وجه اخر
اريد اثبتلهم انو يتفوت وميهمني مادري ليش هيج اتصرف
مر الوكت وصار المغرب اجه علينه بابا تعشينه وسوالف وضحك وثائر من طلعته الضهر ليهسه مراجع +
رجعنه للبيت اول مدخلت لغرفتي شفت موبايلي عبدالله جان داك عليه كومه مكدرت اجاوبه غيرت ملابسي واتصلت بي حجالي عن يومه شون رايح يم بابا وحاجي ويا
وكال رد فعل بابا جانت طبيعيه الحمدالله
ان شالله يقبل واتم علئ خير
عبدالله: ان شالله حبيبتي
قدر: بقينه نسولف علما نمت والموبايل يم اذني مفتوح
مرت الايام واليوم حنه لينا كلتلي تعاي من الصبح ملحكت اروحلها من الصبح صارت پ1 ايست يجي احد رحت خابرت بابا ياخذني كال عندي شغل ادزلج واحد من ولد عمج
رحت بسرعه حضرت نفسي لبست فستان اسود وشال ماروني ومكياج سموكي تاخرت هواي بلمكياج. بس طلع كلش حلوو كمت لبست حذائي رتبت نفسي ونزلت
دانزل وجان اسمع صووت
لستٌ اعلم اين ستذهب بي الأيام لكن انا واثقه بأن حياتي مستقبلآ ستصبح أجمل من الشي الذي امر بهِ الأن .
قدر: صوت ثائر ديحجي ويا ماما ويشاقه
معقول بابا مشاف غيره يوصلني
نزلت جانو كاعدين بلمطبخ جان كوب الجاي بيده وبيد الثانيه لازم جكاره سلمت عليه بقه يباوع حسيت اكلني اكل بعيونه
ام قدر: خلصتي بنتي اخاف تاخرين ابن عمج علئ شغله
ثائر: لا خاله ماعندي شي. قدر جاهزه
قدر: اي ماعندي شي طفه جكارته وكام
ثائر: زين يلا منتضرج يم السياره
قدر: بست راس ماما وطلعت
ركبت بسياره
شكرا تعبتك وياي
ثائر: تعبج راحه قدري
قدر: كمل كلامه ودار وجهه يسوق بقيت صافنه شنو قصده قدري
وصلني للقاعه
ثائر: خابريني قبل لا تخلص الحفله
قدر: استحي ادخل وحدي ولينا اكيد هسه مشغوله. شلون بيه
ثائر: وين صفنتي
قدر: لا مصافنه بس انت وين راح تروح
ثائر: راجع للبيت ماعندي شي
قدر: زين تعال وياي استحي ادخل وحدي
باوعلي صفح
ثائر: امري لله يلا امشي
قدر: نزل من السياره دخلنه للقاعه همزين لينا بعدها مجايه لحكت علئ الدخوليه حبيبتي اكيد هسه طالعه اميره
بقينه ننتضرها علما تجي يمكن نص ساعه ميه واحد اجه سلم علئ ثائر عبالك طالعه ويا واحد مشهور
