-قيسي الضغط للمريض دا
-حاضر
يعتبر من وقت ماجيت المستشفى دي او من وقت ما اشتغلت في العناية و انا مش بشتغل مع حد غيره مش عارفة دا من ايه و الله بس انا مبسوطة كدا
-يمنى مش كدا خالص
-هو ايه اللي مش كدا يا بني انت اتهبلت
-انتِ فاهمة كويس قصدي على ايه
اتنهدت بصوت عالي- طب ما انا بشتغل اهو
-و مافيش غير أحمد اللي بتشغلي معاه.....يقولك اعملي دا تقولي حاضر...... خلصي دا تقولي حاضر........انتي حتى لما كان بيعمل CPR كنتي خايفة عليه اكتر من المريض اللي كان بيموت
-ايوه
-نعم
ارتبكت- يا حازم هو بيعاميلني كويس الباقي لا و بعدين لو سألت في اى حاجة بيقولي و بيعلمني و انت عارف كدا
رفع حاجبه- ماشي يا يمنى انتِ حره بس خلي بالك على قلبك
قلبي اتنفض من الكلمة دي ـ ماله قلبي؟
-واختر خليل قلبگ بحكمه.. فليس كل القلوب بالقلوب تليق مش دا كلامك
-يعني ايه؟
-يعني خلي بالك على قلبك
- هو وقوفي معاه غلط؟... شُغلي غلط؟
- دايما بتقولي إني اخوكي الصغير... اعتبريني مرة واحدة اخوكي الكبير و اسمعي كلامي
حازم دا مش مجرد صديق و الله دايما برفض رفض قاطع الصداقة بين الولاد و البنات بس احياناً الدنيا بترمي في ايدك صديق يبقى سند و انا دايما بعتبره اخويا الصغير و احيانا بعتبر نفسي امه و الله
دخلت اوضه سته عشان هو فيها وواقف لوحده طب مش حرام عليهم يكون لوحده مع مريضين يعني و لا مش حرام صوت عبدالحليم استقبلني قبله "خايف مرة احب..... و خايف ينسى الحب...... يوم يقابلني....... خايف اجرب........ خايف اهرب....... خايف اقرب.... يبعد عني" فوقت على صوته
-تشربي قهوة؟
-ايه؟
-ايه انتِ … تشربي قهوة
-اه … لأ …اه
ضحك - اه و لا لأ
ابتسمت -ماشي
قلبي لمس السما مع ضحكته و الله ماما دايما بتقول إن الشخص اللي بيضحك من اقل حاجة دا قلبه ابيض و طيب و انا دايما بصدقها يعني كدا أحمد فعلا قلبه طيب......ايه دا مالك انتي و مال قلبه يبقى طيب و لا شرير ششششش اخرسيخالص
- انتِ بتحبيه
-ايه؟
- مش هتعرفي تكذبي عليا انا......انتي بتحبيه
-لأ
أه
أخ........ صعب اشرحلك انا مش فاهمة ليه هو
-عشان ماحمتيش قلبك منه......طول سنين الكلية و انتِ بتحمي قلبك من اى حد.....دايما بتقولي إن قلبنا ضعيف و بلاش نحطه في مواقف هو مش قدها نسيتي كلامك ليه؟ حطيتي قلبك في حياته ليه؟ انتِ حتى ماتعرفيش إذا كان مرتبط و لا لأ
