وجه اخر
25
در: لا امينه هوه من لا شي كارهني وميحب يشوف جهرتي مو ادور اكول الخالتي وتصير مشكله خلي اشوف وين يريد يوصل
امينه: حبيبتي لا تقهرين بنفسج تعاي اليوم نروح لبيت عمي نغير جو شويه
قدر: اي والله ياريت بس اخاف ميقبل
امينه: لا اني احجي ويا يقبل ان شالله
قدر: بقينه كاعدين ندردش
علما نزلنه تغدينه وثائر بعده مراجع
للعصر اجتي اخت خالتي ام زمن
جنت فوك مردت انزل بس امينه كالت لخاطر امي بس سلمي وصعدي
غيرت ملابسي وخليت شويه مكياج ونزلت سلمت عليها هيه وبنتها بس تخزرني عبالك كاتله ابوها اذا تريد ثائر خل تاخذه وانطيها عليه هديه
بقيت كاعده يم خالتي والبنات وكل شويه تذبلي بسمار واكول ميخالف هيه خطار شويه وتروح
اجه الكلام علئ الحمل دارت وجهه عليه
ام زمن: شنو داده انتي مو حامل
ام ثائر: رزق من الله خيه قابل بيدها
ام زمن: ونعم بالله بس غير تراجع تصخم يعني هم ماخذيها مطلگه وهم متخلف
قدر: ردت احجي اكللها انتي شحارگ حمامج كل شويه مطلگه مطلگه القاضي وراضي بس قبل لا افتح حلكي دخل ثائر
ثائر: سلام عليكم
ام زمن: وعليكم السلام وليدي
قدر: بقو يسلمو علئ الاخ بس تعجبت من بنتها زمن حضنت ثائر وبقت تسلم اكلته اكل بسلام
متحملت اشووف المسخره هاي صح احنا زواجنه كدام الناس شكليات بس لازم يحترمني علئ الاقل مو هيج يحضنها كدامي
ترخصت منهم وصعد بچيت علئ حضي
بليل راحو بعد ماشبعت زمن ضحك وشقه ويا حبيب گلبها
امينه حجت ويا ثائر علمود روحتنه لبيت اهلي مقبل كال ماعندي مجال
هم گلت ميخالف تهون بس لشوكت اتحمل
صار شهرين متزوجه يمكن مرتين رايحه يم اهلي وكلما اريد اروح ميقبل بس همه يجون دوم واشوفهم
هدئ تعرف كلشي
وحجايتها المشهور اتحملي والله يحبج
واني ماكول باطل متحمله وساكته
مرات من نكعد بلصاله اشوف ثائر يباوعلي ومن اباوع عليه ينزل عيونه علئ الموبايل
زين اذا يحبني ليش هيج يعاملني
حتئ ماكدر احجي ويا علمود رجعتي للشغل
هوه اصلا مينطيني مجال افتح ويا الموضوع
وصار يومين انام يم امينه وهوه مادري ممنتبهه مادري مغلس
اليوم صعدت انضف الغرفه
فتحت الباب شفته نايم علئ بطنه وايده جوه المخده
شعره مخربط لحيته عاليه
ثائر كلش كريزما وشخصيه وشكله من تباوعين عليه تحسي عصبي
بقيت اباوع عليه
ضربت خدي علئ الخفيف وضحكت علئ سوالفي اخذت ملابسه الوصخه وطلعت خليتهم بلغساله
