فجاة لقيت نفسي زعلانه من شخص و اتنين و تلاته فجاة لقيتني زعلانة من ناس كتير فجاة لقيتني زعلانه من الدنيا كلها فلقيتني زعلانه من نفسي
كل دا و هو بيقرب و انا ببعد و بنزل دموع مش عارفة جت منين مش كنت استرونج من شوية و لا هو عادي الاسترونج تعيط فجاة لقيته مد ايده وشدني عليه ماعرفتش وقتها غير اني في عالم تاني عالم غير اللي الناس فيه عالم ليا لوحدي لقيتي بعيط اكتر من الاول لقيته عاوز يخبيني جواه عاوز يخبيني من العالم اللي برا العالم اللي وحش دا....... دا مش حلو مش بحبه انا لقيت صوته مخنوق وهو بيقولي
- طب زعلانه مني
ماقدرتش ارد كنت خايفة اجابتي تضيع سحر اللحظة بس هزيت راسي جامد اللي هو مستحيل لا دا من رابع لا رابع ايه دا من سابع لا و الله و لا حتى سابع دا من عاشر المستحيلات اني ازعل منك يعني نيفر ايفر فور ايفر
- يبقى انتي مش زعلانه من العالم كله
كان نفسي وقتها اقوله انا صالحت العالم خلاص معقول يكون صوته مخنوق بسبب عياطي اللي هو انت خدت قلبي خلاص عاوز ايه تاني المرة دي عيطت كأني معيطش قبل كدا في حياتي كأني دي اخر مرة هعيط فيها يمكن عشان دي اول مرة اعيط و حد يضمنى كدا هو ماحلش الموضوع يعني مثلا مارحش جاب البت دي مش شعرها و لا وعدني بانه هيهد الدنيا هو بس معايا بس كان معايا
-يمنى انتي نمتي
-هممم
محسيتش غير بنور الشمس كانها اول مرة تنور كأن دا اول يوم ليا برفع راسي لقيته نايم و ساند راسه على سور البلكونه كأني اول مرة بشوفه فجاة افتكرت رفضي ليه لما جه يتقدملي مش عشان هو وحش عشان انا وحشه هو انقى مني بكتير بشوفه و هو بيصلي بحس ان العالم واقف من حواليه مرة رجع من الفجر و انا صليت بسرعة عشان ماتكلمش معاه لما يرجع لقيته دخل و حط ايده على راسي الرعشة اللي حصلتلي كانت كفيلة بانها تعرفه اني صاحية و بستعبط لقيته مسك ايدي و بيسبح عليها كنت عاوزة اقوله و طب لما احبك واوديك في داهية دلوقتي مش هتزعل انا اللي سمحت لقلبي يوصله غيره بس هو فعلا انا حبيت عمر اما انا ليه حاسه بحاجة مختلفة دلوقتي مش كرهي لعمر انه اتخلى عنى و الله بس... بس.... بس ايه...بس حبي لأحمد ثواني هو انا فعلا بحبه امال انا ليه حسه كاني لاول مرة احب فجاة افتكرت كلام حنان سعيد و هى بتقول " الحب للحبيبِ الذي يهتم، الذي يُسكنّا قلبه وروحه وعينيه.
أما الحبيب الأول إن لم يُقدّرنا حق قدرنا نطويه كأي ورقة قديمة ونمحيه من الذاكرة." لما شفت الكلام دا على صفحتها مافهمتهوش افتكرت اد ايه رفضته لحد ما بابا قالي اقعدي معاه بس انا قولت ايه اللي هيحصل يعني كل الموضوع اننا هنحلل اسباب الزلازل و ليه نيرون ولع روما و بعدين انا بردو مش هسكت انا عندى ميت سؤال اصلا و هسال ومش هسكت
-يمنى انتي هتفضلي ساكته كدا كتير
-انا بس عاوزة اعرف حضرتك مصر عليا ليه انا
