العميلة 306 (باللهجة جزائرية )

الحلقة 14

الحلقة 14 :
تعدات سمانة ورا هاذاك النهار.. جيست سمعت اللي هو بخير .. هاذاك فارس. .. يجيبلي الماكلة برك و يخرج .. دار فوسط حي شعبي ...أغلب الوقت نعديه راقدة .. وليت كيما لمرضى النفسيين .. نعدي نهاري تايهة .. نشرب الدوا بش ننجم نرقد.. وصلت للهاوية تاع حياتي .. وين معادش شي يفرق معايا ... تحل الباب تاع الدار .. أكيد فارس رجع .. خذيت نفس و خرجت من البيت .. مشيت الرواق هاذاك .. مع جيت نحط رجلي فالصالة .. قابلوني فزوج يضحكوا .. قلبي حسيتوا حبس ..
البوس؛ سورپريييييز ريان .. جيت أنا وإياد نطلوا عليك
رمشت بقوة .. بالاك نحلم .. بالاك نهلوس .. بالاك أحلام يقظة ..فقت ... كي اخترقتني رصاصة.. خلاتني نطيح مع الحيط .. نفسي تقطع .. الصورة تضبب و ترجع نورمال .. نغزر غير لإياد .. للي يتبسم مع باباه .. حطيت يدي عالجرح .. و طلعت يدي ترجف .. غزرت للدم .. تعاودت في وذني حاجة وحدة اللي يحبك  عمروا ما يضرك .. تبسمت بقهرة .. و استسلمت للظلمة .. للوجيعة .. و للقهرة تاع آخر ثانية ....
~~~~~~~~~~~~~~~~~~
إياد؛ وش حوالو ..
تلفت ليه منار
منار؛ غيبوبة .. معرف وكتاش يفطن ..
قدم ليه إياد وقفوا .. و عنقوا ..
إياد؛ راح يكون بخير .. مش وقت ضعف لازم نعرفوا شكون
منار؛ ممم لازم قبل مايفيق نكونوا جبنا ريسانهم
إياد؛ باينة هيا ...
خرج إياد وراه منار .. تلفت يغزر فالكولوار .. عقد حواجبوا ..
منار؛ وين راحت هاذي !
تلفت ليه إياد
إياد؛ نعم؟؟
تعداه بزربة.. مشا للرجال اللي فالباب تاع الكلينيك
منار؛ ويني !!
-شكون مسيوا
منار؛ مك شكون يعني !!
-مخرجتش مسيو منار .. من قبيل و حنا هنا
منار؛ كون تظهر خرجت و راحت ليوم ********  .. حوسوا عليها .. قلبوا لكلينيك .. نرجع نتفاهموا .. لكان لقيتوها عيطولي ..
مشا خطوة .. و عاود تلفت ..
منار؛ اللي يشوف معاها .. عينيه نحيهم
لحق إياد بالوقت
إياد؛ شكون هاذي
منار؛ حبيبتي شكون يعني .. هيا خلينا نفرزوها و نرجع
مشا ..غزرلوا باستغراب .. و لحقوا
إياد؛ هه قصدك مش وصال ***** راك خاطب وشبيك
تلفت ليه ڨحرلوا ..
منار؛ أنا و نتا نعرفوا بالضبط اللي وصال صفقة
إياد؛ ***** منيش راح ندخل .. لمفيد لازم نقابلوا سالم .. خاطر شاك فيه كيفاه متضررش من لحكاية .. و قدر يدي السلعة نورمال
منار؛ حبس حبس .. سالم؟؟ ... متقووووليييييش .. رجع يخدم ****** تاع البنات
إياد؛ علاه مقالكش بش تشارك معاه
منار؛ لالا .. مكنتش قاعد أصلا .. نتا عيطلك
إياد؛ وي .. و رفضت
منار؛ ****** للتخلاط بالبنلت قتلوا فوتك منو... ياخي مخصوص هو !!.. الزطلة و الدوا و ليريكا كامل تحت يدو.. بلا المشاريع و العقارات.. علاه مزال لاصق فحكاية يبيع لبنات !!!
إياد؛ تخلاط تاع باباك و تعرفوا .. من وكتاه.. يبدل رايو .. ليسونسيال .. اللي ورا هاذ الشي كان متقصد  يقتلوا ..خاطر الدراهم تسلموا و الدفعة راحت لسالم ... وراها هاجموه

منار؛ أكيد قناص .. وين صرات الصفقة ؟؟..
إياد؛ المنشآت قيد البناء في ******
منار؛ عرفتها .. ******** نصفيهم
إياد؛ سالم ورا الحكاية متأكد
منار؛ بصح سالم .. كان يستفاد...من صفقات ****** هاذي
إياد؛ هه منار تشفا على قاعدة الصغر اللي تعلمناها ..
ضيق عينيه و غزرلوا .. تبسموت على جنب و ركبوا الطوموبيل .. منار يسوق و اياد قدامو .. وراهم رجال منار و إياد ..
.............................
الجنرال؛ علاه تحبي تبعدي .. هاكي كنتي حابة تدخلي للعب تاع عايلة الهاشمي ...و دخلتي للجوسسة و الشرطة السرية ..على خاطر انتقامك ..
ريان؛ موجدتش .. تيقنت بلي موجدتش .. ش ش شفت إياد كي كنت رايحة و منار يحب نقعد معاه و ..
الجنرال؛ مش قتلك ياعميلة 306 .. بلي لعب المافيا .. مش تاعك .. خطيرة الحكاية .. و نظن ديجا عشتي تجربة
ريان؛ نننننعرف مش لازم تفكرني .. شكون صوب على البوس ..
الجنرال؛ الجاسوس قال مرزتقة .. تصاوب كي سلم دفعة تاع بنات
ريان؛ ك كيفااااش .. عاود رجع لصفقة بيع البنات !!! ..  علاه مدخلتش .. ماك عندك سلطة .. عمبالك واش راح يصرالهم !!!
الجنرال؛ سمعت ورا ما صرات .. مش قبل ... الجاسوس من رجال البوس متنسايش
كبست على شعرها بيديها الزوج .. أفكارها داخلة فحيط ..
قاعد من ورا البيرو .. يغزر لحالتها .. صعيبة صح أنك تعيش هاذ الجوجمة ..  رجال كبار ماتوا .. و منجموش يطيحوا بيه .  كيفاش هي رايحة تقدر .. تواجهوا... صحيح تدربت و تعلمت ... و عملت حوايج الرجال ما يقدروش يعملوهم .  مي فالتالي العبىء كبير ..انو تنجملوا طفلة ...