{يُحكى أن هناك فؤادًا .. عشق و لكن عف و كتم }
رسالة كل يوم ... بحب اوي الرسائل اللي بيبعتها من رقمه التاني .. انا ببقى عارفة إن هو .. بالرغم من إن عمري ما سألته و لا هو عمره قالي على الرسائل دي .. بس هو عارف إني بحب الشعر عشان كدا بيبعت الرسائل دي كل يوم
- وشك و لا قمر ايه اتصالحتوا
ابتسمت - اه ... مى انا مش عارفة انتِ مش بتحبيه ليه؟ .. و الله أنتِ واخدة عنه فكرة غلط
- أنتِ عارفة إني بس مش بارتحله
- ليه يعني عشان هو بيتكلم معايا هو دا وجه اعتراضك
- يا يمنى دا رخم انا مش عارفة انتِ بتحبيه على ايه
- و الله أحمد كويس و هو قالي إن كل الموضوع مسألة وقت ماتنسيش إننا لسه بندرس يعني هو مايقدرش يتقدم دلوقتي
- أندر إيدج بيتكلم انا اول مرة اشوف أندر إيدج بيتكلم .. شوفي اتمنى بس تكوني صح و انا اللي غلط يا ستي
مى دي من الصحاب اللي القدر بيرميهم في ايدك .. عمري معاها ٣ صوابع بس أنا بحس انها قريبة مني و فاهماني .. مستحملة جناني اغلب كلامنا ضحك بس .... لحد ما ظهر أحمد و هى بدأت تقلق و يبقى كل كلامنا عنه ... او معظمه .. هى دايما شايفة أنه عيل و مش هيستحمل مسؤلية و إن دي مشاعر مراهقة أو مجرد أنه بيتسلى .... بس أنا عارفة أحمد مش كدا هو بيحبني
- مش انت بتحبني
- اكيد طبعا يا ست البنات بحبك ... أنتِ لسه عندك شك يا يمنى
- خايفة اقع على قلبي يا أحمد خايفة يتكسر
- كل ما هنتكلم هنبدأها كدا يا يمنى ... فين يمنى الفرفوشة انا مش بحب النكدية دي
- انا نكدية عشان عاوزة اعرف بتحبني و لا لأ
- يمنى انا عارف إنك خايفة مني ... أنتِ لحد دلوقتي مش بتخليني اكلمك في التلفون ... انا مش فاهم بس أنا عملت قدامك حاجة تخوف
- لأ
- طب ليه كل القلق دا يا حبيبتي انا بحبك مش أنتِ بتحبيني
- انا بحبك اوي
بغمزة - ايوه بقا
كنت عارفة إنه بيحبني اصلا
" و دقيقة فقط دقيقة فارق بين كوني و كوني معك تغيرت ملامح أحلامي بعدك صرت اخطو اليك بعدد عمري ليكفيك "
- آنسة يمنى
- دكتور أدهم ؟
- ممكن اقعد
- اكيد اتفضل
- ايه اخبارك
ايه دا ماله دا - تمام الحمدلله
- لقيتك ماحضرتيش محاضرة النهاردة فقولت اجيبهالك
تاني يا ربي انا مش هخلص بقا دا لو أحمد شافة هيبهدلني - شكرا يا دكتور و الله انا بتعبك معايا بس أنا ممكن اخد المحاضرات من اى حد
