قوة روح ( من خلف الزجاج الجزء ٤ )/ نور زيزو

الفصل (20) الأخير

#قوة_روح
#من_خلف_الزجاج٤
¶¶ الفصــــل العشـــرين ( 20 ) الأخيــر ¶¶

♪♪ ••• بعنــــوان " ست البنــــات " ••• ♪♪

نظرت لـ "عادل" بصدمة وقالت :-
- أنت يا عادل اللى تخونى

تبسم لها بأشمئزاز وقال :-
- وأنا برضو اللى حذرتك من أدم وأنا اللى شايل كل قرفك وكل يوم أجيبك من فندق شكل وأنا اللى خططتى ونفذتى لخطف روح من ورايا وفى الأخر أنا اللى اضربت بالقلم أشربى بقى

صرخت به قائلة :-
- زبالة وخاين

وضع "أدم" قدم على الأخر بأنتصار وقال :-
- وفرى صوتك دا هنحتاجه كمان شوية المفاجات مخصلتش

أشار لـ "يزيد" ليحضر له ذلك الرجل "الماجيك" ، نظرت له بصدمة وهو ينزف من وجهه يبدو أن "أدم" ابرحه ضربًا بما يكفى فقال :-
- أيه رأيك فى المفاجاة دى يا سنيوريتا

رمقته بشراسة وقالت :-
- مبقتش تختلف عنى يا أدم بتخطف وتقتل عادى

رفع يديه للأعلى بأستفزاز وقال :-
- أنا مقتلتش حد ...

نظر لها ببسمة نظر وقال :-
- تختارى أيه يا ساندى ، تخرجى من هنا وتلبسي فى قضايا بالهبل بالورق اللى جبهولى عادل ولا تموتى هنا بين أربع حيطان

تبسمت له بتحدى وثقة ثم قالت :-
- لمصلحتك يا أدم أنى مطلعش من هنا لأن فى اللحظة اللى هخرج فيها من هنا قبل ما يتقبض عليا هحرق قلبك على نور عينك لأنى هطلع قلبها من صدرها وأكله بسنانى ....

صدم الجميع بطلقة نارية خرجت من مسدسه نحو رأسها فيما عدا هى لم ترمش لها عين بخوف منه فتبسمت له بأستفزاز وقالت :-
- لو مبتعرفش تنشل أدى حد غيرك يجرب

صدمت حين أقترب منها ووضع يده على عنقها يخنقها بغضب سافر وقال بأنفعال :-
- ومين قالك أنك هتشوفى نور الشمس تانى عشان تشوفى نور عينى ها مين ... أنتِ هتعيشي هنا وهتموتى هنا ...... ولا أقولك لا أنتِ صح أنتِ لازم تشوفى النور وتتمنى أخر أمنياتك تحت الشمس ... هاتوا
قالها وهو يترك عنقها ويتجه للخارج ....

نظر "الماجيك" بصدمة وخوف أكبر من هذا الرجل حين دفنها حية أمامه ، دفنها رجاله كما أمر وهى واقفة ولم يظهر منها سوى رأسها فقال بغرور :-
- شوفى كل الناس بتدفن بالعرض أنا بقى هدفنك بالطول يا ساندى

ظلت تصرخ من الخوف وحرارة الرمال وهى تقول :-
- خلاص يا أدم .. أنت مجنون هتدفنى حية ... سيبنى يا أدم وحياة نور عندك تسبنى

جثو على ركبتيه وهو يمسكها من شعرها بقوة ويقول بغضب :-
- مش قولتلك يا ساندى هخليكى تتنمى يبوسي رجلها عشان أرحمك

أومأت له بنعم بذعر وخوف تملكها وهى تقول :-
- موافقة أبوس رجلها بس أرحمنى يا أدم والله موافقة