قوة روح ( من خلف الزجاج الجزء ٤ )/ نور زيزو

الفصل الرابع (٤)

#قوة_روح
#من_خلف_الزجاج٤
¶¶ الفصــــــل الـرابــــع ( 4 )  ¶¶
♪♪ ••• بعنـــــوان " عـــــــودة " ••• ♪♪

توقفت سيارة الإسعاف بمنتصف الطريق ، نظرت "نور" بذهول وسط بكاءها ويديها تحتضن يده بقوة ، فقالت :-
- فى أيه ؟!

فتح باب السيارة فوجدت "يزيد" يقف وبجواره "عمرو" لم تفهم شيء وهى تراهم يأخذه خارج السيارة فاقدًا للوعى فنزلت من السيارة معه ثم وقفت بمنتصف الطريق تصرخ بهم :-
- أنتوا بتعملوا أيه ؟!

لم يتحدث معها أحد ، أخذوها إلى منزل "عمرو" فوجدت "حياة" بأنتظارهم وبصحبها أطفال "نور" ومعها "ليلى" أخت "يزيد" ، جلست "نور" صامتة تنظر عليهم و"ليلى" تحقنه حتى يستعيد وعى مُجددًا ، أربتت "حياة" على كتف "نور" وقالت :-
- أهدى يا نور وكفاية عياط ، أدم بخير

فتح عيناه بصعوبة وتعب لتسرع نحوه وجلست على الأرض بجواره وهو نائم على الأريكة تناديه بخوف :-
- أدم !!

رأها تبكى وشعر بأرتجاف يديها وهى تتشبث بيده ، فأربت على يدها بحنان وقال :-
- أهدى يا نور وأنا هفهمك كل حاجة

صمتت بهدوء حتى أخذها "عمرو" وخرجت معه إلى الحديقة ووقف بهدوء بعد تنهيدة قوية وقال :-
- نور ، أدم بيجرى فى دمه نسبة مخدرات عالية ...

أتسعت عيناها على مصراعيها صارخة به قائلة :-
- مخدرات ؟!

- اه بتتحطله فى القهوة بقالها فترة وإحنا عرفنا دا أمبارح ، أدم بقى مُدمن مُخدرات

نزلت دمعة من عينها دون أن ترمش عينها وقالت :-
- مُدمن ، أدم عمره ما شرب سيجارة يبقى مُدمن

سقطت على الأرض باكية وقالت بأنيهار :-
- مُخدرات يا أدم

- يا نور فى حد بيحطله المُخدرات ودلوقت مش محتاج غير علاج ، المُخدرات فى دمه بنسبة عالية لو مخدهاش فى معادها ممكن يبقى خطر عليكى وعلى ولادكم ، أهدى عشان تعرفى تفكرى دلوقت أنتِ السند لجوزك وعيالك

جهشت باكية وهى تخفض رأسها واضعة يديها على وجهها بحسرة وقلب مُفروط من الوجع وتقول :-
- مبقتش قادرة يا عمرو ، مقدرش أقوى من غير أدم ومقدرش هو قوتى

- أنا حجزت لأدم فى مصحة للأدمان  فى لندن يا نور ، هو محتاجك دلوقت جنبه

لم تردف بحديث بل ظلت تبكى بضعف وكيف تقوى وهو قوتها ، كاد "عمرو" أن يتحدث لكن قطعه صوته من الخلف يقول :-
- سيبها يا عمرو

جففت دموعها سريعًا وهى تستدير له ورأته واقفًا مكانه فقال :-
- أنا هسيبكم دلوقت !!

رحل "عمرو" وتركهما ، جففت دموعها برفق وهو يقترب نحوها ثم جثو على ركبتيه بجوارها وقال بهدوء :-
- نور

أستدارت له سريعًا تخفى رأسها فى حضنه وتلف ذراعيها حول عنقه وقالت بضعف :-
- أدم ، مين اللى بيكرهنا كدة ، أديهم الفلوس والشركات بس يسيبنا نعيش حياة سعيدة مع بعض من غير أذى