وجه اخر
البارت 42
متذكرين غيره شلون عذبج خلاج تتمنين المووت وانتي عايشه
ميستاهل اتاذي هل شكل والله خطيه 2
قدر: والله اني هم احبه موبقصدي ائذي
هدئ: الله يهديكم ويهدي سركم ويرزقكم بطفل
قدر: بقيت مركزه علئ كلامها خاصه من كالت يرزقكم طفل هدئ يجي يوم رب العالمين يكرمني ويرزقني بطفل يصيحلي ماما
هدئ: كولي ياالله وان شالله رب العالمين ميخيب ضنج ويترس حضنج جهال
ويفرحج ويسعدج
قدر: اميين يارب
هدئ: يلا كومي ننزل نتعشه تره جوعانه
قدر: جهالج وينهم
هدئ: شمرتهم علئ هاله لعد شنو شغلها غير خالتهم
قدر: هههههههه هسه تروح تشتكي وتتلوك يم بابا
هدئ: هههههه يلا كومي لعد قبل لا تجيبهم تركعهم براسي
قدر: نزلنه تعشينه واحس الكمه بلكوه تنبلع اكو غصه بكلبي بقينه نسولف اني هدئ وهاله ضحك وشقه ثاني يوم راحت هدئ ورجعتلي الكائبه وهاي اني اسبوع ابيت اهلي لا خابرني ولا سئل عليه
نفسيتي حييل تعبت ماما منا بس ترزل بيه
سمعت من هدئ المختبر البنات يفتحونه
كلت باجر ارجع لشغلي شسويله
ثاني يوم رحت للمختبر ماما تعاركت وياي مقبلت اطلع بدون علمه جنت مشتاقه لشغلي كلش واذا ابقه بلبيت اتخبل التفكير ياكل من عمري عمر مشيت المرضه 1
ومر اسبوع ثاني هم ماكو خبر منه ومشايفته احس گلبي نار عليه مشتاقتله كلش
خابرت هدئ كلت اكيد تعرف اخباره
دك مرتين ينفصل ومتجااوب ثالث مره ردت عليه جان يمها كلش هوسه وصوت صيااح ميزت الصووت هذه صوت ثائر والله
هدئ: قدر بعدين احجي وياج
قدر: كطعته بدون متسمع مني كلمه
بقيت الوج اريد اعرف شبي ليش هيج عصبي
ويصيح انتضرت هدئ ساعه ساعتين ماكو مخابرتني واخاف اتصل بيها احد يحس
نزلت جوه كعدت يم ماما كعدت تنصحني لا تضيعي من ايديج يحبج الرجال لا تشلعين گلبه طلعت بس اني شالعه گلبه وهوه شايلني علئ جفوف الراحه خرب حضي حتئ ويا ماما مكعد
بقت ماما تحجي واني بالي يم ثائر عصبيته مجانت طبيعيه ليش هيج يصرخ شصااير ياربي. بقيت احوص بمكاني
ام قدر : شو ابوج اتاخر انطيني الموبايل اخابره وين صار
قدر: ايي بابا اكيد هسه هوه اهناك عمي مخابره اي ماما هسه ادك عليه دكيت عليه مرتين يلا رد
ماسمع بابا شيكول بس ماما وجها مره يفرح ومره يحزن مره دكول طلكها خلاص ومره لا دكول خطيه الله لا يوفقها
مفتهمت السالفه شنوو كاعده علئ نار
