وجه اخر
البارت لاول
للكاتبه: جود العنزي
ٱختاري رجلاً لا يجعل قلبك ينام باكياً
يعتذر منك و ٱن كنت مخطئة .. ٱختاري الذي لا تهونين علىٰ قلبه🌸💚
واكفه وداسمع كلام عمي وبابا تعوودت كل فتره اسمع نفس الكلام مليت ياربي ماريده غصب خوما غصب اكتل نفسي وارتاح عفيه بشر لهل درجه ماعنده احساس
ماحبه ولا اطيقه احسه مغرور ومتكبر
جنت واكفه بلمطبخ ومحسيت غير علئ صوته وراي
ثائر: قدر اريد احاجيج كافي تره زوتيها مو عبالج اذل نفسي اكثر
قدر: تره مكايلتلك ذل نفسك اني احترمك مثل اخ وابن عم بس كزوج ممتقبلتك والله مو بيدي
ثائر: اكو احد ابالج تحبين احد كولي وريحني انطيني سبب مقنع
قدر: ثائر شدتحجي انت ماكو شي من هل حجي بس اني ماتقبلك كزوج حاسبتك اخويه
ثائر: لعد شوفي يا بت عمي اني هسه اكدر انهي عليج واتزوجج غصب ماعليج بس ماريدج بهل طريقه فكري زين راح ابقه انتضر ردج واتمنه يكوون خير
قدر: عافني وطلع شبي هاذ ياربي
رحت كعدت يم ماما ومرت عمي خواتي بغرفهن
ام ثائر: ولج قدير ليش هيج شالعه گلب ابني والله ثائر لوما يحبج مينتضرج كل هل وكت هاذ والف وحده تتمنا
قدر: خاله والله ثائر حاسبته اخ ماكدر اتقبله كزووج مو بيدي
ام قدر: ولج بنيتي راح تحبي وره الزواج والولد ابن عمج اوله من الغريبب وانتي مو صغيره دخلتي بعمر25 فكري شويه
قدر: يصير خير ماما
اعرفكم علئ نفسي اسمي قدر عمري 25 مثل مكالت ماما عندي 3 خوات 2 ويانا بلبيت اصغر مني وحده اكبر مني متزوجه وعايشه بامريكا اني دارسه تحاليل مرضيه وحاليا اشتغل بمختبر قريب علئ بيتنه تقريبا وخواتي هدئ اول كليه صيدله وهاله بعدها اعداديه
بابا الله يحفظه دائما يكول مضايج لائن الله مقاسملي ولد بناتي نعمه من الله ودووم يحمدالله ويشكره علينه
او يمكن لائن ولد عمي ممخلي يحس بعازه الولد دوم كلشي يريد يسوه اله قبل لا حته يحجي تعلمنه عليهم يطبون النه ويطلعون ونتشاقه الله شاهد مثل اخواني عمري مفكرت بواحد منهم عمي اصغر من بابا بيناتهم حب واحترام مو طبيعي.
عمي عنده 3 ولد صلوات و بنتين كلهم كبار اصغر وحده بيهم ساره عمرها 18 عمي متزوج قبل بابا
ولد عمي اسماهم ثائر وسلمان وحسين
والبنات امينه وساره
خواتي اسمهم هدئ وهاله والمتزوجه اسمها تقئ واني قدر
صار 4 سنوات او اكثر ثائر حاطني براسه
ماتقبل فكره اتزووجه واني حاسبته اخ
اليوم يمكن الجيه الميه الهم وبكل هل جيات بابا ممحاجيني بلموضوع كله ماما لائن ميحب يضغط علينه بشي يكول هاي حياتكم انتو تعيشوها مو اني
