وجه اخر
البارت 18
هدئ: قدر كافي بجي معليج بكلام ماما تخاف تصير مشكله بين بابا وعمو وبعد الولد ميجون اهنا وتعرفيها متعلقه بيهم تحسبهم ولدها المجابتهم
قدر: هدئ احس نفسي شي خطر بحياتكم
هدئ: لا دكولين ولج انتي روحي والله والتشوفي مناسب سوي لا تفكرين باحد
قدر: عدلت كعدتي ومسحت دموعي هدئ اني ماريد شي والله بس اريد ارجع لشغلي كعدت البيت دتخنگني 1
هدئ: صبري حبيبتي بلگت بمرور الايام يقبلون
قدر: الله كريم حبيبتي انتو مناوين تقدمون عرسكم
هدئ: ان شالله علسنه الجايه
قدر: ان شالله ربي يسهل لكم
مرت الايام وصار 6 اشهر علئ طلاگي وتقريبا صارلي 3 اشهر مشايفه بيت عمي ولا ثائر دائما يجي اهنا واخليهم يطلعوله اعذار ويروح عمي مرتين اجه ويا بابا نزلت سلمت عليه مرت ايامي بين اربع حيطان وشغل البيت
تعبت نفسيتي كلش بليل دموعي التواسيني
جنه كاعدين اني والبنات نسولف اجتي ماما مخبوصه
ام قدر: كومو ساعدوني جايين بيت عمكم للعشه
نزلنه حضرنه العشه وخلصنه البنات صعدن يبدلن اني بقيت اعزل المطبخ مالي وهس بكلشي
ام قدر: روحي بنتي غيري ملابس
قدر: ماما اني تعبانه راح اصعد انام
ام قدر: كافي بنتي عيب من بيت عمج متسلمين عليهم
قدر: ماما والله حرت وياج كليلي شنو التردي بضبط خاطر اسوي
ام قدر: بنتي انتي ماعندج حل وسط لو دگيها ميانه زايده لو حته سلام متسلمين
قدر: تعبانه ماما اذا سالو عليه كلولهم مريضه
ام قدر: براحتج
قدر: صعد لغرفه هاله لائن اعرف هدئ هسه مخبوصه تعدل وتلبخ بنفسه هاله خلصي بسرعه نعسانه
هاله: ليش متنزلين
قدر: لا مالي خلك خلصت وطلعت طفيت الضوه وتمددت شويه وسمعت صوت هوسه عرفت بيهم بقيت صافنه علسگف ودائما اسال نفسي نفس السوال ليش هيج صار بيه
انفتحت الباب
هدئ: قدر نايمه
قدر: شكو هدئ
هدئ: عمي يصيحج
قدر: كلوله مريضه ميته ماريد انزل
هدئ: قدر حبيبتي لا تسووين هيج كومي لبسيلج شغله وخلينه ننزل
قدر: تعبانه هدئ فدوه عوفيني
حسين: وينها هل بذاتها اكدر افوت
