العميلة 306 (باللهجة جزائرية )

الحلقة 4

الحلقة 5 :
عنوان الحلقة :#لأنها_
جبد الفرد ركحوا .. قدم عندي ريكي ..
ريكي؛ ريان ارواحي هنا .. ريان
حط يدو على كتافي يفيق فيا .. تلفت ڨحرلوا
منار؛ يددك
ريكي؛ نعم؟
منار؛ يدددك خليها لاصقة فجسمك و اجبدها خير و خير
قدم واحد من لمسلحين جيهتنا ..
تلفت منار عندوا .. شاف مع يدو طول ..
- منار الهاشمي
منار؛ هه هاذوا نتوما
-الزعيم بعثنا نجيبوك برضايتك ولا بالقوة
منار؛ جرب اجبرني تراه
فقت على وضعي .. من الحالة اللي كنت فيها .. غزرتلهم نستوعب وش صار و وش كاين .. تلفت عند ريكي .. دارلي اشارة تاع صافا .. هزيتلوا براسي ايه ..
- هيا لآخر مرة متخلينيش نتعامل بالقوة
طلع يدو عمل عمل فازة شوي و زدموا رجال مسلحين بالكلاشينكوف .. طلعت حاجبي مستغربة .. و تلفت لريكي .. عملي فازة تاع اركحي ما تبيني والو ..
تلفت الرجال اللي هاجموا فاللول يغزرو مفجوعين ..
منار؛ عيط تشوف لسيدك
اكا السخطة اللي كان يهدد .. ولا يمهمه .. عيطلوا و مد التيليفون لمنار .. تبسم و حكم التيليفون .. تكا عالكونتوار .. عامل فيها سيد ..
منار؛ وليييييد راك من نيتك ؟  تبعث عشر قطط يجيبوا منار .. عالأقل دير حق لعشرتنا و معريفتك بيا..
هز التيليفون خبطوا .. و تلفت شاف معاهم و حك لحيتوا .. هز صبعوا لرجالوا قدموا.. قادوهم .. 
منار؛ و هكا كملت الحفلة تقدروا تتفضلوا ..
خرجوا الكل مفجوعين .. شاف معاهم و تبسم .. تلفت عندي لقاني نشرب فالكوكتال .. حسيت بيه كي استغرب ..
منار؛ هههه والله صح ؟؟ .. نتي نورمال ؟
تلفت ليه
ريان؛ سمحني راك تحكي معايا ؟
عدا عينيه عالنادي ...
منار؛ منظنش بقات وحدة و تجرأت من غيرك
ريان؛ علاه شكونك حتى نتجرأ ولا لالا
منار؛ ههه دوكا برك كنتي ترجفي متكونيش عندك انفام فالشخصية ؟
ريان؛ ريكي بونوي
ريكي؛ تشاو برو
خبطت يدي في يدو   ... نزلت من فوق الكرسي .. تعديتوا و خرجت .. حسيت بخطواتوا ورايا .. جو بارد بزااااف ..
منار؛ ريان
ريان؛ امممم (من غير ما نتلفت )
منار؛ حبسي دقيقة
تأففت و تلفت عندو .. لقيتوا هاز الفرد في وجهي
منار؛ يقلقوني الناس اللي منجمش نفهمهم .. و نكره أكثر اللي يستفزني .. مكانش واحد استفزني و مزال عايش ..
ريان؛ تعرف تركح الفرد ؟
غمض عينيه بقوة و عاود حلهم .. مغشش عاللخر
قدمت عندو .. غزرت في عينيه ..
منار؛ علاه !!
ريان؛ خاطرني أنا .. ممم كنت بش تطلق .. علاه حبست
منار؛ منجمش نأذي مرا
ريان؛ شفت هاد الفرصة مش راح تتعاود .. اطلق
نزل الفرد .. باين سكران .. اللي يشوفوا دوكا يكذب قوتوا متاع قبيل .. غريبة كيفاه نجم يخبي أنو سكران و ضعيف ..
ريان؛ عيط لواحد من رجالك يسوق بيك أحسن
منار؛ شيهمك
ريان؛ أوكي باااي
تلفت .. حسيت بيه كي طاح .. تلفت ريتو دايخ فلرض .. نفخت بالقاوي
ريان؛ اففففف
قدمت عندو .. قستوا بيدي على كتافو
ريان؛ آي نتا ياخرا .. نوض مناش فيلم كوري هنا
محبش ينوض ..
ريان؛ افففف
حطيت يدي على كتافي  .. و حاولت نسحبوا للطاكسي .. الحاصول كركرتوا ..ثقيل
ركبت تكيت للتالي .. نتنهد من التعب
ريان؛ هدا كور ولا سيمي (شاحنة 😂)
خدمت الطوموبيل ..  حل عينيه شوي يهترف
منار؛ الب بنات كامل يحبوني نتي لاه متحـ بينيش
ريان؛ منيش طفلة بطلت
منار؛ حنـ ا كاملين .. منحـ تاجوش الزيادة
تلفت ڨحرتلوا .. و كملت نسوق .. وصلت للدار .. قاريت و تلفت شفت معاه .. حال عينيه نص ..
ريان؛ انزل منيش حمال تاع باباك
منار؛ هه بابا .. عمبالك اللي هوااا
ضيقت عينيا نستنا يكمل .. سكت و ناض يضحك .. قلبت عينيا
منار؛ هاذي دارك
ريان؛ يخي ليلة كلبة .. انزل انزل لا نستجرم فيك
نزلت .. غزرتلوا كي رما يدو حل الباب .. ودزو .. قدمت جيت واقفة قدامو ..خرج رجليه .. مبعد طلع راسو شاف معايا
منار؛ نتي شكون 🤔
ريان؛ بابا نويل
منار؛ آ صح تحققي الأمنيات لهادوك
ڨحرتلوا
منار؛ سمله تقول جن مش طفلة ..
تركز عالباب و نزل .. وقف .. دوب قفل الباب قريب طاح .. قدمت حكمتوا.. تلفت شاف معايا ندرا كيف ..
منار؛ طحت بزاف مرات هكا مي مكانش شكون يحكمني.. كلهم كانوا يستناو نطيح ..
ريان؛ هيا خليني .. من عند ربي تاعبة ..
باقية نتعافر معاه .. لين دخلتوا للدار .. شعلت الضو .. باقية معاه لين ترما عالفوتاي .. تنهدت ..
ريان؛ ارقد بلا حس و الصباح متقابلنيش روح طول
منار؛ اقعدي معايا شوي
شفت معاه .. و مشيت للكوزينة .. هزيت كاس ما شربت .. تركزت عالبوطاجي .. دوكا انا نورمال .. نجيبوا للدار عندي .. اقل غلطة نتفضح .. شمدخلني فقساموا ..