وجه اخر
البارت السابع
قدر: ثائر والله هوه حاجي ويا بابا علئ الخطووبه وانطيته رقمي خاطر اتعرف عليه اكثر
ثائر: مو اكلج تبقيين غبييه
اكووو فتره خطووبه وتتعرفي عليه لييش الا بهل طريقه
قدر: الله يخليك لا تحجي شي البابا
ثائر: اعذريني مره سكتت عبالي رجع عقلج براسج بس اضاهر طلعت غلطان واخاف هل مره اسكت ويصير الاكثر
قدر: الله يخليك والله بعد ماحجي ويا علما يخطبني رسمي
ثائر: صووتج ماسمعه
قدر: وصلنه للبيت واني الرجفه والدمعه مراضيه تروح مني ماعرف شسوي اخاف يكول البابا ويصير بي شي ادري بي يريد ينتقم مني لائن رفضته
نزلت من السياره دخلت جوه هوه نزل وراي عرفت من صوت الباب مال السياره حسيتها انكسرت مو نسدت دخلت جوه تلكتني رهف
رهف: هلا والله بعد وكت جنتي فدور ترحين وياهم للفندق تحجزين غرفه بصف غرفتهم
قدر: مو وگتج رهف
ثائر: سلام عليكم شونج رهوفه
رهف: وعليكم السلام هلا بابن عمي
ثائر: عمي كاعد لو نايم
رهف: كاعدين هوه وماما بصاله تفضل
قدر: كلما يمشي خطوه للصاله رجفت جسمي تزيد يعني شنو هاهيه راح يكول البابا متصورت ثائر حقير لهل درجه
اريد اصرخ اوكفه اتفاهم ويا بس صوتي ميطلع لائن اعرف بنفسي غلطت
عفتهم وكلت اليصير خل يصير صعدت فوك سديت الباب كعدت كرفصت علئ نفسي حته ملابسي مبدلتهم بقيت اهز بجسمي احس رجفه صارت بطرافي
مادري شكد مر وكت علئ هاي كعدتي بس البيت صار هدوء وبابا مصاحني معقوله عرف
ماعتقد لائن اذا جان كايله بابا هسه حارك البيت علئ راسي
كمت بلكوه غيرت ملابسي اخذت حبايه وجع راس وتمددت علئ فراشي من الخوف والتخيلات التجيني مداكدر انام
بقيت ادكلب لوجهه الفجر علما اذن كمت بلكوه صليت ودعيت ربي احس بنفسي ضايعه مادري ليش هل احساس هاذ
خلصت صلاتي رجعت لفراشي بقيت استغفر ربي علما محسيت علئ نفسي شلون نمت
فزيت الصبح من فراشي مخترعه احس علئ يا ساعه بابا يجي يحاسبني شفت الساعه ب11 مجان الي خلك اكوم من الفراش جسمي مكسر تكسر
صافنه علئ الديصير مداعرف بنفسي اني احب عبدالله لو تعلقت بي لائن ميحاسبني ويتفاهم وميتامر بكلشي داحس بنفسي ضايعه
طردت الافكار من راسي محد بلكوه كمت من الافراش غسلت وجهي ونزلت اني ودانزل سمعت بابا يحجي ويا ماما
