قامت يمنى حسين بتحديث حالتها "أحكمت باب قلبي كى لا تتسلل خفية"
- طب و انا يا يومي
- لأ انت لفلي من الباب اللي ورا عشان ماحدش ياخد باله
- موف اون يا فنان
- 😂😂😂😂 مش هتيجي تتقدملي
- قصدك للمرة التاسعة على التوالي .. انا بقول نخليها الاسبوع الجاى🌚
- انت اتقدمتلي للمرة التامنة🤔
- اه النهاردة 😁 فأنا بقول نمشيها بنفس التسلسل .. لاحظ حضرتك التنظيم في المواعيد
- أحمد بقا ... طب بابا قالك حاجة جديدة النهاردة
- اه قالي انت مُهزأ 🙂
- 😂😂😂😂😂 لو سمحت الايموجي دا بتاعي ايه هندخل على شغل بعض
- كان هيضربني في الشارع و الله بس انا قولت بلاش يبقى تهزيق و شتيمة و قلة قيمة و كمان ضرب طب واحدة واحدة فقولت اخلي الضرب للمرة الجاية ... بقول انوع عشان ابوكي مايزهقش
- 😂😂😂😂😂 ماتزعلش منه
- لااااا ابدا معقول ازعل .. هو بردو ليه حق انا لو معايا بنت زيك إن شاء الله تعالى هتبقى بنتنا يعني مش هخلي حد يفكر أنه يبصلها اصلا
- أحمد انا اسفة بجد على كل اللي بيحصلك بسببي😞
- جرا ايه يا فنان هنقلبها احزان ... فرفش يا ببلاوي كدا ماحدش واخد منها حاجة
-😌😌😌😌
- دا ايه دا بقا .. ماشي يا ست امري لله ... مافيش يا حبيبي .. اى حاجة تشجع الواحد أنه يستمر
- نو يا أحمد بشه .. و استعد للاسبوع الجاى عشان تتقدم تاني
- تعرفي انا اهم حاجة عندي انك لسه متمسكة بيا فعلا بعد كل دا
- المفروض انا اللي اقولك كدا عفكرة 😒
- انا عارف إنك بتتضايقي في كل مرة تفتحوا فيها الموضوع ... بس إن شاء الله تعالى هحل المشاكل اللي بينهم دي و نتجوز بقا
- المشاكل دي مش هتتحل يا أحمد انت ناسي إن اللي بينهم تار
- و التار انتهى يا يمنى
- القلوب ما صفيتش يا أحمد و شكلها مش هتصفى
- يمنى انا ماليش ذنب في اللي حصل من اكتر من اربعين سنة
- عارفة .. و لا انا كمان .. بس انت قولي انا اعمل ايه .. كل ما بابا يفتح موضوع الجواز دا افكره انك اتقدمتلي و اني عوزاك انت ... و بنتخانق لدرجة إن الكلام بقا بيتكرر كل مرة
- خليكي متمسكة بيا يا يمنى .. اوعي تسيبي ايدي ابدا
- اوعدك .. يمنى مش هتبقى لغيرك
