وجه اخر
البارت 31
هههههه مبين ديخجلها وهيه صايره طماطه من الخجل
عفتها ورجعت نزلت ماما جانت كاعده بصااله تتفرج تلفزيون
ام قدر: قدر بنتي تعاي كعدي
قدر: كعدت يم ماما وحضنتها
ام قدر: بنيتي شبيج احسج ضايجه صاير شي بينج وبين ثائر احجيلي
قدر: لا ماما ماكو شي
بس اني احس بنفسي شوويه تعبانه مادري شبيه
ام قدر: ياالله بلكت تطلعين حامل وتلتهين بطفل علئ الاقل
قدر: ان شالله ماما بقينه نحجي شراح نلبس باجر وسالفه جرت بسالفه
علمات ماما كالت قفلت وراحت تنام اني هم صعدت تمددت يم هدئ عساس انام بس دوختني ويا سلمان اخذت الموبايل منها وهيه تخزرني
سلمان الله يخليك خلينه انام والله عگب باجر راح تكابلك وتكعد وتمل منها ومن لغوتها
سلمان: هههههههههههههه مبين قافله انتي
لا عيني اني مامل من وردتي لو تبقه طول العمر تلغي
قدر: زين عندي الك اقتراح تجي تاخذها من هسه وتخلصنه بس خلوني انام شويه من الصبح اگرب للحنه مال الخاتون
سلمان: ههههههههه عاد اذا اجي تنطونيها
قدر: انت تعال اذا مشمرتها الك من الشباگ فلا اتسمه قدر
سلمان: هههههههههههه خرررب يومج لا عيني اريد مرتي صاحيه للعرس مو تشمريها وتتكسر
اخذو راحتكم مازعجكم اكثر تصبحين عبئ خير ورده
قدر: وانت من اهله احلام سعيده
التفت علئ هدئ نايمه ولازمه بطنها وميته ضحك
شبيج شنوو اليضحك
هدئ: ولج اتخيلج تشمريني من الشباگ
والله تسويها وانتي هيج نعسانه
قدر: تجين اتنامين لو اجي اسويها من صدك
هدئ: لا عمي جايه وشحدي ماجي اصلا اني مره خطار عدكم باجر متوكله يم رجلي عليمن تكسريني
قدر: هههههههه دتعاي نامي يلا
بقيت افكر بثائر علما نمت حبيته مو بيدي
هسه يلا وكعت بلحب من صدك
وكعت بلوعه الحب والغيره والاشتياق
ثاني يوم كعدنه تريكنه ورحنه للصالون
خلصت هدئ طلعت اتجنن بدلتها بصلي
تخبل
اني بس شسورت شعري وحطيت مكياج بس هم معرفت نفسي
اجه ورانه سلمان بقه بس يباوع علئ هدئ عبالك صار سنين مشايفها
سلمان كاافي تباوع عليها راح تضربها عين والله
سلمان: قدر انتي اكوو واحد مسلطج علينه
اذا اخابر تدردمين واذا اباوع ضربت عين
عوفيني براحتي مرتي وحر بيها
قدر: هههههه متت ضحك عليه من كل عقله كلت الا اكعد علئ گلبه شو العروس واختي
شنو واذا مرتك غيرر اختي واخاف عليها من عيونك
سلمان: ولج جووزي من حاالي
قدر: مااكو متباوع عليها
سلمان: اي مو هوه بكيفج
قدر: ردت اجاوبه وسمعت صووت مشتاقتله كووومه ميته عليه بس اذاني حيل صح حقه بس مو كلشي يصير وتعاي اخذج لبيت اهلج دنيا كلشي يصير بيها
ثائر: لك هلااا بضلع شطاالع گمر
سلمان: انت الگمر مشتاقين يولي
قدر: واكفه واشووفه شلون يسلم علئ سلمان ويباركله صرت اشوف طوله عافيه الي اليوم الماشوفه بي احس بخنكه
بس والله لو يشوف المكياج البوجهي الا يزوعني العافيه
بارك الهدئ وندار عليه خزرني
ثائر: توكل اخذ عروستك وروح
سلمان: ركبو ويانه
ثائر: جايب سيارتي
قدر: راحو تقرب مني لزم ايدي
مشينه للسياره اول مادخل بقه يحجي
ثائر: شنوو هاي الالوان بوجهج
