"يصادف اليوم عيد ميلاد يمنى حسين"
رسالة على صراحة مش فاهمة الحقيقة دا بمناسبة ايه اللي هو عموا مارك قولتله مايكتبش حاجة زى كدا عشان مش عاوزة حد يعرف .. يكونشي عموا مارك هو اللي بعتها
- خلصتي البحث
- هبدأ اهو
- يمنى حرام عليكِ كل يوم بتقوليلي نفس ذات الكلمة
- أمنية ؟
- اهلا وسهلا يلا تاريخ ميلاد المصيبة و كيف نشأت
- مصيبة ايه ؟
- ماهو طالما الرسالة بدأت باسمي و انتهت بعلامة استفهام يبقى مصيبة ... يلا احكي هببتي ايه ؟
- النهاردة كام في الشهر
- النهاردة ٦/٢ و يوم ميلادك اللي مش بتحبي تخليني احتفلك بيه بس لازم اتصل عليكِ الساعة 12 عشان اشغلك هابي بيتزا
-امنية مش بهزر ... انتِ اللي بعتي الرسالة دي على الصراحة ( بعتلها الرسالة )
- لأ بصراحة .. بس اكيد حد قريب منك .. و الاكيد الاكيد انها مش بنت لانها كانت هترسلها خاص ليه تبعتها صراحة
- شوفي خلاص كبري دماغك
ما هو انا مش هسمح لقلبي يدق تاني خلاص هو كان مرة وشكراً
- اييييه روحتي فين ؟
- هروح اذاكر
-يمنى استني عاوزة اقولك على حاجة
- همممم
- أحمد راجع بكرا من المانيا
كنت سامعة نبضات قلبي و هى بتخبط في ودني كأنها بتقولي انا لسه هنا لسه لما بسمع اسمه بس بكون موجودة - وبعدين
- كلكم لازم تبقوا عندنا .. ااا .. عشان ... يعني
- عاوزة ايه يا أمنية
- مش هتيجي ؟
- و مش هاجي ليه ابن عمتي و جاى من سفر و كله هيبقى موجود ماجيش انا ليه بقا لأ طبعا لازم ابقى موجودة
- بتقنعي نفسك و لا بتقنعيني
- وبعدين معاكِ يعني
- ماشي سلام
- تصبحي على خير
- يبقى زعلانة
- لأ هزعل ليه
- عشان ماقولتيش تصبحي على جنة يا أمنية
ابتسمت - تصبحي على جنة يا أمنية
مش هسمحله تاني .. خلاص اتحكم فيا زى ما هو عاوز ووقعت عليه وقعت على قلبي لكن عقلي لسه ليه اللجام خدت نفس كنت مبسوطة أن مافيش دموع يبقى طلع من عيوني
"ثم أثر كلمات .. كيف تقع الكلمات وقع الصخر على قلبها ، كانت كنياط يغرز بقلبها ليدميه "
