رفع حاجبه اليمين - ايه دا ؟
لقيت وشي له - اقعد يا بيبي ماتتكسفش
باستغراب - بيبي ايه .. أنتِ مين ؟
بهدوء - انا يمنى
- نعم ... يمنى ازاى يعني ؟ انااااا....
- أحمد 27 سنة 185 سم هندسة خاتم القران و بتصلي في الجامع اللي على اول الشارع بتحب اللون الاسود عشان كدا لبسك كله اسود و حتى عربيتك سودا و بتكره اللون الاحمر بتحب كباب الحلة و مابتحبش الفراخ المسلوقة بتحب تلبس كوتشي و مش بتحب الجزم و بتحب تقرأ لأحمد خالد توفيق و اخو البت اللي بتتجوز برا دي
- الله اكبر عليكِ ... انتِ ايه من الجن ؟
- لأ انا يمنى
- انا في واحدة قالتلي إن في حد عاوزني هنا
- اه ما دي يمنى صاحبتي
- يمنى مين امال أنتِ مين
- لأ ركز معايا كدا .. يمنى تبقى صاحبتي و على نفس اسمي
- يا حلاوة و انتم عايزين مني ايه بقا
- لأ الموضوع بسيط خالص .. تتجوزني
- ناااااااعم
- ايه يا أحمد في ايه
- اتجوز مين انا ماعرفكيش
- بسيطة نتعرف
- أنتِ مجنونة صح
- ماشاء الله تبارك الله عليك بجد عرفت ازاى
- لو سمحتي عيب كدا و سيبيني اخرج
- يرضيك اختك اللي كنت بعلمها تعد من واحد لعشرة تتجوز قبلي
- يا ستي انا مالي
- ما هو انا ماينفعش ابقى عاملة حسابي اننا هنتجوز من ٣ سنين و في الاخر تقولي انت مالك .. انت عارف رفضت كام عريس قبلك ؟
- كام ؟
- كتير
- اقعدي بقا شكلك معنسة اصلا
- قولت يمكن يغير و يجي يتقدملي لكن انت و لا انت هنا و بعدين انا برأف بيك عارفة إن حماتي ما شاء الله جابتلك بنات كتير و انت كنت بترفض
- ايوه صح بس أنا مش متقبلهم
بابتسامه - بس هتتقبلني انا إن شاء الله خاصة إن مامتك حبيبتي
- أنتِ عارفة أمي
- طبعا مش جيران و العمارة في وش العمارة ... انت بس اللي ماكنتش بتشوفني ... ابقى امسح النظارة دي
- اسمعي بقا انا مش عاوز أقل ادبي على فكرة و محترم إنك بنت
- لأ ماتقلقش انا عارفة إنك مؤدب
- و عرفتي منين بقا
- مخابرات
- ايه ؟
