- يا مها انتي مش قادرة تفهميني
-لا طبعا فاهماكي بس اللي بتعمليه دا غلط و انتي عارفة كدا كويس و عارفة أن من حقة أنه يعرف إنك مراته
-لا مش من حقه
مش من حقه اى حاجة مش من حقه حتى قلبي دا... انا ليه حبيته من الأول انا كنت عارفة أنه مش موافق على جوازة دي غير عشان مامته
- إحم انسه يمنى
ياربي انسه دي لوحدها هتجيبلي هارت اتاك و الله انزلكم سياستول و no cpr و اوديكو في داهية
-نعم يا أحمد هو مش انا قولتلك بلاش انسه دي
ضحك و ياريته ما ضحك "و لا تَدْرِي كَيف وَقَعَ قَلْبَهَا بين ثَنَايَا يَدَهُ"
-معلش بقا انتي عارفة إني لسه مش متعود على الأجواء بس انا عاوز اقولك حاجة بصراحة
-اكيد يا أحمد قول
-انا حاسس اني اعرفك
هنا انا اللي ضحكت بس مش من الفرحة قد من قلبي اللي اتفتت على صخرة حلم حلمته و اتحول لكابوس كان لازم اعرف أن قلبي هيتكسر للمرة الرابعة و على ايده و بردو مش عارفة اكرهه انا زعلانه من قلبي إنه حبه
-اكيد مش قرايب يا اسطى
-إحم لا انا قصدي غير كدا...... انا آسف و الله على اللي بقوله بس بجد انا حاسس إني اعرفك اكتر من كدا انا يعتبر مش فاكر حد زيك انا اه مارجعتليش الزاكرة يعني بس لو تقدري تساعديني
-انا اللي اسفة ماقدرش
ليه الدنيا صعبة كدا "الأمرُ يُشبه أن تظنَّ بأنَك سَمَاءِ، ثُمَّ تَكْتَشِف أنَّك لونٌ أزرق على طرفِ لوحة"
مش هسامحه على فكرة مش هسامحه على كل مرة قلبي وجعني فيها بسببه كل حته من قلبي اتفتت على ايده انا قلبي وقف لما عرفت انه عمل حادثة بالرغم ان انا المفروض اكتر واحدة اتكلم معاه عشان الدكتور هو اللي قال كدا ...... قال..... قال لازم اخر فترة يفتكرها لانها اكتر فترة نسيها لو افتكر حاجة هيفتكر كل حاجة و المفروض اني انا ابقى اخر فترة....... فترة كتب كتابنا بس بس لا مش من حقه
-انا عملتلك اللي انتي عاوزاه يا يمنى اعمليلي انا كمان اللي عوزاه و ريحي قلبي
- يا ماما انا..
- ريحيلي قلبي يا يمنى
و انا مين يريحلي قلبي مين يحس بيا مين يقرأ اللي جويا
" فَاسْتَحِق أن يُـحارَب لأجلي
اسْتَحق أن يُـقَال لِي انتـِ و من دونكِ عَدَم"
- يمنى
"و لا أَدْرِي كَيف يَنطِقُ اسمى و كَأنِي من سُمِيتُ بَه وَحدِي"
-قلبها
-ايه!
- ايه؟ بقول نعم في حاجة
-ليه بتعامليني كدا
