. حطيت يديا على شعري .. اففففف بش نهبل .. نحيتلها الصينية ..  دخلت للبيت  .. نفركس عليه .. تلفت لقيت داخل القفص .. قاعد ملموم على روحو .. حاط راسو على رجليه فالشوكة .. قدمت حطيتها عالسرير .. و قدمت للقفص هاذاك .. حليت الباب .. و دخلت (قفص كبير مش تاع فراخ 😂) .. باقي على نفس الوضعية ... قدمت قعدت قدامو .. و باقية نغزر للبعيد .. حكا من غير ما يهز راسو
منار؛ كبرت في قفص هكا .. وقت يكون باباك تابع للمافيا بش تكون محصور حتى و نتا حر ..القيود من كلش .. تبع الأوامر .  الناس في عمر 5 سنين تعلمت الحروف أنا هزيت السلاح .. بالشوي حقدت على حياتي .. ولاو القيود و الأقفاص و كلشي vulgaire جزء مني .. لين دخلت فالسادية .. وليت مهووس .. مام نشرحلك متتصوريش كيفاش .. منال كانت تعرفني بحكم كنا قراب بزاف .. و هي اللي ضحات بش تكون ضحيتي كل يوم .. لين وليت نتعالج نفسيا .. كانت حاجة صعيبة اني نبعد عالحالة هاذيك متاع الضرب و الرخس و ... مي بعدت .. هاذ الغرفة .. خليتها بش نتفكر أغلاطي .. كون نحيتها طول عمبالي ندير بلاصة أشنع.. نزلت منحيتش حالتي كامل .. مزال عندي طبع سادي .. مي قاعد نقاوم بش نخرج من حالتي هاذي .. بالاك نتي دوك وليتي تتقززي من فكرة أنوأنا هكا .. ولا زدتي كرهتيني منعرف  ولا بالاك خفتي .. منيش نبررلك أصلا ..أنا قلت واش كاين من الاخر... اذا نتي تقبلتيني ايه و إذا لالا مفروزة .. بطبيعتي كون جيت حاب نضرك منستناش لدوك ..
سكت .. باقية ساكتة شوي و هز راسو غزرلي ..
منار؛ علاه رجعتي ؟
للحظة.. خممت ايه علاه رجعت أنا ؟؟ .. مش هدفي ننتفم منهم .. واش التخلاط اللي  دخلتلوا ... تلفت غزرتلوا ..معلاباليش وش نجاوب ... هزيت يدي حطيتها ورا ظهرو .. و كبست عليها حسيت بيه كي تنقز من الوجيعة مي ما بينش .. وقفت .. جبدتو من يدو وقف .. جا مقابلني .. قدمت أكثر لين معادش مسافة بيناتنا .. لقيت يديا عليه .. و حطيت راسي على سدرو ... هنا حطيت انتقامي ورايا و كلشي ورايا .. حسيت بتنهيدتو ..
ريان؛ منيش نلوم فيك على واش كنت .. ولا واش تكون دوك .. لمن تابع ولا ولد شكون .. واش صرالك من قبل ولا واش درت.. .. أنا نتعامل معاك على أساس منار اللي