وجه اخر
البارت 22
قدر: متقصرين خاله الله يحفظج ويخليج النه
مر اسبوع اني وثائر ماكو شي حتئ حجي ميحجي وياي علئ كد حضريلي الخاولي جوعان اكويلي قميصي نزلت خالتي وساره رايحين ابيت اختها سلمان ماخذهم شفت امينه دتحضر العشه ساعدتها اجه حسين يمنه كام يشاقه وينكت
كافي بعد روح
امينه: راح يحترك العشه من وراك
حسين: هاي فوك ما جاي اشاقه واضحك وياكم والله يالله وين لاكيلكم هيج واحد
STORY CONTINUES BELOW
قدر: ههههههه اي والله صدك فدوه اروح لليشاقه اني
امينه: ولج لا تكبرين راسه هسه يلزك بعد ميروح
قدر: عووفي شتردين منه ضايج وديشاقه كمل مالك شغل بيها
حسين: فدوه ونذر اروح لليفتهمني طبعا اني ماتزوج الا اشوفلي ابنيه تشبهلج خلق واخلاق
قدر: جنت داسوي زلاطه رفعت راسي وضحگتي شاگه حلكي ثائر صار بوجهي
ثائر: انت شعندك اهنا
حسين: كاعد ماعندي شي
ثائر: كووم ولي لغرفتك
حسين: شبيك ثائر شمسوي هسه
ثائر: ممسوي شي بس ماريد اشوف خلقتك جوه
حسين: اريد اكل جوعان
ثائر: من يصير العشه اصيحك
قدر: راح وهوه ينافخ نقهرت عليه وبقه ثائر يخزرني علما دخل يم عمو بصاله
ياربي شلون اتصرف ويا مادري
امينه: اكول شبي ثائر اشو اشتعل نار
قدر: والله اخوج مينفهم راح يخبلني فوك خبالي
امينه: ههههههه بس تدرين عيونه فاضحته
قدر: امينه ليش اني ماشووف الانتو تشووفو مداحس يحبني
امينه: صدك تحجين قدر انتي بس ركزي بي شويه راح تشوفين الحب بعيوونه
انتي مركزه بسلبياته ومدتشوفين حبه الج
قدر: بقيت ساكته طلعت البن والطرشي وخليتهم بكاسات
امينه: انصب البابا والثائر وحسين بصاله ياكلون
قدر: سلمان ميرجع
امينه: ماعرف هسه خلينه نمشي بابا خطيه عنده علاج
قدر: يلا صبينه وخلصنه الصينيه جانت من الگبار
هاي شلون راح نشيلها
امينه: روحي صيحي ثائر
قدر: ها
امينه: دمشي ولج هسه يبرد الاكل ولازم نرجع نحمي
