#قوة_روح
#من_خلف_الزجاج٤
¶¶ الفصـــــــل الخــامـس ( 5 ) ¶¶
♪♪ ••• بعنـــــــوان " صفعــة " ••• ♪♪
∆∆ •• قصـــــر أدم الجــوهــرى •• ∆∆
جلس "أدم" بجوار والدته على الأريكة وبجواره "حياة الجوهرى" بينما "نور" جلست على المقعد بجوار "مريم" ، يرحبون بعودتهم فهتفت "مريم" بعفوية :-
- بس وحشتينا يا نور والله
ضربتها "حياة الجوهرى" على ذراعها وقالت :-
- لا وعقلت يا مريم واخذة بالك ، الطفلة اللى جواها أختفت وبطلت جرى على السلالم
أستدارت "نور" برأسها باحثة عن ابنها المُختفى وقالت :-
- هو إسلام فين ؟!
سمعتها طفلتها وهى تدلف من الحديقة فجاءت لها "روح" ووقفت بجوارها وقالت هامسة فى أذنها :-
- قاعد فوق فى الأوضة !! أصل شكله أتخانق مع نور
- وفين عاصى يا روح ؟!
- برا فى الجنينة مع أنس وأدم ونور
تنحنحت بأحراج وقالت :-
- ماشي ، روحى أنتِ يا روح
وقفت "مريم" من مكانها وأستأذنت لكى تصعد إلى "إسلام" ، وقابلت "حياة أدم" على الدرج تتحدث بالهاتف ، ولجت "مريم" إلى غرفته لتراه يقف بالشرفة ينظر عليها من أعلى وهى تلهو مع الأطفال ويفكر بحديث والدته فقطع تأمله صوتها وهى تقول بعفوية :-
- أيه يا أستاذ إسلام مش عاوز تقعد معانا ولا أكمن عينك ملونة هتتغر علينا ...
أستدار لها مُبتسمًا بتكفل وهو يقول :-
- لا طبعًا يا طنط مريم ، أنا بس مستنى مكالمة من لندن مهمة وهنزل على طول
- بتكدب على مين يا واد ، أنت كبرت وفكرت نفسك عشان بقيت راجل مش ههزقك ، أنا ياما أتخانقت مع والدتك بسببك
وقفت بجواره وهى تنظر على طفلتها الصغيرة وهى تلعب مع "أنس" و "أدم" فقالت :-
- أنا عارفة أنت بتفكر فى أيه ؟ وواقف كدة ليه ، بس نور صغيرة أوى يا إسلام هتفشلوا فى اللى بتفكروا فيه .....
قطع حديثها بسأله يقول :-
- هو حضرتك بينك وبين يزيد قد أيه ؟
تنحنحت بأحراج من سؤاله وقالت :-
- ٩ سنين ..
تبسم بسعادة وهو ينظر على طفلته الصغيرة وقال :-
- وماما بينها بين بابا ١٣سنة ، بينى وبين نور ٧ سنين يعنى إحنا هننجح أكتر منكم ، هل بقى ماما وبابا فشلوا ، هل حضرتك ويزيد فشلتوا ؟ .. الحب ملهوش سن
- بس أنا ومامتك مكنش فى سن المراهقة زى ما نور فى سن المراهقة ومش فاهمة حاجة
قالتها وأربتت على ظهره ثم تركته ورحلت شاردة الذهن بهذا الشاب الذى أخبرها بطريقة غير مباشرة بأنه لن يتنازل عن طفلته ولن يتوقف عن حبها لوهلة واحدة ، فهى رأت بعيناه أصراره وعناده على فعل ما يريد تمامًا كوالدته كما ورثه منها ومن والده الصارم .....
أنت تقرأ
قوة روح ( من خلف الزجاج الجزء ٤ )/ نور زيزو
Romanceالجزء الرابع من سلسلة "من خلف الزجاج" بقلم / نورا عبدالعزيز "نور زيزو"
