وجه اخر
البارت 16
ابوقدر: لا بنتي هاذ طبعه هيج وبي حاله نفسيه من سابع المستحيلات يتغير
ومستحيل اخلي اختج تعاني ويا
هدئ: قدر شنو رئيج انتي بكلام بابا حبيبتي
قدر: منتوالم بعد اني وعبدالله مبقت عندي طاقه اتحمل اكثر
ابو قدر: لا تفكرين بشي بنتي مادام اشتم الهوئ ماخلي مخلوق بدنيا يمس شعره منكم
قدر: حضنت بابا الله يحفظك النه ولا يحرمنه منك
ابوقدر: ويحفظكم الي باباتي
يلا هدئ اخذي اختج خليها ترتاح
قدر: صعدت فوك تمددت بقيت افكر براح يصير دائما اسال نفسي نفس السوال ليش هيج سويت بنفسي
مر اليوم طبيعي ساعدت ماما سوينه العشه حبيبتي ماما تضحك وتشاقه وياي تريد تنسيني الصار
الكل نام بقينه بس اني وهدئ نعزل المطبخ
خلصنه وكعدنه نشرب مسكافيه ونسولف علئ جامعتها
دك موبايلها كمت من يمها حته تاخذ راحتها اكيد سلمان
كمت صعدت لغرفتي رحت علئ موبايلي احجي ويا لينا فتحته وشفت اكثر من 15 مكالمه من عمتي وعبدالله
الصراحه خفت هواي لا صاير شي او ديهددني باهلي اتصلت بي ويا كل دكه گلبي يدك
مادري اذا جان حب او كره او شنو
عبدالله: هلا بمرتي العزيزه
قدر: صوته جان تعبان بلوكه يحجي
داك عليه
عبدالله: دگيت عليج مو عبالج اخذتي حقج
والله الا اردلج الصاع صاعين
قدر: شدتحجي انت حقيش ماخذه منك اني
عبدالله: لا تغشمين نفسج قدر
وخليها گطنه باذنج طلاك ماطلك لو تطلع نخله براسج
لو تموتين ماخليج تتهنين ويا هل نذل ابن عمج وحساابه باقي يمي عسير
قدر: دقيقه مدافتهم شي ابن عمي شجابه بنص وحسابيش فهمني خاطر اعرف اجاوبك
عبدالله: اسمعيني زين قدر عندج اسبووع واحد بس ترجعين بي للبيت والا راح اخليج تتندمين طول عمرج
قدر: لو تمووت مارجعلك تحلم والتريده سووي گطعته بوجهه
شويه شويه ديبين وجهه الثاني تعبت منه ومن كلامه الكله تهديد نفتحت باب الغرفه
ودموعي جانت علئ خدي هدئ عوفييني وحدي الله يخليج
ثائر: واذا ماعفتج
قدر: گمزت من مكاني انت شسوي اهنا
ثائر: اجيت اشوف بنت عمي
قدر: اطلع منا ثائر قبل لا يشووفك احد لا تورطني بمشاكل الله يخليك
ثائر: ماعاش اليجيب طاريج بشين وراسي يشم الهوئ
حسي بيه قدر كاافي ترگبين راسج بعد شوفي اعنادج وين وصلج
