وجه اخر
البارت 17
قدر: لا من زمان
ثائر: ليش انخطف لونج
قدر: صدك تحجي والله گلبي وكع اذا عندج شي سوال اسال بس مو بهل طريقه عبالك ماخذيني للعدام
ثائر: ههههههههه مو بيدي انعمي من توصل الشغله يمج ارحمي بحالي عاد
امينه: خلصني ثائر والله تاليتك توكعني بمصيبه
قدر: انفتح الباب بلحظه المناسبه
خليتها تحجي ويا واني فلتت بروحي
بعده مثل سوالفه مناوي يبطل منهن
نزلت كضيناهاسوالف وشقه بابا وعمو وثائر طلعو وسلمان ورهف كاعدين بلحديقه
مر اليوم كلش حلو بليل رجعنه للبيت
امي گلبت وجهها
ام قدر: قدرر لحكيني لغرفه هدئ
قدر: صعدت وراها واني الصفنه نصيبي
ام قدر: اسمعيني قدر. قبل لا تزووجين شكتلج وكتلج اريد هاذ اليووم تذكري زين
قدر: شصاير ماما
ام قدر: قدرر شكتلج ماعدنه بنيه تطلك وانتي راح تسويها هم ميخالف ميهون عليه اشوفج تتعذبين بيد هل حقير بس قدر ثائر ابتعدي عنه لا تسويها مشكله بين عمج وابوج
تالي عمرنه نكعد نحل مشاكل بسببج
قدر: ماما ماعندي شي ويا ثائر
ام قدر: مو غبيه اني انتبهت علئ نظراته الج بنتي لا تنطي امل عوفي خلي يشوف حياته
كافي هم انتي تعذبتي وهم هوه
قدر: ماما اني
ام قدر: قدر لا انتي ولا هوه بس لا تنطي مجال وخلاص
قدر: صار ماما
رحت نمت وتفكيري كله بثائر مادري ليش
غيرت ملابسي وتمددت ماعرف شلون وشوكت نمت
مرت الايام مشوو بجرائات الطلاق
ودوخه المحاكم مقهورره من نفسي بهل عمر دخلت بابا للمحاكم
اجه اليوم الازم اني اروح بيها حته يتم الطلاق
كعدت الصبح علئ صوت هدئ
هدئ: كوومي بعد قدر بابا ديصيحج
قدر: ليش شكو
هدئ: ماعرف انزلي وشوفي
قدر: نزلت واني مفتحه تك عين صباح الخير بابا صحتني عزه العزاني ثائر واكف بصف بابا واني نازله ابرموده
اي باباتي حضري نفسج دنروح للمحكمه
قدر: صار بابا
ثائر: صباح الخير قدر شونج
قدر: صباح النور الحمدالله
فلتت فوك سويت الدرج ركضتين
غسلت وجهي ولبست عبايه اسلاميه تعليمات من بابا ولو اعرف هاي سوالف ثائر
نزلت اني جاهزه
ابو قدر: يلا لعد نتوكل
قدر: ركبت ليوره طول الطريق بابا وثائر يحجون بشغل انسطرت
وتفكيري كله. بعبدالله اخاف يسوي شي
او ياذي احد
