- بس أنتِ لسه ماجبتليش عريس 🙂
- ننام دلوقتي و نصحى بكرا نتخطب انا و انتِ و بابا و ناهد 😄
- انتِ عارفة انا بس خايفة ليتقدملي واحد و انتِ ترفضي 😅
- اهو انا مابخفش غير من توقعاتك دي ... تفاءلوا بالخير تجدوه
- تصبحي على جنة💜
- و انتِ من اهلها 💙
يمنى مش مجرد بيست فريند دي ممكن تبقى بيست تفاح .... مش مجرد إن اسمها على اسمي مش مجرد دفعة واحدة و جروب واحد و بريزنتيشن واحد و لجنة واحدة .. هى اكتر من كدا ....... عاوزة كذا نجيب .. عاوزة اخرج .. نخرج ..... عاوزة شنطة .. نجيب شنطتين ..... كدا يعني اه عرفتها من سنتين بس لكن سنتين بعمر ....
احيانا الدنيا بتعثر في خطاويك صاحب بصحبة صحابية رفيق يرافق وحدتك شخص ثابت بضلوعك دوما و ابدا .. حد كدا يفهمك من نظرة يعرف سر حروفك ابتسامتك ضحكتك حزنك تكشيرتك
صحيت على رسالة
- جالي عريس 🌚
- نعم يختي و دا من ايه 🙄
- جالي عريييييس 🌚
- و دا لقيتيه في الحلم 😏
- لأ دا كان متقدملي من اسبوع بس ماما و بابا ماقالوليش و ماما عملت استخارة كذا مرة و قالتلي النهاردة 💃🏼💃🏼
- حاسة في نبرة صوتك إنك موافقة 😒
- صوت ايه احنا بنتكلم شات 😌
- ايون صح الكلام دا ماينفعش شات 🙂
رنيت عليها
- أنتِ في البيت
- انا موافقة
- موافقة على ايه
- ع العريس
- لا يا جدع ... انتِ بتهزري
- لأ موافقة بجد
- أنتِ عارفة اااا
- باركيلي
- يمنى اااا
- ابغي تجولي مبروك هالحين
- طب نفكر بالعقل أنتِ عارفة يعني ايه عريس اصلا
- هنلبس فساتين
- انتِ هتصحي بدري عشان تدوري على فردة شراب
- هبقى اعملك ميك اب فرحي بلاش
- هتروقي البيت و تخرجي الفرخة من الفريزر عشان تفك
- تفتكري الفستان هيبقى لونه ايه
- هتستاذني منه عشان تخرجي معايا
- حبيته خلاص
- الفستان ؟
- تؤ تؤ .. زينو
- زينو مين ؟
- العريس
