العميلة 306 (باللهجة جزائرية )

الحلقة 23

الحلقة 23 :
إياد؛ نطلع كيما بابا !!!.. مورا ما حكيتلك و فسرتلك .. لدوك هادت وش مدية عليا فكرة .. مرسي ..
عدا يديه على وجهوا .. كبس على الخاتم فقبضتوا ..
إياد؛ وجدي روحك بش نهربك من دزاير ... هكا مش راح يزيد يلقاك و تكوني تخلصتي من كلش .. نريقلك لورق  .. الليلة تكوني فإيطاليا ..
خرج و طربق الباب وراه .. تهزت عالخبطة .. للحظة قلبها وجعها .. ما حقهاش تقولوا هكاك ..قعدت عالسرير .. باقية تخمم .. لين جا .. خبرها بلي رح يسفرها بطيارتو الخاصة ..و سكت بعد طريق كامل و هو يسوق و يرحي فالدخان .. مرات تخطف نظرة عليه و تللفت ... معندهاش كوراج تهدر .. وصلوا .. جات عينها على الطيارة .. زعما هاذي خلاصها من الجحيم ؟ .. هنا يخلص كابوس عائلة الهاشمي؟ .. قص عليها كي نزل و خبط الباب .. لمت الفاست على روحها .. و نزلت .. سابقها بخطوات .. و هي لاحقة عليه .. كل ما تقرب قلبها يزيد يخبط. .. هي هاربة من هنا .. نورمالموا تكون فرحانة .. علاه مهيش؟؟.. وقف يحكي مع الپيلوط .. راجل كبير فالعمر ..معاه واحد خلاف يبان تاني پيلوط .. و زوج خلاف .. ريان يوصي فيهم .. شوي و طلعوا .. رما الڨارو و تلفت عندي ..قدم بخطوات حتى وصل قدامي نزلت راسي..خاطر كنت متأكدة بلي غلطت في حقو ..
تبسم.. طلعت راسي بلهفة .. نشوف اذا صح فرحان ... لقيتوا يتبسم بوجيعة.. عينيه يلمعوا تحت ضو القمر .. لحظات تعدات خلاتني نتذكر واش صرا من أول مرة شفتوا فلافاك لدوك .. كسر حاجز الصمت و هدر
إياد؛ هنا تكوني تحررتي تاع الصح .. دوك يوصلوك لإيطاليا .... هاذو أكثر وحايد ناثق فيهم محال يقيسوك بشعرة ..ولا يخبروا بابا.. كي توصلي يوصلك واحد منهم لدار ثما .. هاديك الدار عزيزة عليا بزاف .. فيها ريحة يما .. مي اعتبريها كادو .. تكفير ذنب عالشي اللي صرالك بسبتنا .. و عالخدمة دوك يعطوك نومرو تاع وحدة لتم عشيرتي .. عيطيلها تريڨلك.. ..
يغزر الطيارة و يحكي .. دموعي ينزلوا وحدهم.. تلفت كي شهقت و حطيت يديا على فمي
إياد؛ متخافيش هنا تاع الصح خلصت .. مبقاوش يلقاوك .. تقدري تقولي بلي تهنيتي من طينتنا .. اطلعي ..
عديت يديا مسحت وجهي .. نحاول نتماسك و مشيت للدروح تاع الطيارة .. مع حطيت رجلي عالدرجة اللولة .. وقفني صوتو من التالي ..
~~~~~~~لحاضر~~~~~~~
واقفة فالطاقة ليل كامل مرقدتش.. تفاهمت معاه بلي ليوم ترجع لدارها .. مش عارفة اذا قلقانة خاطر مروحة.. ياخي والفت اهتمامو ؟؟ .. مش حابة نبعد !؟؟ .. تحل الباب تلفت .. غزرتلو .. داخل مدهشر بالنوم .. باين دوك وين فاق .. كي عادتوا قبل .. ما يدير والو يحي يطل و مبعد يروح يقضي شغالاتو .. يحك فعينيه .. غزر لفراشي ملقانيش .. تلفت للطاقة جات عيني مع عينو .. تبسم ..
منار؛ صباح خير
ريان؛ صباح النور
منار؛ كيفاه صبحتي ؟؟
ريان؛ مليحة مرسي ..
يحكي و يقدم عندي .. مع وصل تلفت يغزر من الطاقة .. هوا بارد ... جو مقلوب .. راح يصب المطر ..  مكنتش حاسة بالهوا .. مي كي وقف تولهت.. و هو بالشورت سدرو عريان .. تنطرت قفلت الطاقة..
ريان؛ روح البس البرد
تلفتلي متفآجئ عاللخر .. هزيتلوا بحاجبي تاع واش ؟
منار؛ أول مرة تخممي فيا قبل ما تخممي في روحك
فقت على روحي و الجاست اللي درت ..  زربت كبست روحي
ريان؛ تقدر تقول من رد المعروف .. و زيد أنا لابسة مش كي حالتك عامل فيها استعراض عضلات كل صباح ..
نزل راسو تبسم و تلفت ليا .. فلحظة  لفني .. تكاني عالزجاج تاع الطاقة .. و حط يديه قدام راسي .. حاصرني بيهم . نزل يد وحدة حكم يدي حطها على سدرو .. عاود حصرني . و غزرلي
منار؛ مش عاجبك المنظر مالا ؟؟
ريان؛ و حصرتني مع الدراما هاذي كامل بش تسقسيني هاء السؤال
تبسم ندرا كيف
منار؛ ههه حابة نبوسك ديراكت ؟؟
عينيا تحلوا .. خبطتوا على سدرو .. حاكمني الضحك .  و هو يضحك
ريان؛ اععع مخك خااامج هههه .. صبح صباح ربي
منار؛ ههههه صاي اركحي .. ياركحي اطفلة ههه
باقية نخبط فيه .. حكم يدي و هز اليد الثانية ..طلعهم لفوق و حكمهم بيدو.. خلاني نسكت فجأة .. و هو يغزرلي هكاك .. قدم عندي لين ولا الهوا ما يفوتش بيناتنا .. رجعلي شعري للورا و نزل راسو .. غرزوا فرقبتي .. تكهربت من الجاست .. طبع بوسة خفيفة على رقبتي .. عينيا تغمضوا .. و انا هكاك .. فلت يديا .  و نزل يديه حطهم على جنابي .. نفسو طالع هابط ..
منار؛ صح المدة هاذي وعدتك منعبر على والو .. و نخلي كلس فالحدود .. مي ليوم منقدرش .. ريان ..
سكت شوي و هو يعدي فخشمو على رقبتي ..أنفاسو دوختني
منار؛ صح فرحان كي رتحتي .. مي راح نتوحش نفيق ..على ريحتك .. على عينيك ..و نروح طول نتمهبل معاك .. هذا الشر اللي حياتي كامل نحوس عليه .. الحب .. دفا العايلة .. الإهتمام ..
وليت مش منجمة نوقف .. خلاص تخربطت بكلي .... جيت نتحرك .. كبس عليا ..
منار؛ خليك ولو مرة وحدة .. و نحسك تاعي صخ ..
.....................
#يسرى_أمجوج
#العميلة306