قوة روح ( من خلف الزجاج الجزء ٤ )/ نور زيزو

الفصل الخامس عشر (15)

#قوة_روح
#من_خلف_الزجاج٤
¶¶ الفصــــل الخـــــامس عشــــر ( 15 ) ¶¶
♪♪ ••• بعنــــــوان " الحبيـــب الثمـــن !! "  ••• ♪♪

- أنسة حياة ، عملتى مصيبة جديدة .. قصدى نورتى القسم كله

حدق بالشخص الاخر الذي لم يعري أنتباه لوجودها أم حتى ينزل قدمه أرضًا أحترامًا وقالت بغرور وجدية :-
- الرائد أيمن موجود ؟!

نظر نحوها ثم أنزل قدميه للأسفل يعتدل فى جلسته وقال :-
- أفندم

- عندى قضية ممكن كلمتين على أنفراد

نظر إلى صديقه وقال :-
- أنفراد

تنحنح "ذكى" بأحراج ثم قال :-
- بطرد ، أووك عن اذنكم

تركهما ورحل ، أشار "أيمن" لها بأن تجلس ثم قال :-
- تشربى أيه ؟

- مفيش لزوم ، أنا ليا طلب الكلام اللى هقوله لحضرتك محدش يعرفه ولا حتى فى قاعدة فضفضة زى اللى شوفتها ،  قضيتى محتاجة السرية .. تمام ولا ايه ؟!

- تمام ، أتفضلى

تنهدت بهدوء ثم جمعت شجاعتها وقالت :-
- أنا أختى الصغيرة أتخطفت ...

                 ★★★★★★★★★★★★

          ∆∆ •• قصــــــر " أدم الجـــوهـــرى" •• ∆∆

صعد إلى غرفته ليلاً بعد تعب يوم شاق ليراها نائمة فى فراشها والأضواء مغلقة وبجوارها "لمياء" فقالت له بصوت خافت :-
- أنا أديتها حقنة مُهدئة هتصحى الصبح

أشار إليها بنعم ثم خرجت من الغرفة لينظر على الباب وهى تغلقه ثم ذهب نحوها بضعف وجلس بجوارها وقال :-
- نور .. أنا محتاج حضنك دلوقت ، قوليلى أعمل يا نور عشان متلومنيش فى الأخر انى السبب فى أذيت ولادى ، أوافق على المشروع بعد ما عرفت أنه مشروع سطحى وأن الفندق اللى عاوزاه ساندى تبنى مجرد مكان تبيع فيه البنات وأذيت بنات كتير وأكون شريك فى القذارة دى ولا أرفض وتأذي عائلتى وبنتى اللى تحت أيدها ، أكون قواد وتاجر مخدرات وأحميكم ولا أكون شريف زى ما أتربت وأذيكم .. قسيتى عليا يا نور عينى خليتنى أفكر فى حاجات عمرى ما فكرت فى لحظة أن ممكن أعملها .. قسيتى أوي فى اللحظة اللى كنت محتاج منك حضن بس يقوينى عشان أكمل حرب وأرجع حقك وحق ابننا اللى راح وحق روح وحياة ، مكنتش عاوز قسوة منك قد ما كنت عاوز حضن استمد منه قوتى .. بتلومينى يا نور عينى أنى أخترت أن أكون شريف ومدخلش بيتى فلوس حرام وأتقى ربنا فيكم .. سامحينى يا نور عينى لو أنا السبب سامحينى لو هعمل اللى يكرهك فيا ويوصلنا للنهاية المهم تكونوا أنتوا بخير وسلامة .. سامحينى يا نور عينى لو هخلف وعد وعدتهولك .. بس أعرفى أنى عمرى كله ما هحب غيرك أنتِ نور عينى

ذرفت دموعه مع حديثه ثم وقف ليضع قبلة على جبينها بحنان وأستدار كى يرحل ليشعر بيدها الصغيرة تحتضن يده تستوقفه بلطف ليستدير لها بدهشة وهى تجذبه حيث يجلس بجوارها ووضعت رأسها فوق قدمه وهى شبه غائبة عن الوعى وقالت مُتمتمة :-
- أنا واثقة فيك يا أدم أنك هترجع روح ومن غير ما تأذي قلبى بيك